27
Ralkap Le Misenpi Hoha-awkdan
Israel mi an innsang ih lu ciar le an hrin ih hotu ciar le an ram sungih tawlreltu bawi pawl cu a tanglam pawl hi an si. Kum khat sungah thlatinte bur dangdang thleng aw in hnaòuan an nei ih burkhat ah minung thawng kul hluanli ciar in hotu pawl ih kut hnuai ah hna an òuan.
2-15 A tanglam pawl hi thla khat sungih ralkap hotu ciar an si:
Thla khatnak ah: Zabdiel ih fapa Jashobeam. (Amah cu Judah phun, Perez hrin a si.)
Thla hnihnak ah: Ahohi ih tesinfa Dodai. (Amah bawmtu cu Mikloth a si.)
Thla thumnak ah: Puithiam Jehoiada ih fapa Benaiah. Amah cu “Sawmthum Pawl,” ih hotu a si. (A fapa Amizzabad in a ai ah hotu a òuan.)
Thla linak ah: Joab nau Asahel. (A fapa Zebadiah in a ai ah hotu a òuan.)
Thla nganak ah: Izhar ih tesinfa Shamhuth.
Thla ruknak ah: Tekoa khua mi Ikkesh ih fapa Ira.
Thla sarihnak ah: Pelon in Efraim mi Helez.
Thla riatnak ah: Hushah khua in Sibbekai. (Amah cu Judah phun, Zerah hrin sungmi a si.)
Thla kuanak ah: Benjamin hrin Anathoth khua in Abiezer.
Thla hranak ah: Netofah hrin in Maharai (Amah cu Zerah tesinfa a si.)
Thla hleikhatnak ah: Efraim hrin, Pirathon tesinfa Benaiah.
Thla hleihnihnak ah: Netofah hrin in, Heldai. (Amah cu Othniel tesinfa a si.)
Israel Miphun Pawl Ukawkdan
16-22 A tanglam pawl hi Israel hrin pawl uktu an si:
Reuben hrin ah Zikhri ih fapa Eliezer;
Simeon hrin ah
Maakah ih fapa Shefatiah;
Levi hrin ah Kemuel ih fapa Hashabiah;
Aaron hrin ah Zadok;
Judah hrin ah
Siangpahrang David ih u Elihu;
Issakhar hrin ah Mikhael ih fapa Omri;
Zebulun hrin ah
Obadiah ih fapa Ishmaiah;
Naftali hrin ah Azriel ih fapa Jeremoth;
Efraim hrin ah Azaziah ih fapa Hoshea;
Nitlaknak lam Manasseh hrin ah
Pedaiah ih fapa Joel;
Nisuahnak lam Manasseh hrin ah
Zekhariah ih fapa Iddo;
Benjamin hrin ah Abner ih fapa Jaasiel;
Dan hrin ah Jeroham ih fapa Azarel.
23  Bawipa in Israel mi pawl cu van ih arsi zat in an tam ding tiah thutiam a tuah zo ruangah David in Israel mi kum kul hnuailam cu mipum a siar lo.Ref 27:23 Sem 15:5; 22:17; 26:4; 24 Zeruiah ih fapa Joab in mipum siar cu a thok; asinain a òheh lo. Hi mipum siarnak ruangah Bawipa in Israel cu hremnak a pek a si. Curuangah siangpahrang David ih cazin sungah an mipum zat ngaingai cu an rak ngan dah lo.Ref 27:24 2 Sam 24:1-15; 1 San 21:1-14;
Siangpahrang Thilri Zohtu Pawl
25-31 A tanglam pawl cu siangpahrang thilri zohtu pawl an si:
Siangpahrang thilri retnak inn zohtu: Adiel ih fapa Azmaveth;
Khuate thilri retnak inn pawl zohtu: Uzziah ih fapa Jonathan;
Lo hnaòuantu zohtu: Khelub ih fapa Ezri;
Sabit hmuan zohtu: Ramah khua in Shimei;
Sabit rialnak zohtu: Shefam khua in Zabdi;
Olif le theipi kung pawl (nitlaknak lam tlang hram ummi) zohtu: Geder in Baalhanan;
Olif siti retnak inn zohtu: Joash;
Sharon Phairawn caw pawl zohtu: Sharon in Shitrai;
Horkuam ih caw pawl zohtu: Adlai ih fapa Shafat;
Kalauk pawl zohtu: Ishmael mi Obil;
Laak pawl zohtu: Meronoth in Jehdeiah;
Tuu le me pawl zohtu: Hagrit mi Jaziz.
David Ruahnak Petu Pawl
32 David ih paseu Jonathan cu cathiam le mifim zet a si ih ruahnak òha petu òha zet tla a si. Jonathan le Hakmoni ih fapa Jehiel cu siangpahrang fapa pawl cazirhtu a si. 33 Ahithofel cu siangpahrang ruahnak petu a si ih Ark khuami Hushai cu siangpahrang rualpiòha le remruattu a si. 34 Ahithofel a thih hnuah Abiathar le Benaiah ih fapa Jehoiada in a ai an awh. Joab cu siangpahrang ralkap pawl uktu bawi a si.