ROM
(Romans)
Khuami Hnenih Paul Cakuat
Thuhmaihruai
Paul in Rom khuami pawl hnenih a kuatmi ca hi Paul amah rori Rom khua kawhhran hnenah tlawn a duh ruangah a lamzin sial cia dingih a cahnak ca a si. A tumtahnak ahcun cutawkih um Khristian pawl hnenah malte lai hnaòuanta in anmah ih bomnak thawn Spain ih feh lan ding a si. Khristian zumnak thu le a cuih zumnak thu ruangah Khristian pawl ziangtinso nitin sullam nei in kan nung ding ti kha amah ih theihnak vekin simfiang dingah a nganmi a si. Himi cauk sungah Paul in a simmi thu a thupi pawl hmuahhmuah famkim tein a um.
Rom khua ih kawhhran pawl kha cibai a buk hnu le an hrangih thla a cam sak thu a sim hnuah Paul in a cakuatmi ih tumtah bikmi, “Pathian in ziang bangtukin amah le minung karlak ah remnak a tuah ti kha a langter. Cumi cu a hramthok ihsin a netnak tiang zumnak thawngin a si,” timi kha a sim. (1:17)
Cule Paul in a thu sirhsan kha tlamtling tein a langter. Judah mi siseh, Zentail mi siseh, milai hmuahhmuah Pathian thawn rem awk kan òul. Ziangahtile kan zate in sualnak hnuai ah kan um. Minung cu Jesuh Khrih zumnak thawngin Pathian thawn remawkter mi kan si. Cuih hnuah Pathian thawn kan pehawknak thar ihsin a ra suakmi Khrih thawn nuntlangnak nunnak thar thu kha a sim. Zumtu cu Pathian thawn remnak an nei ih sualnak le thihnak hnuai ihsin Pathian Thlarau in a luatter zo.
Rom bung 5 ihsin bung 8 sungah Paul in zumtu nunnak sungih Pathian Daan le Pathian Thlarau ih huham tumtahnak thu kha a rel. Cumi òheh ah Pathian in milai hrangih a tum cia mi sungah Zentail le Judah miphun ziangtin an lut tlang thei ding ti thu a sim. Judah pawl in Jesuh Khrih an hnonnak khal hi miphun zakip hrang Pathian ih tumtahnak cu pakhat a si vekin Judah pawl khal hin an hnong lan thei hrimhrim lo ding a si, ti thu a sim.
A netabik ah Paul in Khristian nunnak hi ziangtin kan nung pei ti thu a rel ih, a hleice in, midang thawn kan pehzom awknak ah ziangtin kan nung pei ti thu a ngan. Himi pawl hi Pathian hnaòuan a si tiin a thok ih Khristian pawl in uktu acozah parah òuanvo kan neih zia, pakhat le pakhat karlak ih òuanvo kan neih zia le sia òha òhen thiamnak thu thawn pehpar ih thusuhnak tla hi ca nganmi in a let. Pathian thangòhatnak le pumpak thusimnak thawn a cakuat a cemter.
1
Khrih Jesuh ih siahhlawh le a tirhthlahmi, Pathian in a Thuthangòha phuangtu dingah a hril ih a kawhmi keimah Paul in ca ka lo kuat.
Ca Thianghlim sungih ngan vekin cuih Thuthangòha cu Pathian in a profet pawl hnenih a tiam cia mi a si. Cuih Thuthangòha cu amah ih Fapa, kan Bawipa Jesuh Khrih thuhla a si: Minung a sinak lam ahcun amah cu David tesinfa sung ihsin suakmi a si. Pathian a sinak le a thianhlimnak lam ahcun, thihnak ihsin thawhter a si ruangah Pathian Fapa a sinak cu a nasa zetmi huham thawn langter a si zo. Khrih hrangah le amah thawngin mi hmuahhmuah in an zum ih an thlun theinak dingah Pathian in a tirhthlahmi sinak cu covo ah i pek. Cumi hmuahhmuah sungah cun nannih Rom khua ih a ummi khal Jesuh Khrih ta si dingah Pathian ih kawhmi ah nan tel ve a si.
Curuangah Rom khua ih a um, Pathian ih a duhdawtmi le a minung si dingih a kawhmi nan zate hnenah hi cakuat hi ka ngan. Kan Pathian le Bawipa Jesuh Khrih ih zangfahnak le daihnak nan hnenah um hram seh.
Leitlun pumpi ah nan zumnak thu a than ruangah nan zapi hrangah Jesuh Khrih thawngin ka lungawinak thu Pathian hnenah ka sim hmaisa a si. Amah Fapa ih Thuthangòha cu ka thinlung hmuahhmuah in ka sim ih a hna ka òuanmi Pathian in cuih ka simmi thu cu a dik a si, ti i theihpi. Ka thlacam tin tein ka lo hngilh dah lo ti cu amah Pathian in a thei. 10 Pathian remruat asile vei khatkhat tal cu ra lo tlawng thei dingin amah hnenah ka dil ringring. 11 Ziangahtile nanmah caktertu dingah Pathian thlarau lam laksawng lo òawm dingah ka duh zet a si. 12 Cuti ka ti tikah ka zumnak in nanmah ih zumnak thazang a cakter ih nan zumnak khalin ka thazang a cakter ve ding ka tinak a si.
