9
1 Ka simmi hi thudik a si. Khrih ta ka si ih thuphan ka per lo. A sia le a òha thleidan thiamnak, Thlarau Thianghlim ih ukmi ka thinlung hin thuphan ka per lonak cu fiang tein i sim.
2 Ka riahsiatnak cu a nasa ngaingai; ka phunpi ka thi le ka sa a simi pawl hrangah,
3 ka thinnatnak cu cem ti a nei dah lo. Anmah ih ruangah keimah sawn hi Khrih ihsin òhensuakmi le Pathian camriamnak hnuai ih a ummi si sawn ningla ka va duh so!
4 Annih tla cu Israel mi an si; Pathian in a faale ah a canter ih a sunlawinak cu an hnenah a langter; anmah thawn thukamnak tla a tuah ih an hnenah Daan a pek; anmah in a dikmi biaknak an nei ih Pathian ih thutiamnak a cotu an si.Ref 9.4 Suah 4:22;
5 Anmah cu kan pupa Hebru mi hminthang zetzet ihsin a rung suakmi an si; cule minung sinak lamih kan ruat asile Khrih khal an phunpi a si. Ziang hmuahhmuah uk òhehtu Pathian cu kumkhua in thangòhat si ko seh. Amen.b 9:5 Khrih khal an phunpi a si ih ziang hmuahhmuah tlun ih Pathian a si; kumkhua in thangòhat si ko seh, Amen ti tla a si.
6 Israel mi an zate in Pathian ih minung an si òheh lo; asinain Pathian ih thukamnak cu a kim suak lo ka ti duhnak a si lo.
7 Abraham tesinfa khal an zate in Pathian ih fa an si òheh lem lo. Pathian in Abraham hnenah, “Tefa ka lo kammi pawl cu Isaak sungsuak an si ding,” tiah a ti.Ref 9.7 Sem 21:12;
8 Himi ih a tican cu: Minung daan vekih hrinmi tefa pawl hi Pathian fa an si tinak a si lo;c 9:8 Himi ih a sim duhmi cu Abraham in Hagar thawn an hrinmi Ishmael kha a si.Ref 9.8 Sem 3:22-23; Pathian ih thukamnak thawngin hrin a simi faale pawl lawng kha tefa taktak ih siar dingmi an si, tinak a si.
9 Ziangahtile Pathian ih thukamnak cu hitiin a um: “A cam a kim tikah ka rasal dingih Sarah in fapa a nei ding,” a ti.Ref 9.9 Sem 18:10;
10 Hi lawng hi a si hrih lo. Ziangtintile Rebekka ih fapa pahnih in pa an nei ih amah cu kanmah in hringtu kan pu Isaak a si.
11-12 Sikhalsehla hrilmi fapa pakhat in Pathian ih tumtahmi a kimter theinak dingah Pathian in Rebekka hnen ahcun, “A u in a nau a rian ding,” tiah a ti. Pathian in hi thu hi an suah hlanah a rak sim zo a si; a òha siseh, a sia siseh, zianghman an tuah hlanih a simmi a si. Curuangah Pathian in mi a hril tikah an thil tuahnak thawngin si lo in amah in a kawh ruangah a si sawn.Ref 9.11-12 Sem 25:23;
13 Ca Thianghlim khalin, “Jakob cu ka duhdaw, asinain Esau cu ka hua,” a ti.Ref 9.13 Mal 1:2-3;
14 Cuti a si ahcun Pathian hi a ding lo a si, kan ti pei maw? Ti hrimhrim hlah!
15 Ziangahtile Moses hnenah, “Zangfah ka duhmi parah ka zangfah ding; zawnruahnak neih ka duhmi parah an zawn ka ruat ding,” a ti.Ref 9.15 Suah 33:19;
16 Curuangah ziangtinkim ahhin minung ih duhnak le tuahnak ruangah si lo in Pathian ih zangfahnak a um ruangah a si òheh a si.
