12
Izipt Pawl In Judah Ram An Do
(2 Siang 14:25-28)
1 Rehoboam cu a ramsung fel tein a uk thei ih siangpahrang cak zet a hung si ve tein a ukmi minung pawl thawn Bawipa ih Daan cu an dungtun.
2 Siangpahrang a òuan kum nganak ah Izipt siangpahrang Shishak in Jerusalem a do.
3 Rangleng thawngkhat le zahnih, rang ralkap thawng sawmruk le ke ralkap siar cawk lo thawn a do. A ralkap sungah cun Libia mi, Suk mi le Ethiopia mi tla an tel.
4 Judah ram ralhruang ih kulhmi khuapi pawl a lak ih Jerusalem khua kiang a thleng.
5 Shishak òih ah Jerusalem khuasung ah a zammi Judah hotu pawl le siangpahrang Rehoboam hnenah profet Shemaiah cu a feh ih, “ Bawipa in ‘Keimah in dungtun ruangah Shishak kut sungah ka lo thlenter hai a si,’ a ti,” tiah a sim.
6 Cutikah siangpahrang le Judah hotu pawl cun kan sual a si, ti an theih ruangah, “ Bawipa cu a dik a si,” an ti.
7 Cumi cu Bawipa in a theih tikah profet Shemaiah hnenah a òongsal ih, “Kan sual a si, ti an theih ruangah ka siatsuah hai lo ding. Siatsuah òhehnak in a luat fangfang an si dingih Shishak in a do tikah Jerusalem cun ka thinhennak a tong lo ding.
8 Sikhalsehla Shishak cun a neh hai dingih a kuthnuai ih an um hnuah keimah ih hnaòuan le leilungtlun siangpahrang ih hnaòuan a dan awk zia an theifiang ding a si,” a ti.
9 Siangpahrang Shishak cu Jerusalem khuasung a thleng ngaingai ih Bawipa ih Biakinn le siangpahrang inn ih a ummi sumsaw hmuahhmuah a lak òheh. A lakmi lakah Siangpahrang Solomon ih tuahmi sui ralphaw pawl tla a tel òheh.Ref 12:9 2 Siang 10:16, 17; 2 San 9:15, 16;
10 Cuih sui ralphaw pawl ai ah Rehoboam in dar ralphaw pawl a tuah ih siangpahrang inn kotka kiltu ralkap hotu bawi pawl kut ah a ret.
11 Siangpahrang bawipa Biakinn ih a fehtin in a kiltu pawl in ralphaw cu an keng ringring; cuih hnuah kotka kiltu pawl ih umnak inn ah an retsal òheu.
12 Rehoboam cu Bawipa ih hmaiih a lung a nem ruangah Bawipa ih thinhennak in a siatsuah thluh lo ih Judah ram cu tluangte in a feh theisal.
Rehoboam Uknak Thutlangpi
13 Rehoboam in Judah ram cu Jerusalem khua ihsin a uk ih a cak deuhdeuh. Siangpahrang a can tikah sawmli le kum khat a ti ih Israel ram pumpi sungah Bawipa in amah biaknak hrangih a hrilmi Jerusalem khuapi ihsin kum hleisarih sung a uk. Rehoboam ih nu cu Ammon rammi Naamah a si.
14 Bawipa ih duhnak hawl a tum òheu lo ruangah Bawipa ih hmaiah thilsual a tuah.
15 Rehoboam hnaòuannak, a thok ihsin a cem tiang le a innsang ih thuanthu pawl cu Profet Shemaiah Thuanthu Cabu le Profet Iddo Thuanthu Cabu sungah an ngan a si. Rehoboam le Jeroboam cu cat lo in an do aw ringring.
16 Rehoboam cu a thi ih David khuapi, Jerusalem, siangpahrang thlan ah an phum. Cule a fapa Abijah in a ai ah siangpahrang a run òuan.