RUTH
Thuhmaihruai
Ruth thuanthu hi Thuòhentu pawl san sungih rak ummi thu a si. Ruth cu Moab mi a si ih Israel pa thawn an nei aw. A pasal a thih tikah Israel mi a ni le Israel Pathian parah rinsan tlak zet in a um thotho. A netnak ah a pasal ih sungkhat pawl thawn an nei aw ih cutiih an neihawknak ruangah Israel pawl ih siangpahrang tum bik David suahkehnak ah a cang.
Thuòhentu pawl cabu sungah Pathian ih minung pawl in amah an dungtun tikah an parah siatnak a thleng òheu a si, ti kan hmu. Ruth cabu sungah cun miphun dang pakhat in Israel Pathian a biak tikah thluasuah a ngah ve thotho ih rinsan tlak miphun ah a cang ti thu a langter.
1
Elimelek Le A Innsang Cu Moab Ram An Thleng
Thuòhentu pawl in Israel ram an rak uk lai ah an ram sungah paam a rak tlung. Curuangah Judah ram Bethlehem khua ih a ummi mipa pakhat cu Moab ram ih um dingah a nupi le a fapa pahnih thawn an vung feh. Cupa ih hmin cu Elimelek a si; a nupi cu Naomi a si ih an fapa pahnih hmin cu Mahlon le Chilion an si. Anmah cu Efrath hrin an si. Moab ram ahcun an vung thleng ih an vung um. Moab ram ih an um lai ah, Elimelek cu a thi ih Naomi cu a fapa pahnih thawn an hmei. A fapa pahnih cun Moab fala an òhit. Pakhat ih hmin cu Orpah a si ih a dang pakhat ih hmin cu Ruth a si. Cule cutawk ram sungih kum hra tluk an um hnuah, Mahlon le Chilion an thi lala ih Naomi cu pasal lo le fapa lo in amah pakhat lawnglawng a rung tang.
Bethlehem Ah Naomi A Kir Ih Ruth In A Thlun
Bawipa in amah ih minung pawl thluasuahnak a pek ih rawl an paòha zet a si, ti kha Moab ram ih a um lai ah Naomi in a thei. Curuangah a fapa le ih nupi pawl thawn Moab ram tanta dingah an tim an tuah. Cule Judah ram ih kir ding ahcun hmunkhat ah an pok. Asinan lamzin ah Naomi cun, “Nan inn ah kir uhla nan nu ih hnen veve ah vung um uh. Keimah le in thihsan zotu pawl parih nan òhat bangin Bawipa cu nan parah òha ve hram seh. Cule pasal neisal in hnangam teih nunkhuasaksal thei dingah Pathian in thluasuah lo pe hram seh,” tiah an hnenah a ti.
Curuangah Naomi cun damte in va kir uh, tiah a hnam hai. Asinan a fapa ih nupi pahnih cu napi in an òap ih, 10 “In tanta hram hlah aw; na miphun hnenah kan lo thlun ko pei,” tiah an ti.
11 Cutikah Naomi in, “A si lo, fanu le uh; nan kir tengteng a òul a si. Ziangahso ka hnenih feh cu nan duh? Nan pasal dingah fapa pawl ka nei nawn ding maw si? 12 Inn ah vung tlung uh; kei pasal neisal ding ahcun ka tar tuk zo. Cun ruahsannak a um lai, tiah ti tahrat in tuih zan ah pasal nei in fapa pawl ka neih khalle, 13 patling an si lai hlan lo nan pasal dingah nan hngak thei ding maw si? Pasal dang neih a lo dawntu ah an cang sawn lo ding maw? Fanu le uh, a cang thei lomi a si, ti nan thei ko. Bawipa in mi vanduai ah i tuah ih nan hrangah hin ka riah a sia ngaingai a si,” tiah a ti.
14 Cule ring zet in an òapsal thotho. Cun Orpah in a nib 1:14 a ni timi hi a pasal ih nu ti duhnak a si. cu damte in tiah a hnamta ih a miphun hnenah a kir. Sikhalsehla Ruth cu kir lo in a ni cu a kaih fetfet. 15 Cutikah Naomi in, “Ruth, na pasal unau ih nupi cu a miphun le a khawzingc 1: 15 Moab mi pawl ih khawzing upa bik cu Khemosh a si. hnenah a kir zo. Nang khal amah thawn inn ah vung tlung aw,” tiah a ti.Ref 1:15 2 Siang 11:33;I Sian 11:33.
16 Asinan Ruth cun, “Nangmah lo tanta ih kir ding cu i fial nawn hlah aw. Na hnenah ka feh ve hram pei. Na fehnak kipah ka feh ve ding; na umnak kipah ka um ve ding. Na miphun cu ka miphun a si dingih na Pathian cu ka Pathian a si ve ding. 17 Na thihnak ah ka thi dingih cutawkah phum ka si ve ding. Nang le kei hi thihnak siar lo zianghman in, in òhen hlah seh. Thu dang ruangah òhen dingih ka lung a kim pang a si ahcun Bawipa ih hremnak òihnungza cu ka parah thleng seh,” tiah a ti.
18 Cutiih feh ve a tumtah zia cu Naomi in a hmuh tikah zianghman a òong nawn lo.
19 An pahnih in an feh ih Bethlehem khua cu an thleng. An thlen thu an theih tikah khuasungmi pawl cu lungawi in an sa hiamhiam. Cule nunau pawl in, “Naomi kha maw na si?” tiah an sut.
20 Cutikah Naomi in, “Naomi,d 1:20 Naomi timi cu Hebru òong in lungawi, nunnuam tican a si ih, Marah ti cu riahsia, a kha tican a si. tiah i ko nawn hlah uh. Marah, tiah i ko sawn uh; ziangahtile Ziangkimtithei Pathian in riahsiatpi tlak in i tuah zo a si. 21 Hitawk ihsin ka rak feh lai ahkhan neinung zet le famkim zet tein ka rak feh; asinain atu ah Bawipa in, in hruaikir tikah ka lawngte in ka thleng a si. Hitiin Ziangkimtithei Bawipa in i hnong ih i tisiat tikah hin ziangahso nannih in, Naomi, tiah in kawh duh rero?” tiah a ti.
22 Cuticun Naomi cu a fapa ih nupi Moab nunau Ruth thawn Moab ram ihsin an rakir ih barli fang an ah thok pekte ah Bethlehem khua ah an ra thleng.