4
Kan phun cithlahtu Abraham thu teh ziangti in so kan ruah ding? A hmuhtonmi ziangbangtuk so a si? Thil a tuahmi thawngin Pathian thawn rualremnak a co ti sehla porh awk ding tawkfang cu a nei ding! Sikhalsehla Pathian hmai ahcun porh awk ding zianghman a nei lo. Ca Thianghlim in, “Abraham in Pathian a ring ih cuih a rinnak ruangah Pathian in miding ah a ret a si,” tiah a ti.Ref 4:3: Sem 15:6; Gal 3:6: Mi pakhat hna a òuan tikah a hnaòuan man cu an pek; cumi cu laksawng ah ruah ding a si lo. Amah ih a hlawhmi a si. Sikhalsehla òuannak si lo in zumnak a neitu, mawh neimi kha mawh nei lo ah a tuahtu Pathian a rinsantu ih zumnak cu Pathian in amah thawn rualremternak hrangah a co sakmi a si. Pathian in mi pakhat òuannak malte hman tel lo tein miding bangin a cohlan sakmi pa ih lungawinak David in a rel tikah himi hi a si a sim duhmi cu:
“An òhatlonak ngaithiam a si mi le
an sualnak thlah sak a si mi pawl cu
mi lungawi an si.Ref 4.7-8 Saam 32:1-2;
Bawipa in an mawhnak a siarsak lomi le
an sualnak cazin ih
a khumsak lomi pawl cu
mi lungawi an si,” a ti.
David ih a relmi lungawinak hi serhtanmi pawl lawng ih ngah theimi a si maw? Si hrimhrim hlah! Hi lungawinak cu serhtan lomi pawl ih comi khal a si ve. Ziangahtile kan sim zomi Ca Thianghlim in, “Abraham in Pathian cu a ring ih cuih a rinnak ruangah Pathian in miding ah a cohlang a si,” tiah a ti. 10 Cumi cu ziangtikah so a si? Abraham in serh a tan hlanah maw, serh a tan hnuah so? Serh a tan hnuah a si lo, a tan hlanah a si. 11 Miding ih cohlan a si hnuah Abraham in serhtannak cu a tuah. Pathian in serh a tan hlan hmanah a rinnak ruangah miding ah a siar ih cumi hminsinnak ah serhtannak cu a tuah. Cuti a si ruangah serhtan lomi pawl an zumnak ruangih Pathian in miding ah a cohlanmi pawl hrangah cun Abraham cu thlarau lamih an pa bik a si.Ref 4.11 Sem 17:10; 12 Cule serhtanmi pawl ih pa khal a si thotho; ziangahtile serhtanmi pawl cu serh an tan lawng si lo in, kan pa Abraham serh a tan awk hlanih a nun bangin rinnak thawn a nungmi pawl an si.
13 Pathian in Abraham le a tefa pawl cu, hi leilung hi na ta a si ding, tiah thu a kam tikah Abraham in Daan a thlun ruangah a timi a si lo, sikhalsehla Abraham in a ring ih Pathian in miding ih a cohlan ruangah a si.Ref 4.13 Sem 17:4-6, 22:17-18; Gal 3:29; 14 Pathian ih thukamnak a co theitu pawl cu Daan a thluntu pawl hnen lawngah pek sibang sehla minung ih zumnak cu thulolak men a si dingih Pathian ih thukam cu man nei lo ah a cang òheh ding. 15 Daan cun Pathian thinhennak a thlenter; asinain Daan um lonak ahcun daan buar sualnak khal a um ve lo.
16 Curuangah thukamnak cu zumnak parih a dingmi a si ih Abraham tesinfa hmuahhmuah hnenah Pathian velneihnak laksawng a si tiah aamahkhan in thukamnak a si. Daan a thluntu pawl hrang lawngah si lo in Abraham bangin a zumtu pawl hrang khalah a si. Ziangahtile Abraham cu thlarau lam in kan zate ih pa a si. 17 Ca Thianghlim khalin, “Nangmah cu miphun tampi ih pa ah ka lo tuah zo,” tiah a ti.Ref 4:17: Sem 17:5; Curuangah cuih thukamnak cu Abraham ih a zummi Pathian hmaiah a hngetmi thukamnak a si. Cuih Abraham ih zummi Pathian cu mithi a nuntertu le a thu in a um lomi kha a umter theitu Pathian a si. 18 Abraham cun a zum ih beisei ding zianghman a um nawn lo hnu hmanah a beisei thotho hrih ruangah, “Miphun tampi ih pa,” ah a cang. Ca Thianghlim in, “Na tesinfa pawl cu arsi zat an si ding,” a timi kha a kim.Ref 4.18 Sem 15:5 19 Culai ah Abraham cu kum zakhat zikte a si; asinain a thi tuan dingmi a taksapum zoh tikah siseh, Sarah nau a neih thei lo thu a ruah tik khalah siseh, a zumnak cu a òum cuang lo.Ref 4.19 Sem 17:17; 20 Pathian ih thukammi khal zum lo in a um cuang lo; a zumnak in cahnak a pek sawn ih Pathian kha a thangòhat. 21 Pathian cun thu a kam cia mi cu a tuahsuak ding ti kha a ring nasa. 22 Curuangah rinnak thawngin Abraham cu, “Pathian in miding ah a cohlang,” a si. 23 Cule, “miding ah a cohlang,” timi òongfang hi amah ih hrang lawng ih nganmi a si lo. 24 Jesuh kan Bawipa thihnak ihsin a thosaltertu Pathian kan zumnak thawngin miding ih cohlanmi kannih hrang khalah nganmi a si ve. 25 Kan sualnak ruangah thihnak ah thlenter a si ih Pathian thawn kan rualrem awknak dingah le thiamcoter kan sinak dingah nunnak ah thawhtersal a si.Ref 4.25 Isa 53:4-5;