16
Israel Thawn Do Awknak
(2 Siang 15:16-24)
Siangpahrang Asa ih Judah ram a uknak kum sawmthum le kum ruknak ah Israel siangpahrang Baasha in Judah ram cu a do ih, Judah ramsung suah luhnak kham thluh dingah Ramah khuapi ralhruang in a kulh. Cutikah Asa in Bawipa ih Biakinn le siangpahrang inn ih an retmi sui le ngun pawl cu a lak ih Damaskas ah Siria siangpahrang Benhadad hnenah a kuat. Cuih tlunah, “Kan pa le pawl òangkhat an rak si vekin kannih khal kan òangkhat pei. Hi sui le ngun hi laksawng ah ka lo òhen a si. Israel siangpahrang Baasha in a ramsung ihsin a ralkap pawl kirpi dingah amah thawn nan òantlangnak cu phiat thlang aw,” tiah thu a cah.
Benhadad in Asa ih thucahmi cu a lungkim ih Israel khuapi pawl do dingah a ralbawi pawl le an homi ralkap pawl a thlah. Israel cu an do ih Ijon, Dan, Abel Beth Maakah le Naftali ram ih rawl an retnak khuapi pawl an lak òheh. Cuih thu cu Baasha in a theih tikah Ramah ralhruang kulhnak tuah nawn lo in a tlansan. Cule siangpahrang Asa in Judah ramsung hmunkip in milai a khawm ih Baasha in Ramah kulhnak ih a hmanmi lungto le zanthing pawl cu a phurhter hai ih Geba le Mizpah khuapi kulhnakah an hmang.
Profet Hanani
Culai ah profet Hanani cu Judah siangpahrang Asa hnenah a feh ih, “ Bawipa na Pathian rinsan lo in Siria siangpahrang na rinsan sawn ruangah Israel ralkap pawl cu na kut sung ihsin an luat thluh zo a si. Ethiopia le Libia ralkap pawl cu rangleng le rang ralkap an nei tam deuh ngaingai a si lo maw? Cutluk tam an si nain Bawipa na rak rinsan ruangah Bawipa in nehnak a lo pek a si. Bawipa cun Amah rinsannak thinlung a neitu hnenah thazang cak pe dingin leilung pumpi hi a zoh ringring a si. Aatthlak zet ih thil na tuah zo ruangah atu thokin ral na do ringring ding,” tiah a ti. 10 Cumi thu a theih tikah Asa cu profet Hanani parah a thin a heng ngaingai ih thawng ah a thlak ih thir cikcin in a hren. Cuih caan hrawngah Asa in a ramsungmi hrekkhat pawl cu zangfahnak nei lo in a hrem hai.
Asa Ih Uknak A Cem
(2 Siang 15:23-24)
11 Asa ih Judah ram a uk sung thil a cangmi hmuahhmuah cu a hramthokin a net tiang, Judah Le Israel Siangpahrang Thuanthu Cabu sungah an ngan a si. 12 Asa cu Judah siangpahrang a òuannak kum sawmthum le kum kua kum ah a ke ah besia zet in hmasia a tuar. Asinan Pathian rinsan lo in sibawi pawl a rinsan sawn. 13 Siangpahrang a òuannak kum sawmli le kum khat kum ah a thi ih, 14 David khuapi ah amah hrangih a rak kherciami lung thlan ah an phum. A ruak phumnak ah rimhmui le siti rimthaw pawl an hmang ih amah upatnak ah meipi nasa zet in an tik.