2
Boaz Ih Lo Ah Ruth A Feh
1 Naomi cun a thizomi a pasal Elimelek ih lam in sungkhat a nei ih cupa ih hmin cu Boaz a si. Boaz cu milian le upat tlak a si.
2 Ruth in Naomi hnenah, “Lo ah ka feh pei ih fang attu pawl ih hrelhmi fanglep ka va hawl pei. I zangfahtu hnenah ka va feh pei ih ka va hawl pei,” tiah a ti.
Cutikah Naomi cun, “Va feh awla va hawl he, ka fanu,” tiah a let.Ref 2:2 Pui 19:9, 10; Daan 24:19;
3 Curuangah Ruth cu lo ah a feh ih rawl òuantu pawl ih dunglam in a thlun ih fanglep cu a lak vivo. A fehnak cu Elimelek ih sungkhat Boaz ih lo a rak si.
4 Khua a hung tlai deuh tikah Bethlehem ihsin amah Boaz cu a ra thleng. “ Bawipa cu nan hnenah um hram seh,” tiah rawl òuantu pawl cu cibai a buk.
Cule annih in, “ Bawipa in lo thluasuah hram seh,” tiah an sawn.
5 Cutikah Boaz in a rawl òuantu pawl hotu, a hnenumpa hnenah, “Khi nu khi khuilam fala so a si?” tiah a sut.
6 A hnenumpa cun, “Naomi in Moab ram ihsin a rak tlunpimi nunau a si.
7 “Zangfah tein rawl òuantu pawl hi an dung ka thlun pei ih an hrelh mi fanglep ka lak hram pei,” tiah i dil. Zingpit ihsin tutiang a òuan ih tubaite ahkhan deu sungah a vung cawl a si,” tiah a ti.
8 Cutikah Boaz in Ruth hnen ahcun, “Ka fanu, thu ka lo sim ding. Khui hmanah feh hlah aw; hi lo lawngah hin rawl cu hawl ko aw. Hinah um awla ka rawl khawmtu nunauf 1:8 Hebru mi pawl daan ahcun mipa pawl in fang an at ih nunau pawl in at cia mi an khawm. pawl hnenah hin òuan aw.
9 Rawl an ahnak kha zoh awla, fang attu mipa pawl cu nangmah lo hnaihnok lo dingin ka tiam zo a si. Na ti a haal a si khalle mipa pawl ih an khai cia mi thawl sungih ta kha rak in aw,” tiah a ti.
10 Cutikah Ruth cu a hmai leilung dai in a kun ih Boaz hnen ahcun, “Ziangahso kei miphun dang nunau hi hitlukin i zangfah ih ka zawn i ruat?” a ti.
11 Boaz in, “Na pasal a thih hnuah na ni parih na tuahmi hmuahhmuah a zate in mi in, in sim thluh a si. Na nu le na pa le na suahnak ram na tantanak le na hmuh dah lomi le na theih dah lomi miphun hnenih na rat thu khal ka thei thluh.
12 Hitiih na tuah ruangah hin Bawipa in lo rul hram seh. A thla hnuai ih humhimnak na hawlmi Bawipa, Israel ih Pathian in a laksawng cu famkim zet in lo pe hram seh,” tiah a ti.
13 Cutikah Ruth in, “I zangfahzet a si, bawipa. Na hnenum pawl lakih pakhat tluk hman ka si lo nain awkam òha zet ih i biak ruangah ka hna i ngamter zo a si,” tiah a sawn.
14 Suncaw ei caan a si tikah Boaz in Ruth hnen ahcun, “Ra awla sang hi ra ei ve aw; sabitti sungah ciah in ra ei aw,” tiah a ti. Curuangah Ruth cu fang attu pawl lakah cun a to ve ih Boaz cun vaikan a rak pek. Khop zet ih a ei hnuah a hlahmi tla a um lai.
15 Cule fanglep hawl dingih a feh hnuah Boaz in a hnaòuantu pawl cu, “Fangcang phal pawl lak khalah fang cu hawl ve ko seh, dawn hlah uh.g dawn hlah uh Hlan lai Hebru mi pawl ih hnaòuandan cu mipa pawl in fangcang an at ih, fangcangtel pawl cu leilung ah an ret. Cumi cu nunau pawl in an khawm ih an thiar ih puum ah an ret. Cuih hnu ih an hrelhmi a leep cu mifarah pawl in an lak thei a si.
16 Fangteel sung ihsin malte zuk uhla a sar dingah tanta hrim uh. A kawk khal kawk hlah uh,” tiah thu a pek.
17 Curuangah Ruth in lo sungah fanglep cu zanlam tiang a hawl ih a ngahmi hmuahhmuah cu a vuak òheh tikah han khat lai a kim.
18 A fang phur in inn ah a tlung ih fang a khawmmi cu a ni hnen ahcun a hmuh. Cule a suncaw hlahmi khal a ni hnenah a pek.
19 Cutikah Naomi in, “Tuih sun khuitawkah so fanglep na hawl? Zo ih lo ah so na òuan? A lo zangfahtu pa cu Pathian in thluasuahnak pe hram seh,” a ti.
Cule Ruth in, “Boaz an timi pa ih lo ah ka òuan a si,” tiah Naomi cu a sim.
20 Cutikah Naomi cun, “A nungmi parah siseh, a thi cia mi par khalah siseh, zangfahnak a thlenter ringringtu Bawipa in Boaz cu thluasuah hram seh,” a ti. Cule Ruth hnenah, “Boaz cu kan hrinpi, kan sungkhat ngaingai sokhaw a si. Kannih in kilkhawitu ding khal amah a si,” tiah a ti.Ref 2:20 Pui 25:25;
21 Ruth in, “A si ngai ding. “Rawl òuan kan òheh hlan lo cu ka hnaòuantu pawl hnenah ra òuan ringring aw,” i ti hngehnge,” tiah a ni cu a sim.
22 Naomi in Ruth hnenah, “A si ko, ka fanu; midang lo ih na feh ahcun hmuhsuamnak tla na tong pang ding. Boaz lo ih nunau hnaòuantu pawl hnenih na òuan cu a òha bik a si,” tiah a sawn.
23 Curuangah Ruth cu Boaz ih hnaòuantu pawl lakah hna a òuan ih barli fang le sangvut an ah òheh hlan lo fanglep cu a hawl. Cule a ni hnen ahcun a um ringring.