9
Saltannak Ihsin An Kir
(Neh 11:1-24)
Israel mi pawl cu an hrin ciarin cazin sungih nganmi an si ih cumi cu Israel Siangpahrang Pawl Ih Cabu timi a si.
Judah mi pawl cu an sual ruangah Babilon ah sal ah an tang. An khua le an inn ih a kir hmaisabik pawl cu Israel mipi hrekkhat, puithiam pawl, Levi mi pawl le Biakinn ih hnaòuantu pawl an si. Judah hrin, Benjamin hrin, Efraim hrin le Manasseh hrin pawl cu Jerusalem ah an feh ih an um.Ref 9:2, 3 Ezr 2:70; Neh 7:73;
4-6 Jerusalem ah Judah hrin innsang zaruk le sawmkua an um. Judah fapa Perez ih tesinfa pawl hotu cu Uthai a si; Uthai cu Ammihud fapa a si ih Omri ih fasuan a si. A pupa dang cu Imri le Bani an si.
Judah fapa Shelah ih tesinfa pawl hotu cu Asaiah a si ih an sungih lubik a si.
Judah fapa Zerah ih tesinfa pawl hotu cu Jeuel a si.
7-8 Benjamin hrin sungin a tanglam mi pawl cu Jerusalem ah an um:
Meshullam ih fapa Sallu; Meshullam cu Hodaviah ih fapa a si ih, Hodaviah cu Hassenuah ih fapa a si.
Jeroham ih fapa Ibneiah;
Uzzi ih fapa le Mikri ih fasuan Elah;
Shefatiah ih fapa Meshullam; Shefatiah cu Reuel ih fapa a si ih Reuel cu Ibnijah ih fapa a si.
Jerusalem ah an hrin sungin innsang zate in zakua le sawmnga paruk an um. A tlunih hmin nganmi pawl cu sungkhat ih lubik ciar an si.
Jerusalem Ih Ummi Puithiam Pawl
10-12 A tanglam hi Jerusalem ih ummi puithiam pawl an si:
Jedaiah, Jehoiarib le Jakhin.
Hilkiah ih fapa Azariah cu Biakinn ih hotu bik a si. A pupa pawl cu Meshullam, Zadok, Meraioth le Ahitub an si.
Jeroham ih fapa Adaiah; a pupa pawl cu Pashhur le Malkhijah an si.
Adiel ih fapa Maasai; a pupa pawl cu Jedaiah, Meshullam, Meshillemith le Immer an si.
13 Innsang ciar ih lu a simi puithiam zate in thawngkhat zasarih le sawmruk an um. Anmah tla cu Biakinn ih hnaòuannak ah a thiam zetmi an si.
Jerusalem Ih Um Levi Mi Pawl
14-16 A tanglam pawl cu Jerusalem ih um Levi mi an si:
Hasshub ih fapa Shemaiah; a pupa pawl cu Azrikam le Hashabiah, an si ih Merari hrin an si.
Bakbakkar, Heresh le Galal;
Mika ih fapa Mattaniah; a pupa pawl cu Zikri le Asaf an si.
Shemaiah ih fapa Obadiah; a pupa pawl cu Galal le Jeduthun an si.
Asa ih fapa le Elkanah ih fasuan Berekhiah; amah cu Netofah mi pawl ih ram sungah a ummi a si.
Jerusalem Biakinn Kiltu Pawl
17 A tanglam pawl cu Jerusalem Biakinn kiltu an si:
Shallum, Akkub, Talmon le Ahiman. An hotu cu Shallum a si. 18 Tuih san tiangin an hrin pawl cu nisuahnak lam sangka, Siangpahrang Kotkaj 9:18 Siangpahrang Kotka: timi hi Nisuahnak lam sangka ihsin Siangpahrang a luh òheu ruangah Siangpahrang Kotka an tinak a si. ah an ret. Ahlan ahcun Levi mi pawl riahhmun kotka kiltu an si.
19 Kore ih fapa le Ebiasaf ih fasuan Shallum cu Korah hrinpi dangdang pawl thawn, Bawipa ih umnak Puanthlam k 9:19 Puanthlam: ti cu Biakinn an neih hlanih Pathian an biaknak a si. luhnak sangka kiltu an si; an pupa pawl tla Bawipa ih riahhmun an kil lai ah cuvek cun an rak kil zo. 20 Eleazar ih fapa Finehas in a rak ho hai; Bawipa cu a hnenah um hram seh!
