26
Biakinn Kiltu Pawl
Biakinn kiltu pawl ih hnaòuan cu a tanglam vekin an òhen. Korah hrin Asaf tesinfa sungih Kore ih fapa Meshelemiah in, fapa pasarih a nei ih a sangsang in a tanglam hi an si: Zekhariah, Jediael, Zebadiah, Jathniel, Elam, Jehohanan le Eliehoenai an si.
Obed Edom cu Pathian malsawmnak a dong ih fapa pariat a nei: A sangsang in Shemaiah, Jehozabad, Joah, Sakhar, Nethanel, Ammiel, Issakhar le Peullethai an si.Ref 26:4, 5 2 Sam 6:11; 1 San 13:14;
Obed Edom ih fapa upa bik Shemaiah cun fapa paruk a nei ih thil tithei an si ruangah an hrin ah hminthang an si. An hmin cu Othni, Refael, Obed, Elzabad, Elihu le Semakhiah an si. Nauta bik pahnih tla cu a hleice in thil tithei an si.
Hi hnaòuannak ah Obed Edom sungkhat in thil tithei zetzet minung sawmruk le pahnih an um.
Meshelemiah sungkhat in thil tithei zetzet minung hleiriat an um.
10 Merari sungkhat ah Hosah a um ih fapa pali a nei: Shimri (amah cu upa bik a si lo nain a pa in hotu ah a tuah), 11 Hilkiah, Tebaliah le Zekhariah an si. Hosah sungkhat in an zate ah biakinn kiltu hleithum an um.
12 Levi mi vekin biakinn kiltu pawl cu an sungkhat ciar in an òhen ih biakinn hnaòuan cu an pek hai. 13 An kil dingmi kotka hrangah sungkhat fingfing in minung an tam an mal ti lo in, camcawhfung an zuk ciar. 14 Shelemiah in nisuahnak lam kotka kil ding a zuk ngah ih a fapa midang hnenih ruahnak òha a pe thei ringringtu Zekhariah in saklam kotka kil ding a zuk ngah. 15 Obed Edom in thlanglam kotka kil ding a zuk ih a fapa pawl cu thilri retnak inn kiltu ding an si. 16 Shuppim le Hosah in nitlaknak lam kotka kil ding an zuk ih saklam hung fehnak Shalleketh kotka tla a kil phahtu ding an si. An kil tikah a haha in an sawng aw. 17 Nisuahnak lam kotka cu nitin tein paruk in an kil; saklam cu pali in an kil ih thlanglam tla pali in an kil. Thilri retnak inn pahnih cu minung pali in, inn khat pahnih veve in an kil. 18 Nitlaknak lam ih ummi òhuam tum pipi umnak lamzin ah pali an um ih a òhuam kiltu ah pahnih an um. 19 Cumi cu Korah le Merari sungkhat pawl ih biakinn an kilnak hnaòuan daan a si.
A Dang Biakinn Hnaòuan Pawl
20 A dang Levi mi pawl cu biakinn tangka le Pathian hnenih pekmi thilri retnak inn kiltu an si. 21 Gershom hrin sungah Ladan cu sungte tampi ih pu a si ih Jehiel sungkhat ih pu tla a si. 22 Hi sungkhat sungin Zetham le a unau Joel cu biakinn tangka le thilri retnak inn kiltu an si.
23 Amram, Izhar, Hebron le Uzziel tesinfa pawl tla hnaòuan pekmi an si.
24 Moses fapa Gershom hrin sungin Shebuel cu biakinn tangka kiltu pawl hotu upa bik a si. 25 Gershom unau cu Eliezer a si ih curuangah Shebuel le Shelomith cu sungkhat ah an cang. Eliezer cu Rehabiah ih pa a si; Rehabiah cu Jeshiah ih pa a si; Jeshiah cu Joram ih pa a si; Joram cu Zikhri ih pa a si; Zikhri cu Shelomith ih pa a si. 26 Shelomith le a sungkhat pawl cu Pathian hnenah siangpahrang David, sungkhat ciar ih lubik pawl, hrinkhat sungih hotu pawl le ralbawi pawl ih pekmi laksawng pawl kiltu an si. 27 Raldonak ih an lakmi hransaw hrekkhat pawl cu an lak ih Biakinn sungih hmanmi thilri ah an tuah. 28 Shelomith le a sungkhat pawl cu Biakinn sung hman ding thilri an pekmi hmuahhmuah, profet Samuel, siangpahrang Saul, Ner fapa Abner le Zeruiah fapa Joab pawl ih an pekmi tiangin a kiltu an si.
Levi Mi A Dang Pawl Ih Òuanvo
29 Izhar tesinfa sungin Khenaniah le a fapa pawl cu zung hnaòuantu, cazin kaitu le misenpi ih thuòhentu an si.
30 Hebron tesinfa sungin Hashabiah le a sungkhat pawl hminthang zetzet, minung thawngkhat le zasarih cu Jordan Tiva in nitlaknak lamah biaknak lam thu siseh, nitin misenpi nun khawsaknak thuhla siseh, tawlreltu le ngaihtuahtu an si. 31 Hebron tesinfa pawl lakah Jeriah cu an hotu bik a si. David ih siangpahrang a òuannak kum sawmlis Kum sawmli timi hi BC 960 hrawng a si. kum ah Hebron ih tesinfa pawl thuhla an zingzoi tikah ralkap hminthang zetzet Gilead ram Jazer khua ih an um kha an thei. 32 Curuangah David in Jeriah ih sungkhat pawl, an hrin sungih hminthang le lubik pawl minung thawnghnih le zasarih a hril ih Reuben ram, Gad ram le nisuahnak lam Manasseh ram sungih an biaknak lam thu le nitin tein an nun khawsaknak thuhla tawlreltu le ngaihtuahtu dingah a ret.