34
Judah Siangpahrang Josiah
(2 Siang 22:1-2)
1 Josiah cu Judah siangpahrang a òuan ah kum riat a ti ih Jerusalem ihsin kum sawmthum le kum khat sung a uk.
2 Bawipa ih hmaiah thilòha a tuah ih Bawipa ih lung a awiter. A pupa siangpahrang David dung a thlun ih Pathian ih daan pawl hmuahhmuah fel tein a thlun.
Josiah In Rai Biaknak A Hlon
3 Josiah cu siangpahrang a òuannak kum riatnak, mino a si lai ihsin a pupa siangpahrang David ih Pathian biak hram a thok. Kum li hnuah khawvang an biaknak hmun pawl, Asherah khawzingnu ih lem pawl le milem dangdang pawl cu a bal ciamco.
4 A thupek vekin a minung pawl in Baal an biaknak hrangih biakòheng pawl cu an siatbal thluh; a kiangih rimhmui urnak biakòheng pawl an deng kuai òheh ih Asherah khawzing nu ih lem pawl le a dang milem pawl cu an rialdip thluh hnuah a vut cu thawinak a rak petu mi pawl ih thlan ah an phulh ciamco.Ref 34:4 2 Siang 21:3; 2 San 33:3;
5 Khawvang puithiam pawl ih ruh cu an khawvang biaknak biakòheng parah a ur ih cuticun Judah le Jerusalem cu Josiah in a thianfaitersal.Ref 34:5 2 Siang 13:2;
6 Manasseh ram, Efraim ram le Simeon ramsung hmunkip le khua kipah, saklam ah Naftali thlengin cubangtuk òhiamòhiam in a tuah.Ref 34:6 Jer 3:6;
7 Saklam Ramsung khuazakip ah biakòheng pawl a siatsal, Asherah lem pawl a hau òheh, milem pawl a rialdip òheh ih rimhmui urnak biakòheng pawl a den kuai thluh. Cuih hnuah Jerusalem ah a kir.
Daan Cabu An Hmu
(2 Siang 22:3-20)
8 Siangpahrang Josiah in Judah ram a uknak kum hleiriatnak kum, a ramsung le Bawipa ih Biakinn sungih khawvang biaknak a thianfaiter hnuah, Josiah cun Bawipa Pathian ih Biakinn rem dingah mi pathum: Azaliah ih fapa Shafan, Jerusalem uktu bawi Maaseiah le bawi upa pakhat Joahaz ih fapa Joah pawl òuanvo a pek.
9 Levi mi Biakinn kiltu pawl in Efraim mi, Manasseh mi, Saklam Ram mi pawl, Judah mi Benjamin mi le Jerusalem khuasung mi pawl hnen ihsin Biakinn ih paisa an rak kenmi an khawm ih Puithiam Sang Hilkiah hnenah an fehpi.
10 Cuih paisa cu Biakinn an remnak lamih hnaòuan hotu pawl hnenah an pek ih,
11 inn saktu le zungthiam pawl hlawhman an pek ih cuih tlunah lungto leinak le Judah siangpahrang daithlan ruangih a siatmi inn pawl remnak hrangih a òulmi zanthing pawl leinak ah an hmang.
12 Cuih hnaòuantu pawl cu mifel zet le rinsan tlakzet an si. An hotu pawl cu mi pali: Levi mi Merari hrin Jahath le Obadiah, Levi mi Kohath hrin Zekhariah le Meshullam an si. Levi mi cu an zate in hlathiam an si.
13 A dang Levi mi pawl in thilri phurtu pawl an ho ih hnaòuantu dangdang zohtu tla an si; a dang Levi mi pawl cu sungòuan, cazi le sangka kiltu tla an si.
14 Thilri retnak khaan ihsin paisa an suah lai ah Hilkiah in Moses hnenih Pathian pekmi Daan, Bawipa ih Daan cabu a sar ngah.
15 Cutikah Hilkiah in, “Hi Biakinn sungah Daan cabu ka sar,” tiah Shafan a sim. Hilkiah in cuih cabu cu Shafan a pek ih,
16 Shafan in siangpahrang hnenah a fehpi. Shafan in siangpahrang hnen ahcun, “Na thupekmi bangtukin ziang hmuahhmuah kan tuah òheh.
