14
Jerusalem Ah David Ih Cangvaihnak
(2 Sam 5:11-12)
1 Òaiar siangpahrang Hiram in David hnenah palai a thlah ih siangpahrang inn saknak hrangah sidar thing pawl, lung sertu pawl le zungthiam pawl tla a kuat.
2 Bawipa in Israel siangpahrang ah i tuah zo ih Amah ih minung pawl ruangah ka uknak cu a òhangso a si, ti cu David in a thei.
3 Jerusalem khua ahcun David in nupi tampi a òhi ih fapa le fanu tampi a nei.
4 Jerusalem ih a hrinmi a fapa pawl ih hmin cu: Shammua, Shobab, Nathan, Solomon,
5 Ibhar, Elishua, Elpelet,
6 Nogah, Nefeg, Jafia,
7 Elishamma, Beeliada le Elifelet an si.
Filistin Ral A Neh
(2 Sam 5:17-25)
8 Filistin mi pawl in Israel ram pumpi tlunah David cu siangpahrang a si zo, ti an theih tikah kai dingin an ralkap pawl an feh. Cumi cu David in a theih tikah Filistin ralkap do dingin a pok.
9 Filistin pawl cu Refaim phairawn an thleng ih cuih hrawng mi pawl an ram ciamco.
10 David in Bawipa ih hnenah, “Filistin mi pawl hi ka do ding maw? Ka neh hai ding maw?” tiah a sut.
Bawipa in, “Do aw, na neh ding,” a ti.
11 Curuangah David in Filistin mi pawl cu Baal Perazim ah a do ih a neh. Cutikah David in, “Ral pawl nehsuak dingah Bawipa in tilian bangin i hmang a si,” a ti. Curuangah cuih hmun cu Baal Perazim p 14:11 Baal Perazim ti cu Nehsuaknak ih Bawipa ti can a si. tiah an ko.
12 Cutawkah Filistin mi pawl in an milem pawl tla an tlansan thluh ih cupawl cu ur dingah David in thu a pe ih an ur òheh.
13 A rei hlanah phairawn ih ummi pawl kha Filistin mi pawl in an ra ramsal lala.
14 David in Bawipa a sut lala ih Bawipa in, “Hitawk lam cun do hlah aw; heel awla khatlam in balsam theikung pawl umnak kiangin do aw.
15 Cuih theikung tlunih mi feh thawm vek na theih tikah do aw; ziangahtile Filistin ralkap nehtu dingah na hmaiah Keimah ka feh ding,” a ti.
16 David cun Pathian ih thupekmi vekin a tuah ih Filistin ral pawl cu Gibeon in Gezer thleng tiang a dawihlo.
17 David ih hmin cu khuazakip ah a thang ih Bawipa ih ruangah miphun hmuahhmuah in amah cu an òih.