5
1 Siangpahrang Solomon in Biakinn sak a òheh tikah a pa David in Bawipa ih hnenah a rak pekmi thilri sui, ngun le a dang thilri pawl cu biakinn thilri retnak khaan sungah a ret thluh.Ref 5:1 2 Sam 8:11; 1 San 18:11;
Biakinn Sungah Thukam Kuang
(2 Siang 8:1-9)
2 Cuih hnuah siangpahrang Solomon in Israel miphun, hrin dangdang ih lubik le hotu pawl cu David Khuapi Zion ihsin Bawipa ih Thukam Kuang cu la tahrat in Biakinn sungih ret dingah Jerusalem ah a kokhawm òheh.Ref 5:2 2 Sam 6:12-15; 1 San 15:25-28;
3 An zate in thla sarihnak Puaic Thla sarihnak Puai timi cu Puanthlam Puai timi a si. caan ah an tongkhawm aw.
4 An hotu pawl hmuahhmuah an tonkhawm awk tikah Levi mi pawl in Thukam Kuang cu an zawn ih,
5 Biakinn ah an fehpi. Puithiam le Levi mi pawl in Thukam Kuang, Puanthlam le a thilri hmuahhmuah cu Biakinn ah an òhawn thluh.
6 Siangpahrang Solomon le Israel mi hmuahhmuah cu Thukam Kuang hmaiah an pum aw ih tuu le caw siar cawk lo an that ih thawinak ah an pek.
7 Cule puithiam pawl in Thukam Kuang cu an zawn ih Biakinn sungah an luhpi hnuah Hmun Thianghlim Bik hmun, cherubim pahnih thla hnuai ah an ret.
8 Cherubim thla pharhmi cun Kuang le a zawnnak fung pawl cu a khuh thluh.
9 Cuih fungzim pawl cu Hmun Thianghlim Bik hmaizawn lawngin a lang thei; hmundang cun hmuh a theih lo. Cuih fung pawl cu atu khalah an um lai.
10 Thukam Kuang sungah cun thil dang zianghman a um lo; Israel mi pawl Izipt ram in an suak ih anmah thawn Bawipa in thukamnak a rak tuah lai ih Moses in Sinai Tlang parah cuih Kuang sungih a rak retmi lungtlep pahnih lawng a um.Ref 5:10 Daan 10:5;
Bawipa Ih Sunlawinak
11 A pawl a pawl in a òhen aw mi puithiam hmuahhmuah an zate in, zo pawl ti um cuang lo in thianhlimnak an tuah òheh.
12 Cule Levi mi hla saktu pawl-Asaf, Heman, Jeduthun le an sungkhat hmuahhmuah, an zate in pat phangfem ih tahmi puan mankhung an sin ih biakòheng in nisuahnak lamah darsumsel, òingòang le tingrisit pawl thawn an ding; an hnenah puithiam za le kul an um ih an zate in tawtawrawt an tum.
13 Hla saktu pawl le tawtawrawt tumtu pawl in an aw rual zet in, tawtawrawt, darsumsel pawl le tummi awnmawi dangdang thawn Pathian an thangòhat ih:
“ Bawipa cu a òha,
In duhdawtnak cu
kumkhua in a hmun,”Ref 5:13 1 San 16:34; 2 San 7:3; Ezr 3:11; Saam 100:5; 106:1; 107:1; 118:1; 136:1; Jer 33:11; tiah an sak.
Puithiam pawl Biakinn in an suah ve tein, hmakhat teah Biakinn cu Bawipa ih sunlawinak in mero bangin a tuam.
14 Tleunak in a khat òheh ih Bawipa biak khal an peh thei nawn lo.Ref 5:13, 14 Suah 40:34, 35;