33
Judah Siangpahrang Manasseh
(2 Siang 21:1-9)
1 Manasseh cu kum hleihnih a ti ah Judah siangpahrang a òuan ih Jerusalem ihsin kum sawmnga le kum nga sung a uk.
2 Bawipa ih hmaiah thilòha lo a tuah ih a sual a si. Israel mi pawl Kanaan ram an rak luh lai ih a rak um cia, Bawipa in a dawimi pawl ih thil tuahmi thlun in fihnungza thil pawl a tuah.Ref 33:2 Jer 15:4;
3 Manasseh in a pa Hezekiah ih a rak balmi khawvang an rak biaknak hmun pawl cu a saksal. Culawng si lo in Baal khawzing biaknak ah biakòheng pawl a don; Asherah khawzingnu lem a tuah ih tlunah arsi pawl tla a bia.
4 Bawipa ih Biakinn sung ‘Kumkhua in Keimah in biaknak hmunah,’ tiah Bawipa Amah in a rak timi ahcun khawvang biakòheng pawl a don.Ref 33:4 2 Sam 7:13;
5 Biakinn tual pahnih ah arsi biaknak biakòheng pawl a don.
6 Hinnom Phairawn ah a fapa pawl mei-ur thawinak ah a pek. Ai a zing, dawi a hmang, kutòial a zohter, tin a zoh. Bawipa ih hmaiah thilòha lo zet a tuah ih Bawipa ih thin a hengter.
7 Bawipa Biakinn sungah milem a ret. Bawipa in David le a fapa Solomon hnenah, “Hi Jerusalem khua, hi Biakinn hmun cu keimah in biaknak dingah Israel miphun hleihnih ih ramsung ihsin ka hrilmi hmun a si.
8 Israel mi pawl in ka thukham le ka thupekmi hmuahhmuah an thlun ih ka siahhlawh Moses in an hnenih a pekmi Daan pawl kim tein an tuah a si ahcun an pupa hnenih ka pekmi hih ram ihsin zohman in an dawi hai lo ding,” tiin a rak sim hnawhsan cia mi Biakinn sung rori ah milem cu a ret a si.Ref 33:7, 8 2 Siang 9:3-5; 2 San 7:12-18;
9 Bawipa ih minung Israel mi pawl Kanaan ram an luh lai ih Bawipa in a dawihlomi miphun pawl ih sualnak hnak hman in a luar sawnmi sualnak sungah Judah mi pawl cu Manasseh in a hruailut hai a si.
Manasseh A Siir Aw
10 Bawipa in Manasseh le a minung pawl cu ralrinnak a pek nain an ngai duh lo.
11 Curuangah Bawipa in Assiria ralbawi pawl cu Judah ram a doter. Cutikah Manasseh cu an kai ih a hnar ah sio an thlaih; thir cikcin thawn hreng an sut ih Babilon ah an hruai.
12 Cutiin vansanglam ih a um ruangah a lung nem in Bawipa a Pathian hnenah a hoikirsal ih thlacam in Bawipa ih bomnak a dil.
13 Manasseh thlacamnak cu Pathian in a theih sak ih Jerusalem ah kirtersal in Judah ram cu a uktersal. Cuticun Manasseh in Bawipa cu Pathian ngaingai a si, ti a thei ngah.
14 Cuih hnuah Manasseh in Jerusalem khua kulhnak phardawl cu nisuahnak lamih ummi Gihon Cerh rawn ihsin saklam Nga Kotka le Ofel an timi khua tiang a dawl ih sang sinsin in a tuah. Judah ramsung ralhruang ih kulhmi khua kipah ralbawi pakhat le a kuthnuai ralkap pawl a ret vivo.
15 Cule Biakinn ih a rak retmi ramdang khawzing pawl le milem pawl cu a lak òheh ih tlunah Biakinn an saknak tlangtluan le Jerusalem khuasung ih a ummi khawvang biakòheng pawl hmuahhmuah a bal òheh. Cuih pawl cu a lak ih Jerusalem khua lengah a hlonhlo òheh a si.
16 Bawipa biaknak ih biakòheng cu a rem ih remnak thawinak le lungawi thawinak pawl a pek. Judah mi hmuahhmuah cu Bawipa Israel ih Pathian bia dingah a forh ciamco.
17 Senpi pawl cun hmun dangdang khalah thawinak an tuah; asinain an pekmi ngaingai cu Bawipa ih hnen lawngah a si.
Manasseh Ih Ram Uknak A Cem
(2 Siang 21:17-18)
18 Manasseh ih tuahmi dangdang, a Pathian hnenih a thlacam mi le Bawipa, Israel ih Pathian hmin in profet pawl in a hnenih thu an phuanmi pawl cu kim tein Israel Siangpahrang Thuanthu Cabu sungah an ngan a si.
19 Siangpahrang Manasseh thlacamnak le Pathian ih a lehnak, sualnak le òhat lonak a tuahmi pawl, khawvang biaknak le Asherah khawzingnu lem a tuahmi pawl le milem a biaknak thu pawl cu kim tein Profet Pawl Thuanthu Cabu sungah an ngan a si.
20 Manasseh cu a thi ih siangpahrang inn ah an phum; cule a fapa Amon in a ai ah siangpahrang a run òuan.
Judah Siangpahrang Amon
(2 Siang 21:19-26)
21 Amon cu Judah siangpahrang a òuan ah kum kul hluanhnih a ti ih Jerusalem in kum hnih sung a uk.
22 A pa Manasseh vekin Bawipa ih hmaiah a sual ih a pa ih rak biakmi milem pawl a bia ve.
23 Asinan a pa vek a si lo; a thinlung a nem lo ih Bawipa khal a hoikirsal lo; a pa hnakin a sual a luar a si.
24 Cun a kuthnuai ih bawi pawl in an phiar ih a siangpahrang inn sungah Amon cu an that.
25 Asinan Amon thattu pawl cu Judah mi pawl in an that ve lala ih Amon fapa Josiah cu siangpahrang ah an tuah.