17 Izipt ram Faro siangpahrang thu khalah Ca Thianghlim in, “Nangmah cu siangpahrang ah ka lo tuah ih leilung hmuahhmuah ah ka cahnak huham na langter ih ka hmin na thanternak dingah ka lo hril a si,” a ti.Ref 9.17 Suah 9:16;
18 Curuangah Pathian in a duhmi poh kha a zangfah ih a duhmi poh kha an lung a ruhter a si.
19 Asinan nanmah lakih pakhatkhat in ka hnenah, “Hiti a si ngaingai ahcun, ziangtinso Pathian in mi a mawhthluk thei ding? Pathian ih duhmi le tummi cu zoso a el thei ding?” tiah in sut ding.
20 Asinan, ka rual, cutiin Pathian a sawn ngamtu cu zoso na si? Beel in a tuahtu hnenah, “Ziangahso hitiin i tuah?” tiah a sawn dah maw?Ref 9.20 Isa 29:16, 45:9;
21 Thungai in kan ti asile beel tuahtu cun tlak leilung kha a duhduh ih tuah theinak thu a nei: A duh asile tlak hlomkhat ihsin beel pahnih a tuah thei; pakhat cu tikcu sunglawi caan ih hman dingah, a dang pakhat cu nitin hman men dingah, a tuah a si.
22 Cuvek òhiamòhiam in Pathian ih thil tuahdan khalah a si. A thinhennak langter ding le zokhal in a huham an hmuhnak ding kha a duh. Sikhalsehla a thinhennak a tuartu ding le siatsuahnak a tongtu ding pawl ih parah cun a thin a sau zet ih mi a zawi thei zet fawn.
23 Cule a famkimmi a sunlawinak khal cu langter a duh ih a cotu dingih tin cia mi kan si ruangah a zangfahnak dongtu kannih parah a sunlawinak cu a run burh.
24 Ziangahtile kannih cu amah ih kawhmi a minung kan si; Judah mi sung ihsin kawhmi lawng si lo in Zentail mi sung khalin kawhmi kan si.
25 Hosea cabu sungah Pathian in,
“Ka minung a si lomi pawl kha
‘Ka minung,’ tiah ka ko ding.
Ka duh lomi miphun khal
‘Ka duhdawtmi,’ tiah ka ko ding.Ref 9:25: Hos 2:23;
26 ‘Nannih hi ka minung nan si lo tiah
a rak tinak hmun ahkhan,
‘A nungmi Pathian ih faale pawl’ tiah
annih cu kawh an si ding,” a ti.Ref 9:26: Hos 1:10;
27 Cule profet Isaiah in Israel ih thu ah, “Israel mi pawl cu tifinriat kapih vunnel zat in tam hman hai sehla mi malte lawnglawng rundam an si ding.
28 Ziangahtile rei lo teah hi leikhawvel thu hi Pathian in a òhen ding,” tiah a ti.Ref 9:27-28: Isa 10:22-23;
29 A hlan deuh ah Isaiah thotho in, “Cungnungbik Bawipa in tefa òhenkhat pawl zuah lo in um sehla Sodom bangtuk ah kan cang zo dingih Gomorrah vek kan si zo ding,” tiah a rak ti bangtuk kha a si.Ref 9:29: Isa 1:9;
30 Cuti a si ruangah, hitiin kan sim: Pathian thawn rualremnak tuah a tum dah lomi Zentail mi pawl cu an zumnak thawngin Pathian thawn an rem aw zo.
31 Asinan Pathian ih minung pawl, Pathian thawn rualrem duh ah daan a hawl rerotu pawl cun cuih remnak cu an tong lo.
32 Ziangruangah so cutin a si? Zumnak rinsan lo in an tuahmi an rinsan sawn ruangah a si. Cuticun, “Bahnak lungto,” parah an bah a si.
33 Cuih Lungto thu ah Ca Thianghlim in:
“Zoh hnik, Zion ah lung pakhat ka ret;
Cumi ruangah mi tampi
an bah, an sawn ding;
Cuih lungpi cun mi a tluter hai ding.
Sikhalsehla cumi a zumtu cu,
an mualpho lo ding,”d ‘An mualpho lo ding’ timi hi ‘an bei a dong lo ding’ ti tla a si thei. tiah a ti.Ref 9:33: Isa 28:16;