20
Judah Mi In Edom Mi An Do
1 Tikcu a hung rei tikah Moab ralkap le Ammon ralkap pawl in, anmah òantu Meunim mi pawl thawn Judah ram an do.
2 Siangpahrang Jehoshafat hnenah thuphurtu an ra thleng ih, “Edom ram in ralkap tam ngaingai an ra ih Tipi Thi khatlam ral in a lo do an tum a si. Hazazon Tamar khua tla an la zo,” tiah an sim. (Hazazon Tamar cu En-gedi ti khalin an ko.)
3 Jehoshafat cu a thin a phang ih thlacam in Bawipa ih hruainak a dil. Cule a ramsungmi hmuahhmuah rawl ul dingah thu a pek.
4 Judah ram khuakip in Jerusalem ah Bawipa ih hruainak dil dingin an ra.
5 Jerusalem khuasungmi pawl thawn Biakinn tual thar ah an tongaw khawm. Siangpahrang Jehoshafat cu an hmaiah a va dingih,
6 ring zet in thla a cam: “Maw Bawipa, kan pu le kan pa ih Pathian, na umnak van ihsin leitlun miphun hmuahhmuah nangmah in na uk òheh. Cahnak le huham hmuahhmuah nangmah ih ta an si ih a lo dodal theitu zohman an um lo.
7 Nangmah cu kan Pathian na si. Na mi Israel pawl hitawk ram an ra thlen tikah hitawkih a rak ummi miphun pawl cu na dawi hai ih na rualpa Abraham ih tesinfa pawl hnenah hi ram cu kumkhua an ta si dingin na pek.Ref 20:7 Isa 41:8; Jeim 2:23;
8 Hi ram sungah an um ih nangmah upatnak ah Biakinn an sak.
9 Harsat vansannak a phunphun-raldo siatsuahnak, natsia le paam an hnenih a thlen tikah hi Biakinn hmaiah dingin an lo bia, an lo ngennak hmun ah an tuahmi a si. Na hnenih thla an ra cam tikah na theih sak ih na run hai òheu.
10 “Maw Bawipa, atu ah Ammon mi, Moab mi le Edom mi pawl in, in do. Kan pupa pawl Izipt ram ihsin an rak suah lai ah hi ram pawl hi an pal phah ding na rak siang lo; curuangah kan pupa pawl in an ram cu an heel ih an siatsuah lo.Ref 20:10 Daan 2:4-19;
11 Cucingin atu ah in thungrulh tumdan hi zoh hnik, in pek cia mi ram ihsin a dawihlo in tum a si.
12 Maw Pathian, kan Pathian, Nangmah in hrem hai aw. In dotu ralkap hizat hmai ahcun kan cang thei hrimhrim lo. Zianghman kan tuah theimi a um nawn lo; nangmah ih bom ding lawng kan hngak a si,” tiah a ti.
13 Judah mi hmuahhmuah an nupi le an faate pawl thawn Biakinn tual ahcun an ding.
14 Bawipa ih thlarau cu misenpi lakih a ummi Levi mipa pakhat hnenah a rung thleng. Amah cu Jahaziel a si ih Zekhariah ih fapa, a si. Zekhariah cu Benaiah ih fapa a si; Benaiah cu Jeiel ih fapa a si; Jeiel cu Mattaniah ih fapa a si; Mattaniah cu Levi miphun Asaf hrin a si.
15 Cule Jahaziel cun, “Maw siangpahrang bawipa le Judah ram mi le Jerusalem khuami pawl, Bawipa in, ‘Nan ral pawl an tam ruangah phang hlah uh, nan thin tla nau hlah seh. Raldonak cu nan thu a si lo, Pathian lairel a si.
16 Thaisun ah nan do pei. Ziz tlangkawn in an ra dingih Jeruel kiang phairawn a netnak, hramlak a thoknak zawn ah nan tong hai ding.