21 Meshelemiah ih fapa Zekhariah khal Bawipa ih umnak Puanthlam sangka kiltu a si ve.
22 An zate ah minung zahnih le hleihnih cu sangka le kotka pawl kiltu dingah an hril. Anmah tla cu an umnak khua ciar ih cazin lakmi an si. An pupa pawl cu zum tlak an si ruangah siangpahrang David le profet Samuel in cubangtuk hnaòuan thupi cu an rak òuanter. 23 Anmah le an tesinfa pawl tiangin Biakinn cu an kil ringring. 24 A kiil pali: Saklam, thlanglam, nisuah le nitlak lamah kotka pakhat fingfing a um ih a kiltu upa bik an um fingfing. 25 Hi kotka kiltu pawl cu khuate ih a ummi an sungkhat pawl in an bawm hai ih a haha in ni sarih sung an kil òheu. 26 Kotka kiltu upa bik pali pawl cu Levi mi an si ih òuanvo tum bik an nei. Biakinn sungih khaan pawl le a sungih an retmi thilri pawl tla an kilkhawi. 27 Biakinn kilkhawi le zingtin kotka on cu an òuanvo a si ruangah Biakinn kiangah an umnak cu a si.
Levi Mi Dangdang
28 A dang Levi mi pawl cu Biakinn sung Pathian biaknak ih hmanmi bungbeel pawl kilkhawitu an si. An hman hlanah an siar ih an hman hnu khalah an siarsal. 29 A dang pawl cu hmanmi thilri thianghlim dang pawl, sangphut, sabitti, olif hriak, rimhmui le thakthiing vut pawl zohtu an si. 30 Asinan thakthiing vut tuah ih cokrawi hnaòuan cu puithiam pawl ih òuanvo a si.
31 Korah hrin, Shallum ih fapa upa bik , Levi mi pa Mattithiah ih òuanvo cu sangrawhl 9:31 Sangrawh: sangphut le olif siti rawi in an rawh ih Bawipa ih hnenah an pek òheu. thawinak hrang timtuah a si.Ref 9.31 Pui 2:4-6; 32 Kohath mi pawl cu Sabbath ni Biakinn ih hman dingah sangreu thianghlimm 9:32 Sangreu thianghlim: timi cu Sabbath nitin in Biakinn cabuai ah sangreu hlom hleihnih an ret, Bawipa ih hnenah hlanmi a si. tuahtu an si.Ref 9.32 Pui 24:5-9;
33 Levi mi hrekkhat pawl cu Biakinn ih hla satu pawl an si. Innsang ih lubik pawl an si ih Biakinn kap a khaan sungah an um. A sun a zan ih hnaòuan an neih òheu ruangah hnaòuan dang zianghman an nei lo.
34 A tlunih an hmin nganmi pawl cu Levi mi innsang ih lubik ciar le anmah hrin ciar ah hotu an si. Jerusalem ih a ummi pawl lakah hotu an si.
Siangpahrang Saul Ih Pupa Le Tesinfa
(1 San 8:29-38)
35 Jeiel cu Gibeon khawsattu a si ih cutawkah a um. A nupi cu Maakah a si ih, 36 a fapa upa bik cu Abdon a si. A fapa dang pawl cu Zur, Kish, Baal, Ner, Nadab, 37 Gedor, Ahio, Zechariah le Mikloth an si. 38 Mikloth cu Shimeah ih pa a si. An tesinfa pawl cu an hrin sungkhat pawl kiangkap Jerusalem ah an um.
39 Ner cu Kish ih pa a si ih Kish cu Saul ih pa a si. Cule Saul in fapa pali a nei ih Jonathan, Malkhishua, Abinadab le Eshbaal an si. 40 Jonathan cu Meribbaal ih pa a si ih Meribbaal cu Mikah ih pa a si. 41 Mikah in fapa pali a nei: Pithon, Melek, Tarea le Ahaz an si. 42 Ahaz cu Jarah ih pa a si ih, Jarah cun fapa pathum a nei: Alemeth, Azmaveth le Zimri an si. Zimri cu Moza ih pa a si ih, 43 Moza cu Binea ih pa a si; Binea cu Refaiah ih pa a si; Refaiah cu Eleasah ih pa a si ih, Eleasah cu Azel ih pa a si.
44 Cule Azel in fapa paruk a nei: Azrikam, Bokheru, Ishmael, Sheariah, Obadiah le Hanan an si.