13
Abijah Le Jeroboam An Do Aw
(2 Siang 15:1-8)
1 Siangpahrang Jeroboam in Israel ram a uknak kum hleiriat kum ah Abijah cu Judah siangpahrang a cang ih,
2 Jerusalem ihsin kum thum sung a uk. A nu cu Gibeah khuami Uriel fanu Mikaiah a si.
Abijah le Jeroboam cu an ral aw ih an do aw.
3 Abijah in micak huaisen ralkap thawng zali a khawm ih Jeroboam in micak huaisen ralkap thawng zariat thawn a do.
4 Efraim tlangpar ram ah an tong aw. Cutikah siangpahrang Abijah cu Zemaraim Tlangah a kai ih Jeroboam le Israel mi pawl cu, “Maw Jeroboam le Israel mi pawl, i ngai hnik uh!
5 Bawipa, Israel ih Pathian in David hnenah amah le a tesinfa pawl cu Israel mi hmuahhmuah tlunah siangpahrang si ringring theinak thu pe in bal theih nawn lomi thukam a rak tuah zo, ti kha nan thei lo maw si?
6 Cubangtuk asinain Nebat ih fapa Jeroboam cun Pathian ih hrilmi siangpahrang Solomon dodal in ral a tho.
7 Cuih hnuah zianglam hmanih santlai lo mihuatsuak pawl a kokhawm ih Solomon ih fapa Rehoboam cu a tuah duh lomi thil tiangin an tuahter. Mino a si ih ram ukòhang a si lo ruangah an thu cu a el thei lo.
8 Atu ah Bawipa in David tesinfa pawl a pekmi thuneihnak cu nan dodal. Ralkap tam zet nan nei ih Jeroboam ih tuahmi sui caw lem pawl cu nan khawzing ah nan tuah ih nan keng.
9 Bawipa ih puithiam, Aaron tesinfa pawl le Levi mi pawl tla nan hnawhsuak òheh a si. An ai ah miphun dangdang pawl ih tuah vekin nan puithiam pawl nan ret. Cawcang pakhat asilole tuu pasarih a run keng theitu hmuahhmuah cu nan khawzing pawl ih puithiam ah nan canter hluahhlo a si.
10 “Sikhalsehla kannih cun Bawipa kan Pathian cu dungtun lo in Amah ih hna kan òuan hrih a si. Aaron tesinfa a simi puithiam pawl in puithiam hna an òuan ih Levi mi pawl in an bawm.
11 Zingtin le zantin Bawipa ih hnenah rimhmui an ur ih rannung tampi mei-ur thawinak ah an pek. Cabuai parah a thianghlim mi sangreu an hung ih zanlam tinte sui meivannak òhuam parah mei an vang. Bawipa ih thupek vekin kannih cun kan tuah lai; asinain nannih cun Bawipa cu nan hnong zo.
12 Atu ahhin Bawipa cu in hotu bik a si ih a puithiam pawl cu tawtawrawt thawn nanmah do dingih in kotu dingah an ralring òheh zo. Israel mi pawl, nan pupa pawl ih Pathian Bawipa cu do duh hlah uh! Nan neh cuang lo ding!” tiah a auh ciamco.
13 Cuih sungah Jeroboam in a ralkap hrekkhat pawl cu Judah ralkap pawl dunglam ihsin rak bawhthup dingin a thlah. Cule òhenkhat pawl in an hmailam in do an tum.
14 Judah ralkap pawl cun khua an tang ih an hun zoh tikah in kulh thluh a si, ti an hmu. Cutikah Bawipa ih hnenah bomnak dilin an au ih puithiam pawl in an tawtawrawt cu an tum.
15 Judah ralkap pawl cu napi in an au ih Abijah ho in Israel ralkap pawl do in an nam ciamco; Pathian in Jeroboam le Israel ralkap pawl cu a neh.
16 Israel ralkap pawl an tlan ih Pathian in Judah mi pawl hnenah nehnak a pek.
17 Abijah le a ralkap pawl in Israel ralkap pawl cu an neh seksek ih Israel ralkap lakih a òha bik pawl thawng zanga an that.
18 Cutiin Judah mi pawl in an pupa ih Pathian Bawipa an rinsan ruangah Israel mi tlunah nehtu an si.
19 Abijah in Jeroboam le a ralkap pawl cu a duum ih an khuapi hrekkhat: Bethel, Jeshanah le Efron le hi khuapi kiangkap ih khuate pawl tla a long.
20 Abijah siangpahrang a si sungah Jeroboam cu a caksal thei nawn lo. Netabik ah Bawipa in Jeroboam cu a hrem ih a thi.
21 Asinan Abijah cu a cak deuhdeuh. Nupi hleili a nei ih fapa kul hluanhnih le fanu hleiruk a nei.
22 Abijah ih thuanthu dang, a thusimmi le a thil tuahmi pawl cu Profet Iddo Thuanthu Cabu sungah an ngan a si.