8
Solomon Ih Hnaòuanmi Dangdang
(2 Siang 9:10-28)
1 Solomon in Biakinn le a siangpahrang inn a sak ih kum kul a rei.
2 Siangpahrang Hiram in a pekmi khuapi pawl tla a dinsal ih cuih khuapi sungah cun Israel mi pawl a umter.
3 Hamath le Zobah ram tla a lak ih,
4 nelrawn ih ummi Jadmor khuapi tla ralhruang in a kulh òheh. Hamath ram ih khuapi pawl tla a dinsal thluh ih rawl retnak hmunah a tuah.
5 Solomon ih dinsalmi khuapi pawl cu: Beth Horon Sakta le Beth Horon Thlangta, an pahnih in ralhruang ih kulhmi an si ih an kotka pawl cu khar ih hren theihmi an si,
6 Baalath khuapi, rawl a retnak khuapi hmuahhmuah le a rang le a rangleng pawl a retnak khuapi pawl an si. Jerusalem khua le Lebanon le a ukmi ram sungah inn sak dingih a tummi hmuahhmuah cu a duh vekin a saksuak òheh.
7-8 Israel mi pawl in Kanaan ram an lak lai ah an thah lomi Kanaan mi pawl ih tesinfa pawl cu a hnaòuantu an si. Hramhram in hna a òuanter mi pawl cu Hit mi, Amor mi, Periz mi, Hiv mi le Jebus mi an si ih an tesinfa pawl cu tuih san tiangin sal an si.
9 Israel mi pawl cu sal vekin hna a òuanter mi pakhat hman an um lo. Annih cu a ralkap pawl, a kuthnuai bawi pawl, rangleng ralkap le rangleng ralkap hotu pawl an si.
10 Inn sak hnaòuantu pawl zohtu dingah siangpahrang Solomon kuthnuai ah hotu bawi zahnih le sawmnga an um.
11 Solomon in a nupi, Izipt siangpahrang ih fanu cu David khuapi timi Jerusalem khawhlun ihsin a hrangih sakmi inn ah a òhawnter. Solomon cun, “Ka nupi cu Israel siangpahrang David ih inn ahcun um ding a si lo, ziangahtile Thukam Kuang a thlennak poh cu hmunthianghlim a si,” tiah a ti.
12 Cule Solomon in Biakinn hmaiih a dawlmi biakòheng ahcun Bawipa ih hnenah thawinak a pek.
13 Moses Daan sungih a um vekin puai ni tin tein mei-ur thawinak a pe ringring. Cuih puai pawl cu Sabbath ni, Thla Thar Puai kum tinte tuahmi Thilnu Tello Sang Puai, Thlaithar Puai le Puanthlam Puaid Puanthlam Puai ti mi hi Kum Thar Puai ti tla in an ti. an si.Ref 8:13 Mipum 28:9-29; Suah 23:14-17; 34:22, 23; Daan 16:16;
14 A pa David in thlun ding daan pawl a rak tuah zo vekin puithiam pawl le hlasaknak thawn puithiam pawl a bawmtu Levi mi pawl cu nitin tein ih an hnaòuan dingmi a ngaihtuah sak cia òheh. Cuvek thotho in Pathian ih minung David thupek bangtukin Biakinn kiltu pawl khal cu kotka an hnaòuannak hmun ciar ah nitin an òuan dingmi an tuah sak cia òheh a si.
15 David in thilri retnak inn pawl thuhla ah puithiam le Levi mi pawl a cahtami vekin ziang hmuahhmuah cu an tuah òheh a si.
16 Solomon ih tumtahmi hmuahhmuah cu a kim òheh. Bawipa ih Biakinn sak hram an thawh ni in an òheh tiang, an hnaòuannak hmuahhmuah tlamtling lomi zianghman a um lo.
17 Cule Solomon cu Edom ram, Agaba Tipi kapih khuapi pahnih Eziongeber le Elath ah a feh.
18 Siangpahrang Hiram in tangphawlawng pawl a run kuat ih, tangphawlawng uktu bawi pawl le a mawng òhangtu minung pawl thawn a run kuat. Solomon kuthnuai ih bawi pawl thawn Ofir ram ah an feh tlang ih Solomon hrangah sui pawng thawngthum an rak phur.