5
Reuben Tesinfa Pawl
Jakob fapa upa bik Reuben ih tesinfa pawl cu a tanglam pawl hi an si. (Reuben in a pa ih nusun pakhat a sualpi ruangah fapa upa bik covo co theinak a nei nawn lo ih cuih covo cu Josef an pek.Ref 5:1 Sem 35:22; 49:3, 4; Judah hrin cu a cak bik hrin an si ih an phun zate ih uktu khal anmah ih hrin sungin an si ringring; asinain upa bik covo co theinak cu Josef ta a si.)Ref 5:2 Sem 49:8-10; Jakob fapa upa bik Reuben cun fapa pali a nei ih Hanok, Pallu, Hezron le Karmi an si.
Joel tesinfa pawl cu sankhat hnu sankhat ah a tanglam pawl hi an si: Shemaiah, Gog, Shimei, Mikah, Reaiah, Baal le Beerah an si. Assiria siangpahrang Tiglath Pileser in a hrin sungih hotu bik Beerah cu a kai ih a hruaihlo.Ref 5:6 2 Siang 15:29;
An sungkhat thu ih canganmi sungah cun Reuben hrin hotu pawl cu a tanglam hi an si: Jeiel, Zekhariah, le Bela an si ih Bela cu Azaz fapa, Shema ih fasuan a si ih Shema cu Joel hrin a si. An hrin pawl cu Aroer khua ah le cutawk ihsin saklam ah Nebo le Baal Meon karlak ram ah an um. Gilead ram ah òilva tampi an neih ruangah Eufrates Tiva thlengih a kaumi nelrawn tiang nisuahnak lamah ram an luah.
10 Siangpahrang Saul ih san ah Reuben hrin in Hagrit mi pawl an do ih tampi an that hnuah an ram, Gilead in nisuahnak lam ram cu an luah.
Gad Tesinfa Pawl
11 Gad hrin pawl cu Reuben hrin pawl umnak saklam Bashan ram ah an um ih nisuahnak lamah Salekah tiang an um. 12 An phun sungih a cak bik hrin hotu cu Joel a si; a pahnihnak hrin hotu cu Shafam a si. Janai le Shafat cu a dang hrin pawl hotu an si. 13 Gad phun sungih hrin dangdang pawl cu: Mikhael hrin, Meshullam hrin, Sheba hrin, Jorai hrin, Jakan hrin, Zia hrin le Eber hrin pawl an si. 14 Annih pawl hi Huri ih fapa Abihail tesinfa pawl an si ih an pupa pawl cu Abihail, Huri, Jaroah, Gilead, Mikhael, Jeshishai, Jahdo le Buz an si. 15 Hi hrin pawl lakih lu bik cu Abdiel ih fapa le Guni ih fasuan Ahi a si. 16 Bashan le Gilead ram sungih khuapi ah an um ih Sharon ram òilva tlannak òha ahcun an um òheh a si. 17 (Hi an thuhla pawl cu Judah siangpahrang Jotham le Israel siangpahrang Jeroboam san ih ngankhummi a si.)
Nisuahnak Lam Hrin Ih Ralkap Pawl
18 Reuben, Gad le Nisuahnak lam Manasseh hrin pawl sungin ralphaw, ralnam, li le conkiang hmang thiam zet ralkap thawng sawmli le thawngli le zasarih le sawmruk an um. 19 Hi pawl in Hagrit mi, Jetur, Nafish le Nodab hrin pawl an do. 20 Pathian an rinsan ih a hnen ihsin bomnak an dil ruangah Pathian in an dilnak cu a theih sak ih Hagrit mi le a òantu pawl ih tlunah nehnak a pek. 21 An ral pawl ih rannung: Kalauk thawng sawmnga, tuu thawng zahnih le thawng sawmnga, le laak thawnghnih an long. Ral pawl thawng zakhat an kai. 22 Pathian an hnenih a òan ruangah an ral pawl tampi an that. Cutawkah cun an saltan caane Saltan caan timi cu BC 733 hrawngah Assiria siangpahrang in saklam le nisuahnak lam Israel ram a neh òheh ih an minung pawl a hruaihlonak thu a si. tiang an um ringring.Ref 5.22 2 Siang 15:29;
Nisuahnak lam Manasseh Mi Pawl
23 Nisuahnak lam Manasseh mi pawl cu Bashan ram le saklam ah Baal Hermon, Senir le Hermon Tlang tiangin an um ih an minung pawl cu an karhzai ngaingai. 24 An hrin pawl ih hotu tla cu Efer, Ishi, Eliel, Azriel, Jeremiah, Hodaviah le Jahdiel an si. Hi hotu pawl cu ralkap ralòha zetzet le hminthang zetzet an si.
Nisuahlam Phun Pawl An Dawi
25 Himi pawl cu Pathian ih rinsan tlak in an um lo ih an pupa pawl ih Pathian cu an tlansan ih Pathian ih a dawihlomi miphun pawl ih khawzing pawl an biak. 26 Curuangah Pathian in Assiria siangpahrang Pul cu (Tiglath Pileser ti tla in an ko), an ram a doter. Siangpahrang Pul cun Reuben, Gad le nisuahnak lam Manasseh hrin pawl cu a hruaihlo ih Halah, Habor, Hara le Gozan Tivaf Hi hmun le khua pawl cu atu Iraq saklam ram ih um mi an si. kapah a umter hai.Ref 5:26 2 Siang 15:19; 17:6;