17 Nannih in nan do a òul lo ding. Òanhmun khuar uhla tiarcia in um uh; cule Bawipa in nehnak a lo pek kha nan hmu ding. Judah le Jerusalem mi pawl, òih hrimhrim hlah uh; nan thin khal nau hlah seh. Ral do dingah feh uhla Bawipa Keimah nan hnenah ka um ding,’ a ti,” tiah a sim.Ref 20:15-17 Daan 20:1-4;
18 Cutikah siangpahrang Jehoshafat cu a hmai leilung dai tiangin a kun, misenpi khal an kun ih Bawipa cu an biak.
19 Levi phun Kohath le Korah hrin pawl an hung dingih ring zet in Israel ih Pathian Bawipa cu an thangòhat.
20 A thaizing zingpit tein an tho ih Tekoa kiang hramlak lam ahcun an feh. An pawh zawng ah Jehoshafat in an hnenah, “Judah le Jerusalem mi pawl, Bawipa nan Pathian cu rinsan uhla hnget zet in nan ding thei ding. Amah ih profet pawl thusimmi zum uhla nan hlawhtling ding,” tiah a cah.
21 Misenpi pawl thu a ron hnuah hla saktu hrekkhat pawl cu puai caan ih an hruk òheumi korfualpi an hruk ih ralkap hmaiah feh tahrat in:
“ Bawipa cu thangòhat uh,
In duhdawtnak cu kumkhua in a hmun,”
tiah hlasak phah dingah thu a pek.
22 Hla saktu pawl in Bawipa thangòhatnak hla an sak ve tein Bawipa in Judah ram a dotu ral pawl cu nasa zet in an lung a phanter.
23 Cutikah Ammon mi le Moab mi an òangtlang ih Edom ralkap pawl kha an do ciammam ih Edom ralkap pawl cu an that òheh. Cuih hnuah anmah le anmah nasa zet in an do aw lala.
24 Judah ralkap pawl cu tlangbo an thlen tikah an hei zoh ih an ral pawl cu lei parah ril teptep in an hmu. Pakhat hman luat lo in an thi thluh.
25 Jehoshafat le a ralkap pawl cu an ral pawl ih thilri la dingin an va feh. Caw, rawl, hnipuan le thil mankhung a phunphun tampi an hmu. Cuih thilri hransaw pawl cu ni thum sung an thiar rero nain an thiar cawk lo.
26 Ni linak ah Berakah Phairawn ah an khawm aw ih Pathian an thangòhat. Cuih phairawn cu atu tiangin Berakahe Berakah ticu Hebru òong a si ih thangòhat tican a si. tiah an ko tata.
27 Bawipa in an ral pawl a nehter hnuah Jehoshafat le a ralkap cu Jerusalem ah ralneh lungawinak thawn an kirsal.
28 Jerusalem an thlen tikah òingòang le phirivau le tawtawrawt tum phahin Biakinn ah an feh.
29 Bawipa in Israel ih ral pawl a nehsak òheh ti a rak theitu ram hmuahhmuah cu an thin a phang thluh.
30 Bawipa in a ramsung khuazakip a humhim ruangah Jehoshafat in dai tein a uk.
Jehoshafat Ram Uk Netnak
(2 Siang 22:41-50)
31 Jehoshafat cu kum sawmthum le kum nga a ti ah Judah siangpahrang a cang ih Jerusalem in kum kul hluannga sung a uk. A nu cu Shilhi fanu Azubah a si.
32 A pa Asa bangtukin Bawipa ih hmaiah thil òha a tuah;
33 asinain khawvang an biaknak hmun pawl cu a siatbal lo. Misenpi cun an pupa ih Pathian cu an thinlung hmuahhmuah in an bia lo a si.
34 Jehoshafat ih tuahmi dangdang cu, a thokin a netnak tiang, Israel Siangpahrang Thuanthu Cabu timi sungih a telmi Hanani Fapa Jehu Thuanthu Cabu timi sungah an ngan a si.
35 Veikhat ah Judah siangpahrang Jehoshafat in thil òha lo tampi a tuahtu Israel siangpahrang Ahaziah thawn òantlangnak cakhen a tuah.
36 Eziongeber an timi tangphawlawng colhnak hmun Tarshish lam fehtu ding tangphawlawng pawl an tuah ciamco.
37 Asinan Mareshah khuami Dodavahu ih fapa Eliezer in Jehoshafat cu, “Ahaziah thawn nan òantlang ruangah na tuahmi pawl cu Bawipa in a siatsuah thluh ding,” tiah ralrinnak a pek. A sim vekin an tangphawlawng pawl cu a siat thluh ih Tarshish ahcun a feh lo.