17 Biakinn sungih retmi paisa tla kan suah ih hnaòuantu pawl le an hotu pawl hnenah kan pek,” a ti.
18 “Cun hinah Hilkiah ih i pekmi cabu a um,” tiah a ti. Cule siangpahrang hnenah ring zet in a siar.
19 Cumi cu siangpahrang in a theih tikah a ninghang in a hnipuan a thlek.
20 Cule Puithiam Sang Hilkiah, Shafan ih fapa Ahikam, Mikaiah ih fapa Abdon, cangantu Shafan le siangpahrang kiltu Asaiah pawl a ko ih an hnenah hitiin thu a pe,
21 “Feh uhla keimah le Israel le Judah ram sungih a tanglai mi minung pawl hrangah Bawipa va ron uh. Hi cabu ih a zirhmi hi fel tein theisuak uh. Hi cabu ih tuah ding a timi kan pupa pawl in an tuah lo ih Bawipa ih thu an ngai lo ruangah kan parah Bawipa a thin a heng a si,” tiah a ti.
22 Siangpahrang thupek vekin Hilkiah le a rualpi pawl cu Jerusalem khawthar ih a ummi nunau profet Huldah an timi tong dingah an feh. Hasrah ih tupa, Tikvah ih fapa Shallum cu Huldah pasal a si ih Biakinn hnipuan pawl kilkhawitu a si. Cule annih in an tonmi thuhla pawl cu Huldah an sim.
23 Cutikah Huldah in, “Siangpahrang hnenah va kir uhla,
24 Bawipa in, ‘Siangpahrang hnenih nan siarmi cabu sungih nganmi thusia siatcamnak vekin Jerusalem le misenpi pawl cu ka hrem hai ding.
25 Keimah in hnong ih khawzing dang hnenah thawinak an pek; hitiih an tuahmi ruangah an parah ka thin a heng a si. Jerusalem parih ka thinhennak cu a dai lo ding.
26 Siangpahrang amah hrangah Bawipa, Israel ih Pathian Keimah in hitiin ka sim: Hi cabu sungih nganmi thu na ngai ih,
27 Jerusalem le a minung pawl ka hrem ding thu na theih tikah na hnipuan thlek le òap rero in na siir aw ih na thinlung a nem ruangah na thlacamnak ka thei zo.
28 Jerusalem ka hremnak cu na hmu man lo ding. Dai tein na caan ka cemter ding,’ a ti va ti uh,” tiah a sim.
Cuih thu thawn Hilkiah le a rualpi pawl cu siangpahrang Josiah hnenah an kir.
Bawipa Ih Thu Thlun Dingin A Kam
(2 Siang 23:1-20)
29 Cutikah siangpahrang Josiah in Judah le Jerusalem hotu pawl a ko òheh ih,
30 hmunkhat ah puithiam pawl le Levi mi pawl le Jerusalem khuasung mi pawl thawn mifarah milian ti lo in Biakinn ah an zate in an feh. Biakinn sungih an hmuhmi thukam cabu cu a zate in ring zet in an hmaiah siangpahrang bawipa in a siar.
31 Cule Josiah cu a siangpahrang òhuam kiangah a ding ih cuih cabu sungih a ummi vekin, thukamnak sungih kam awkmi pawl tuahsuak dingah siseh, Bawipa ih daan le thukham cu a thinlung le a thazang zate in thlun dingah le Bawipa ih thu ngai dingah Bawipa ih hnenah thukamnak a tuah.
32 Cuih thukamnak thlun dingah Jerusalem ih a ummi hmuahhmuah le Benjamin mi pawl cu thutiamnak a tuahter. Cuticun Jerusalem mi pawl in an pupa ih Pathian hnenih an tiamkammi thukam hmuahhmuah cu an thlun.
33 Cule siangpahrang Josiah in Israel ram sungih a ummi fihnungza milem pawl cu a siatsuah òheh. A nun sungah senpi pawl cun an pupa ih Pathian Bawipa thlun cu an pialsan nawn lo.