13 U le nau tla, himi hi ciing ringring uh: Vei tampi nanmah tlawng dingah ka tum zo; asinain ra tlawng suak thei lo dingin i khawkhartu ziangsimaw a um ringring. A dang Zentail mi lakah lungthlengmi ka neihter thei bangin nanmah lak khalah lungthlengmi um thei ding cu ka duh zet a si.Ref 1.13 Tirh 19:21; 14 Ziangahtile mi hmuahhmuah hnenah òuanvo leiba ka nei: Mifim le mi-aa hnenah siseh, cathiam le zianghman thiam lomi hnenah siseh, leiba ka nei. 15 Curuangah Rom khua ih a ummi nannih hnen khalah Thuthangòha phuan cu ka hiar ngaingai a si.
16 Thuthangòha hi ka zahpi hrimhrim lo: Ziangahtile a zumtu hmuahhmuah rundamnak an ngahnak dingah Pathian ih huham a si. A hmaisa ah Judah mi hrangah a si ih Zentail mi hrang khalah a si ve.Ref 1.16 Mar 8:38; 17 Ziangtin a si tile, Pathian in amah le minung karlak ah remnak ziang bangtukin a tuah, ti kha a langter: Cumi cu a hramthok ihsin a netnak tiang zumnak thawngin a si. Ca Thianghlim khalin, “Zumnak thawngih thiamcotermi cu an nung ding,” a ti.Ref 1.17 Hab 2:4;
18 Pathian ih thinhennak cu minung sualmawhnak le òhat lonak hmuahhmuah parah vancung ihsin a rung lang; cuih minung òhat lonak cu thudik theih thei lonak dingih dawntu an si. 19 Curuangah Pathian ih hremnak an tong; ziangahtile Pathian amah in a fianter zo bangin minung ih Pathian theih theinak cu fiang zet in a lang a si. 20 Pathian in hi leilung a sersiam thok ihsin hmuh theih lomi a nun zia siseh, kumkhua ih a neihmi huham le Pathian a si zia siseh, fiang tein hmuh theimi an si. Pathian ih thil tuahmi pawl parah hmuh theih an si. Curuangah zokhal in puhmawh ding an nei lo. 21 Pathian cu an thei ko; sikhalsehla upat hmaizah tlak asinain upat hmaizahnak an pe lo; a parah lungawi thu khal an sim lo. An ruahnak sawn kha thulolak ah a cang òheh ih an thinlung kawlawngpi cu thimnak in a khat.Ref 1.21 Efe 4:17-18 22 Kan fim an ti aw nain an aa a si. 23 Kumkhawnung Pathian bia sawn lo in a thi theimi minung le vate le ramsa le a bok ih a vakmi ramsa pawl vekih tuahmi zuk sawn kha an biak.Ref 1.23 Daan 4:16-18
24 Curuangah cubangtuk minung pawl cu an thinlung ih an hiarmi thil ningsinza hurnak pawl tuah dingah Pathian in kham duh lo in a thlahthlam. Cule pakhat le pakhat parah ningzakza thil an tuah aw. 25 Pathian ih thudik thuhla cu thuphan in an thleng; Siamtu Pathian bia lo in le rian lo in siammi thilri sawn an rian ih an biak. Siamtu sawn kha kumkhua in thangòhat ding a si. Amen.
26 Hi thil an tuah ruangah Pathian in minung cu ningzakza a simi an taksa hiarnak thlun lawlaw dingin a hnonta hai. Nunau hman in nunau an sinak thil a daan vekih hmang lo in cin le daan nei lo in nu le nu an sualpi aw. 27 Cuvek thotho in mipa khalin nunau thawn pawlawkdan an tlansan ih an taksa hiarnak ruangah mipa le mipa an sualpi aw. Mipa in pakhat le pakhat cubangtuk ningzakza thilsual an tuah ruangah an thilsual tuah ruangih an hlawhman cu an parah a thleng.
28 Hi minung pawl in Pathian theihnak ngaingai cu an thinlung sungah camter an duh lo ruangah thinlung borhhlawhnak thlun lawlaw dingin Pathian in a hnonta hai. Curuangah tuah lo ding thil pawl kha an tuah. 29 Annih cu siatnak le òhat lonak a phunphun, hamòamnak le sualralnak a phunphun in an khat; nahsiknak, mithahnak, sualawknak, mi bumnak le depdet hrokhrawlnak tla in an khat. An kaa a tam ih, 30 pakhat le pakhat an relsia aw. Pathian mitkem zawng in an nung, an hngal, an puarthau, anmah le anmah an porh aw, òhat lonak tuah dingah lamzin a phunphun an hawl, an nu le an pa thu an ngai lo; 31 a òha le a sia thleidan thiamnak thinlung an nei lo, an thukammi an thlun dah lo ih midang hrang zangfahnak le zawnruahnak zianghman an nei lo. 32 Hibangtuk ih a nungmi pawl cu thi tlak hrimhrim an si, tiih Pathian daan pekmi a um ti tla an thei ko. Cuih tlunah hibangtuk thil òha lo anmah in an tuah lawng si lo in midang in an tuah tik khalah an lungkimpi a si.