6
1 Asile ziangtinso kan ti ding? Pathian ih zangfahnak karh sinsin seh tiah sual kan tuah vivo hrih ding maw?
2 Tuah naisai hlah! Sualnak ah kan thi zo ih ziangtinso a sungah kan um thei nawn ding?
3 Khrih Jesuh thawn kan pehzom awknak in a sungih hnimmi kan si tikah a thihnak sung khalah hnimmi kan si tihi nan hngilh maw si?
4 Baptisma kan lak tikah amah thawn phummi kan si ih a thihnak ah khal kan òawm ve; cuvek thotho in Pa ih sunlawinak huham in Khrih kha thihnak ihsin a thawhter bangtukin kannih khal a thar in kan nung ding.Ref 6.4 Kol 2:12;
5 A thihnak ahkhan amah thawn a thi tlangmi kan si ruangah thihnak ihsin thawhter a sinak ah khan kannih khal kan tel ve ding.
6 Kan nun hlun cu Khrih thawn thinglamtah parah khen cih a si zo ti kan thei; cumi cu sual in a khatmi kan nunnak hlunih pum cu a siatral òheh ding tinak a si. Cutiin sualnak ih sal kan si nawn lo.
7 Ziangahtile mi pakhat cu a thih tikah sualnak in a parah thu a nei nawn lo.
8 Khrih thawn kan thih tlang ruangah a nun khal amah thawn kan nung tlang ding tiah kan zum.
9 Khrih cu thihnak ihsin thawhter a si zo ih a thisal nawn lo ding, ti kan thei; thihnak cun a parah thu a nei nawn lo.
10 Cule sual thu ahcun kumkhua daih in a thi ih atu a nun hi cu Pathian ah a nung a si.
11 Cuvek òhiamòhiam in nannih khal sual thu ahcun mithi kan si tiin siseh, nunnak thu ahcun Khrih Jesuh zaar in Pathian thawn pawlkom in kan nung tiin siseh, ruat aw uh.
12 Taksa hiarnak kha nan thlun lonak dingah a thi theimi nan taksapum cu sualnak in uk nawn hlah seh.
13 Nan taksaòhen ziangkhal thil òha lo sual tuahnak ah nan hmang lo pei. Cuhnakin thihnak ihsin nunnak ih thawhtermi bangin nan ziangzongza Pathian hnenah pe aw sawn uhla nan nunnak zate thawn thil òha tuahnak ah hmang sawn uh.
14 Sualnak cu a lo uktu bawi si nawn hlah seh; ziangahtile daan hnuai ah nan nung nawn lo, Pathian zangfahnak hnuai ah nan nung zo a si.
15 Cuti asile ziangtinso a si ding? Daan hnuai ih um lo in Pathian zangfahnak hnuai ih kan um ruangah sual kan tuah hrih ding maw? Tuah hrimhrim hlah!
16 Nannih in mi pakhatkhat hnenah a sal si dingin le a thu ngai dingin nan pe aw a si ahcun, cuih a thu nan ngaimi cu nan bawi a si ih nannih cu a sal nan si ko; cucu fiang zet in nan thei zo a si. Sualnak ih thu nan thlun asile sualnak ih a suahpimi cu thihnak a si ruangah thihnak nan tuar ding; asinain Pathian ih thu nan thlun ahcun Pathian thu thlun ih a suahpimi cu remnak a si ruangah Pathian thawn rualremnak nan co ding.
17 Sikhalsehla Pathian hnenah thangòhatnak um ko seh! Ziangahtile nannih tla cu sualnak ih sal nan rak si dah nain atu ahcun zirhnak nan ngahmi sungih thudik kha nan thinlung zate in nan thlun zo.
18 Sualnak ihsin luattermi nan si ih dingnak sal ah nan cang zo a si.
19 (Nan thei thei deuh ding tiah nitin hmanmi òong ka hman hi!) A hlanah cun a òha lomi tuahnak ah nan taksaòhen cu a baalmi le a òha lomi ih sal ah nan pe aw. Cuvek òhiamòhiam in atu ahcun a thianghlimmi tuahnak ah nan taksaòhen cu a zate in dingnak ih sal si dingin pe aw uh.
20 Sualnak ih sal nan rak si lai ahcun dingnak ih ukmi nan si lo.
21 Cutiih sualnak sal nan si ruangah ziangtal hlawknak nan ngah maw? Nan ngahmi cu kha vek thil sual nan tuah ruangah atu ningzak ih nan um hi a si. Cubangtuk thil ih hlawhman cu thihnak a si!
22 Sikhalsehla atu ahcun sualnak ihsin luattermi nan si zo ih Pathian ih sal ah nan cang zo. Nan hlawkmi cu Pathian hnenih hlanmi nunnak thiang a si ih cumi in a suahpimi cu kumkhua nunnak a si.
23 Ziangahtile sualnak ih hlawhman cu thihnak a si; sikhalsehla Pathian ih laksawng cu kan Bawipa Khrih Jesuh thawn kan pehzom awknak thawngin kumkhua nunnak a si.