15
Thukam Kuang Òhawn An Tum
(2 Sam 6:12-23)
David in amah ih hrangah Jerusalem ah inn tampi a sak. Pathian Thukam Kuang hrangah hmun pakhat a zuah ih cutawkah puanthlam a sak. Cule David in, “Levi mi pawl cu Thukam Kuang phurtu dingah le amah ih hnaòuantu dingah Pathian ih hrilmi an si ruangah anmah lawng in Pathian ih Thukam Kuang cu an phur ding,” tiah a ti.Ref 15:2 Daan 10:8; Puanthlam a sakmi sungih Thukam Kuang ret dingah Israel mi pawl cu David in Jerusalem ah a kokhawm òheh. Cuih hnuah Levi mi pawl le Aaron tesinfa pawl a ko. Kohath hrin Levi mi sungin Uriel a ra ih a hrinpi minung za le kul hotu a si. Merari hrin in Asaiah a ra ih a hrinpi zahnih le kul hotu a si. Gershom hrin in Joel a ra ih a hrinpi za le sawmthum hotu a si. Elizafan hrin in Shemaiah a ra ih a hrinpi zahnih hotu a si. Hebron hrin in Eliel a ra ih a hrinpi minung sawmriat hotu a si. 10 Uzziel hrin in Amminadab a ra ih a hrinpi minung za le hleihnih hotu a si.
11 Cun David in puithiam Zadok, Abiathar le Levi mi paruk Uriel, Asaiah, Joel, Shemaiah, Eliel, le Amminadab pawl a ko ih, 12 an hnenah, “Nanmah hi Levi hrin pawl ih hotu cu nan si. Ka sak cia mi inn sungih Bawipa, Israel Pathian ih Thukam Kuang nan run ret theinak dingah nanmah le nan Levi hrinpi pawl cu tithiangfai aw uh. 13 Hitiih Thukam Kuang phurhnak ih nan tel hi a hmaisabik a si lo; Bawipa lungkim zawng in kan biak lo ruangah Bawipa kan Pathian in, in hrem a si kha,” tiah a ti.
14 Cule Bawipa, Israel ih Pathian ih Thukam Kuang la dingin puithiam pawl le Levi mi pawl cu an tithiangfai awter. 15 Levi mi pawl in Thukam Kuang cu an liangah laang in an zawn ih Bawipa in Moses hnenih thu a pe vekin an tuah.Ref 15:15 Suah 25:14;
16 David in Levi mi hotu pawl hnenah an unau Levi mi pawl cu hla satu, òingòang tumtu le darsumsel pawl tumtu tiah òhen dingin thu a pek. 17-21 Hla saktu pawl sungin Joel fapa Heman, a sungkhat Berekhiah ih fapa Asaf le Merari hrin in Kushaiah ih fapa Ethan cu darsumsel tumtu dingah an hril. Anmah bawmtu dingah a hnuailam Levi mi pawl cu òingòang aw-feem tumtu dingah an hril: Zekhariah, Jaaziel, Shemiramoth, Jehiel, Unni, Eliab, Maaseiah le Benaiah.
Cun òingòang aw-pawr tumtu dingah a hnuailam Levi mi pawl cu an hril: Mattithiah, Elifelehu, Mikneiah, Azaziah le Biakinn kilvengtu Obed Edom le Jeiel tla an si.
22 Levi mi awnmawi tumtu pawl hotu dingah hla thiam zetmi Khenaniah an hril; 23 Thukam Kuang kiltu dingah Berekhiah le Elkanah an hril. 24 Thukam Kuang hmaiih tawtawrawt tumtu dingah puithiam Shebaniah, Joshafat, Nethanel, Amasai, Zekhariah, Benaiah le Eliezer pawl an hril. Obed Edom le Jehiah khal Thukam Kuang retnak sangka kiltu an si ve.
Jerusalem Ah Thukam Kuang An Òhawn
(2 Sam 6:12-22)
25 David, Israel hruaitu pawl le ralkap hotu ralbawi pawl cu Thukam Kuang la dingin Obed Edom inn ahcun an feh ih lungawinak puai tumpi an tuah. 26 Pathian ih bomnak Thukam Kuang phurtu Levi mi pawl ih an co tengtengnak dingah cawcang pasarih le tuu pasarih that in, thawinak an tuah. 27 David le awnmawi tumtu pawl, an hla hotu Khenaniah le Thukam Kuang phurtu Levi mi pawl cu puan mawi le puan mankhung an sin ciar. Cuih tlunah David cun puithiam angki òaangthlaih a hruk. 28 Cuticun Israel mi hmuahhmuah in Thukam Kuang cu an thlun ih lungawi in an au phah ih tawtawrawt, tuuki, darsumsel le òingòang tum phahin Jerusalem ah an fehpi.
29 Thukam Kuang cu khuapi sungih an luhpi tikah Saul ih fanu Mikhal in tukvirh in a hei zoh ih siangpahrang David khir phah rero ih a laam kha a hmuh tikah a mitkem in a nautat ngaingai.