22
Judah Siangpahrang Ahaziah
(2 Siang 8:25-29; 9:21-28)
1 Arab pawl in Jerusalem an do lai ah mi hrekkhat in siangpahrang Jehoram fapa hmuahhmuah, a nauta bik Ahaziah siar lo, an that òheh. Curuangah Jerusalem mi pawl in a pa ai awh ah Ahaziah cu siangpahrang ah an tuah.
2 Ahaziah siangpahrang a can tikah kum kul hluanhnihf Kum kul hluanhnih timi hi Hebru Ca Thianghlim sungah cun Kum sawmli le kum hnih tiah an ngan. a ti ih Jerusalem in kum khat a uk. A nu cu Israel siangpahrang Omri ih tunu, Ahab fanu Athaliah a si.Ref 22.2 2 Siang 8:26;
3 A nu in thusia a forh ruangah Ahaziah cun siangpahrang Ahab ih innsang nun zia a cawng ih thil òha lo a tuah.
4 A pa thih hnuah siangpahrang Ahab innsang pawl cu siangpahrang Ahaziah ruahnak petu an si ih ruahnak òha lo an pek ruangah Bawipa ih parah a sual ih amah dirthlatu ah an cang.
5 An thu a lung ih Israel siangpahrang Joram hnenah òang tahrat in Siria siangpahrang Hazael an do. Gilead ram Ramoth ah an ral pawl thawn an do aw ih Joram cu hriamhma a pu.
6 A hma tuamhlawm dingah Joram cu Jezreel khua ah a kir ih cutawkah Ahaziah in a veh.
7 Ahaziah in Joram a veh cu Bawipa in Ahaziah cemter dingah caan òha a ti. Ziangtintile cutawkih Ahaziah a cam lai ah Ahab ih a rak thokmi uknak siatsuah dingin Bawipa ih a hrilmi Nimshi, Jehu fapa, in Ahaziah le Joram a zuam hai.
8 Pathian ih thurel cia mi a tuahsuaktu cu Jehu a si ruangah Ahaziah thluntu Judah ram hotu pawl le Ahaziah unau ih fapa pawl thawn an tong aw. Cutikah Jehu cun an zate in a that òheh.
9 Ahaziah cu an hawl ih Samaria khua ih a relhnak ah an kai. Jehu hnenah an hruai ih Jehu cun a rak that. Cule Bawipa ih hna a theih tawkih a òuan vemi a pu Jehoshafat an upat ruangah Ahaziah ruak cu òha tein an phum.
Ahaziah sungkhat sungin ram a uk theitu ding pakhat hman an um lo.
Judah Siangpahrang Bawinu Athaliah
(2 Siang 11:1-3)
10 Siangpahrang Ahaziah ih nu Athaliah in a fapa an thah thu a theih ve tein Judah ram siangpahrang sungkhat pawl hmuahhmuah a thatter òheh.
11 Ahaziah in farnuseu pakhat Jehosheba a nei ih a pasal cu puithiam Jehoiada a si. Jehosheba cun a thup tein Ahaziah fapa pakhat Joash an timi a lak ih; thah ding a simi a unau dang pawl hnenin a tlanhlopi ih a kiltu ding sayama pakhat thawn Bawipa ih Biakinn ih ihnak khaan pakhat sungah a thup. Cutiih a humsuak ruangah Athaliah kut ih thihnak ihsin Joash cu a luat.
12 Athaliah siangpahrang bawinu a òuan sung kum ruk sung cu cutawkah a relh ringring.