35
Josiah In Lantak Puai A Tuah
(2 Siang 23:21-23)
Siangpahrang Josiah in Bawipa ih hmin thangòhatnak ah Lantak Puai cu Jerusalem khua ah a tuah; thla hmaisabik ni hleilinak ni ah cuih puai cu an tuah ih rannung pawl an that. Puithiam pawl hnenah Biakinn ih an hnaòuan dingmi a pek ih fel teih tuahsuak dingah a forh hai. Bawipa ih hnenah thianhlimter mi, Israel mi zirhtu Levi mi pawl tla thu a cah ih, an hnenah, “David fapa siangpahrang Solomon ih sakmi Biakinn sungah Thukam Kuang cu ret uh. Hi Thukam Kuang cu hmunkhat ihsin hmundang ah nan phur nawn lo pei ih Bawipa nan Pathian le Amah ih minung Israel mi pawl ih hna lawnglawng nan òuan pei. Siangpahrang David le a fapa siangpahrang Solomon in òuanvo an lo pek bangtukin Biakinn ah nan sungkhat fingfing in òuanvo nan lak pei.Ref 35:4 2 San 8:14; Israel mi sungah innsang pakhatkhat bom an òul tikah bawm theitu si dingin nan zuam pei. Nanmah in Lantak Puai hrangih tuu le me pawl cu nan that pei. Cule Bawipa in Moses hnenih a pekmi Daan bangtukin nan unau Israel mi pawl ih an thlun venak dingah nanmah cu thiangfaiter aw uhla, thawinak pekmi pawl cu timtuah uh,” tiah a ti.
Siangpahrang Josiah in Lantak Puai tikcu ih misenpi pawl hrangah amah ih rannung rual pawl sung ihsin tuu le tuuno, le me note a zate ah thawng sawmthum a pek; cawcang khal thawngthum a pek. A kuthnuai bawi pawl khalin senpi pawl, puithiam pawl le Levi mi pawl hrangah an pek ve. Biakinn kiltu upa pawl: Puithiam Sang Hilkiah, Zekhariah le Jehiel in cuih puai tikcu ih thawinak pek dingah puithiam pawl hnenah tuuno le meno thawnghnih le zaruk, le cawcang zathum an pek. Levi mi hotu pawl Konaniah, Shemaiah le a unau Nethanel, Hashabiah, Jeiel le Jozabad pawl in tuuno, le meno thawngnga le cawcang zanga cu Levi mi pawl ih thawinak hrangah an pek.
10 Lantak Puai hrangih ziang hmuahhmuah an tawlrel òheh tikah siangpahrang ih thupekmi vekin puithiam le Levi mi pawl cu an hnaòuannak hmun ciar ah an um. 11 Tuu le me pawl thah an si tikah Levi mi in a phaw an hawk ih a thisen cu puithiam pawl in biakòheng ah an theh. 12 Cule Moses Daan sung vekih mei-ur thawinak an pek theinak dingah rannung sa cu sungkhat, sungkhat ciarin misenpi pawl an zem. 13 A daan bangtukin Lantak Puai thawinak sa cu Levi mi pawl in meisa ah an em ih thawinak thianghlim cu beel le thir beel le uhkang tum pipi in an suang ih senpi pawl hnenah zamrang tein an zem.Ref 35:13 Suah 12:8, 9; 14 Cu òheh hnu lawngah Levi mi pawl in anmah ih hrang le Aaron tesinfa puithiam pawl hrangah sa an zem; ziangahtile mei-ur thawinak le a thau pawl pekmi an urnak ah puithiam pawl cu zan khawthim tiang an man hrimhrim lo. 15 Cun Asaf hrin hla satu pawl tla siangpahrang David ih thupekmi vekin an hnaòuannak hmun ciar ah an um. Asaf hrin pawl, Heman le siangpahrang profet Jeduthun le Biakinn kotka kiltu pawl cu an hnaòuannak ihsin hmundang ih feh rero a òul lo; ziangahtile an hrangah Levi mi pawl in ziang hmuahhmuah an tawlrel sak a si.Ref 35:15 1 San 25:1; 16 Curuangah siangpahrang Josiah ih thupek vekin Lantak Puai ulhnak le biakòheng parih mei-ur thawinak pekmi pawl le cuih ni ih Bawipa biaknak ziang hmuahhmuah cu famkim zet in an tuah thluh a si. 17 Cutawkih a telmi Israel mi hmuahhmuah in Lantak Puai le Thilnu tello Sang Puai cu ni sarih sung an tuah.Ref 35:17 Suah 12:1-20; 18 Profet Samuel san hnuah Lantak Puai cu hivekin an tuah dah lo. Israel siangpahrang dang khalin Lantak Puai cu siangpahrang Josiah in puithiam pawl, Levi mi pawl, Judah mi, Israel mi le Jerusalem khuasungmi pawl thawn a tuahmi vek cun an tuah dah lo. 19 Josiah siangpahrang a òuan kum hleiriat kum ah hi Lantak Puai cu an tuah a si.
Siangpahrang Josiah Ram Uk Netnak
(2 Siang 23:28-30)
20 Siangpahrang Josiah in Bawipa ih Biakinn hrangah hibangtuk hna a òuan òheh hnuah, Izipt siangpahrang Neko in Eufrates Tivapi kapih ummi Karkhemish ah raldo dingin a ralkap pawl thawn an pok. Cumi cu Josiah in kham a tum. 21 Cutikah Neko in Josiah hnenah thu a cah ih, “Maw Judah siangpahrang, hi ka raldo dingmi hi i hnaihnok duh hlah, nang thawn zianghman a seng aw lo; nangmah do dingah ka ra lo. Ka ral pawl do ding lawngah ka ra ih Pathian in zamrangte ih feh dingah i fial a si. Pathian cu ka hnenah a òang ih Amah cu do duh hlah; na do asile a lo siatsuah sawn ding,” a ti. 22 Sikhalsehla Josiah cun a ngai lo ih a do tum thotho; curuangah theihthiam lo dingin a tuah aw ih raldonak ah a feh. Siangpahrang Neko hmangin Pathian ih thusimmi cu a ngai duh lo ih Megiddo phairawn ah raldo dingin a feh.
23 An do awk tikah Izipt conkiang in siangpahrang Josiah cu a ngah. Cutikah a siahhlawh pa hnenah, “I tlanpi aw! Besia zet in, in ngah a si,” a ti. 24 A rangleng ihsin an cawi ih a rangleng pahnihnak ah an ret ih Jerusalem ah an kirpi. Cutawkah a thi ih siangpahrang thlan ah an phum. Judah mi le Jerusalem mi pawl in a thih cu an ul ih an òap.
25 Profet Jeremiah in siangpahrang Josiah hrangah òahhla a phuah ih an siangpahrang an òah tikah hla satu pawl in nunau siseh, mipa siseh, cuih òahhla cun an òah òheu. Cutiih mithi òah cu Israel mi daan ah a cang ih cuih hla cu òahhla cabu sungah a um a si.
26 Josiah in Bawipa a rinsannak, Daan a thlun zia, 27 a uknak hramthokin a net tiang, a thiltuahmi hmuahhmuah le amah ih thuanthu cu Israel le Judah Siangpahrang Thuanthu Cabu sungah kim tein an ngan a si.