2
Biakinn Saknak An Tawlrel
(I Siang 5:1-18; 7:13-14)
1 Solomon in Bawipa ih Biakinn sak ding le amah ih hrang siangpahrang inn pakhat sak dingah a relcat ih a tawlrel.
2 Inn saknak thing nawltu dingah minung thawng sawm sarih a lak ih lungto sertu dingah minung thawng sawm riat a lak. An hnaòuannak zoh le hotu dingah minung thawngthum le zaruk a ret.
3 Solomon in Òaiar siangpahrang Hiram hnenah hitiin thu a cah: “Ka pa siangpahrang David na rak bawm ih a siangpahrang inn saknak ah sidar thing na rak pek bangin kei khal i bawm ve dingah zangfah ka lo dil a si.
4 Bawipa ka Pathian hminthannak ah biakinn pakhat sak ka tum. Bawipa ka Pathian hminthannak le upatnak ah keimah le ka milai pawl, zingtin zantin Sabbath ni le Thla Thar puai caan le a dang ni thianghlim ni ah mei-ur thawinak kan peknak hmun a si pei ih cat lo in Bawipa ih hnenah sang thianghlim kan hunnak hmun le rimhmui a phunphun ur in Bawipa kan biaknak hmun a si ding. A kumkhua hitiih tuah dingin Bawipa in Israel mi hnenah thu a pe zomi a si.
5 Kan Pathian cu khawzing dangdang hnakin a maksak ih a lian bikmi a si ruangah a tum ngaingai mi Biakinn pakhat sak ka tum hrimhrim a si.
6 Asinan van tum zet le kau zetmi hmanah a tlem lomi Pathian a si ruangah Pathian umnak hrangah ti ngaingai cun zohman in Biakinn kan sak thei lo ding. Pathian hnenih rimhmui urnak biakinn fang dah ti lo cu kei in ziangso ka sak thei ding?Ref 2:6 2 Siang 8:27; 2 San 6:18;
7 Curuangah ka pa David in a hrilcia mi Judah ramsung le Jerusalem khua ih zungthiam pawl thawn hnaòuan tlang dingah mi pakhat, lung òelhthiam, sui le ngun, dar le thir serthiam, mepian puan, puan sendup le puan sen pawl tah thiamtu i run kuat hram aw.
8 Na minung pawl thing ah an thiam zia tla ka theih ruangah Lebanon in sidar thing, mirang far thing le hual thing pawl i run kuat hram aw. Biakinn ka sak tummi cu a tum zet le a mawi zetmi a si ding ruangah,
9 thing ah tam ngaingai ka òul ih na minung pawl in, in rak tawlrel sak hai sehla anmah bawmtu dingah ka minung pawl tla ka hun thlah ding.
10 Na minung pawl ih ei dingah sangvut haan thawng zakhat, barli sangvut haan thawng zakhat, sabitti lang thawng zali le thawng sawmli, le olif hriak lang thawng zali le thawng sawmli ka lo kuat ding,” tiah a ti.
11 Cule Òaiar siangpahrang Hiram in Solomon hnenah a thucahmi ca in a run khirh. A ca sungah cun, “ Bawipa in a minung pawl a duhdawt ruangah an siangpahrang ah a lo tuah zo.
12 Lei le van tuahtu Bawipa Israel ih Pathian cu thangòhat si ko seh. Amah in siangpahrang David hnenah fimnak le theihnak in a khatmi Bawipa ih hrangah Biakinn le amah ih hrangah siangpahrang inn sak a tumtu fapa pakhat a pek a si.
13 Atu ah mifimzet le kutzung thiam ngaingaimi Huram ka run thlah.
14 A nu cu Dan hrin a si ih a pa cu Òaiar khuami a si. Huram cu sui, ngun, dar, thir, lung le thing in ziang hmuahhmuah a serthiamtu a si. Puan mepian, puan sendup, puan sen le puan phangfem tla a tah thei thluh. A òelh a phunphun a tuah thiam ih a ruangrai nan sim hnuhnu cu tuah thiam lomi a nei lo. Na pa siangpahrang David hnaòuantu pawl le na hnaòuan zungthiam pawl thawn òuan tlang hai seh.
15 Cule kuat dingih in tiammi sangvut, barli sangvut, sabitti le olif hriak pawl cu in hun kuat aw.
16 Lebanon tlang ah na òulzat in sidar thing pawl cu kan hau dingih pakhat le pakhat òem cih in puumpher ah kan tuah pei ih Joppa tiang tifinriat par in kan run kuat ding. Cutawk ihsin Jerusalem ah nang in na rak thiar pei,” tiah a ngan.
Biakinn Sak An Thok
(2 Siang 6:1-38)
17 Siangpahrang Solomon in Israel ram sungih ummi ramdangmi pawl kha, a pa David ih a rak tuah vekin mipum siarnak a tuah. An zate in ramdangmi pawl cu thawng za le sawmnga le thawngthum le zaruk an um.
18 Cuih sungin thawng sawmsarih cu zanthing nawltu ah, thawng sawmriat cu tlang parih lungto laitu le sertu ah a tuah hai ih a dang thawngthum le zaruk cu hnaòuantu zoh le hotu ah a ret.