25
Hla Saktu Le Awnmawi Tumtu Pawl
1 David le Levi mi lakih hotu bawi pawl in a tanglam hrin pawl cu Pathian biaknak ih hotu dingah an hril: Asaf, Heman le Jeduthun. Annih cu òingòang, tingrisit le darsumsel thawn Pathian ih thu, profet òong in, a phuangtu an si. Pathian biak tikah anmah ih hnaòuannak ciar ah a tanglam pawl cu hotu ah hrilmi an si.
2 Asaf ih fapa pali cu: Zakkur, Josef, Nethaniah le Asarelah an si. An hotu Asaf a si ih siangpahrang in thu a pe tikah Pathian ih thu cu a phuang òheu.
3 Jeduthun fapa paruk: Gedaliah, Zeri, Jeshaiah, Shimei, Hashabiah le Mattithiah an si. An pa ih ho in òingòang tum phahin Pathian ih thu cu an phuang ih thangòhatnak hla an sak.
4 Heman fapa hleili pawl cu: Bukkiah, Mattaniah, Uzziel, Shebuel, Jerimoth, Hananiah, Hanani, Eliathah, Giddalti, Romamti Ezer, Joshbekashah, Mallothi, Hothir le Mahazioth an si.
5 Heman cu siangpahrang ih profet a si ih, a rak tiamcia bangtukin Heman cu Pathian in fapa hleili le fanu pathum thawn a sunloih.
6 Biakinn ih Pathian an biak caan ah an pa ih ho in darsumsel, òingòang le tingrisit an zate in an tum òheu. Asaf, Jeduthun le Heman cu siangpahrang ih thupekmi ngai in an um.
7 Hi mipa kul hluanli cu an tuahmi ciar ah an thiamthei zet. An hnaòuanpi Levi mi pawl tla hlasak thiam le awnmawi tum thiam hlir an si. An zate in zahnih le sawmriat le pariat an si.
8 An hnaòuan dingmi hrilnakah mino siseh, upa siseh, hlathiam cia siseh, a zir pekte siseh, an zate in camcawhfung an zuk fingfing.
9 Hi minung zahnih sawmriat pariat tla cu anmah le sungkhat ciar zoh in bur kul hluanli ah òhen an si ih, burkhat ah minung hleihnih ciar an si. Burkhat in hotu pakhat ciar an nei ih a thuailam vekin a haha tein hna an òuan òheu:
Pakhatnak cu Josef, Asaf hrin hotu,
Pahnihnak Gedaliah,
10 Pathumnak Zakkur,
11 Palinak Izri,
12 Panganak Nethaniah,
13 Paruknak Bukkiah,
14 Pasarihnak Jesharelah,
15 Pariatnak Isaiah,
16 Pakuanak Mattaniah,
17 Pahranak Shimei,
18 Hleikhatnak Uziel,
19 Hleihnihnak Hashabiah,
20 Hleithumnak Shubael,
21 Hleilinak Mattithiah,
22 Hleinganak Jeremoth,
23 Hleiruknak Hananiah,
24 Hleisarihnak Joshbekashah,
25 Hleiriatnak Hanani,
26 Hleikuanak Mallothi,
27 Kulnak Eliathah,
28 Hluankhatnak Hothir,
29 Hluanhnihnak Giddalti,
30 Hluanthumnak Mahazioth,
31 Hluanlinak Romamti Ezer.