12
Benjamin Mi David Thluntu Pawl
1 Israel siangpahrang Saul, Kish ih fapa in a mithmuh ah David um lo dingin a dawihlo hnuah David cu Ziklag ah a um. Cutawkah mi tampi a hnenah an ra ih an um ve. Annih pawl cu raldo òhangmi le rinsan tlak zetzet ralkap lawnglawng an si ih,
2 Siangpahrang Saul vekin Benjamin miphun an si. Li le conkiang siseh, lungherhden siseh, an duhduh in keh le vorh ih sai le denthiam thiam an si.
3 An hotu pawl cu Gibeah ihsin Shemaah ih fapa Ahiezer le Joash an si. An ralkap pawl cu a tanglam vekin an si:
Azmaveth ih fapa Jeziel le Pelet,
Anathoth ihsin Berakah le Jehu,
4 Ralkap hminthang zet le “Sawmthum Pawl,” sungih hotu pakhat a simi, Gibeon ihsin Ishmaiah,
Gederah ihsin Jeremiah, Jahaziel, Johanan le Jozabad;
5 Harif ihsin Eluzai, Jerimoth, Bealiah, Shemariah le Shefatiah;
6 Korah hrin in Elkanah, Isshiah, Azarel, Joezer le Jashobeam;
7 Gedor ihsin Jeroham ih fapa Joelah le Zebadiah.
Gad Hrin In David Thluntu Pawl
8 Nelrawn ah ralhruang kulhmi hmunih David a um lai ah Gad mi ralkap hminthang pawl ra in a hnenah an um. Anmah cu raldo òhangtu an si ih phaw le fei hmannak lam ahcun an thiam ngaingai; an mithmai cu zoh tikah kiosa bangin òihnungza an si ih an zam a òhat zia cu tlangpar zukneng vek an si.
9-13 Anmah lakih hotu bik ihsin nauta bik tiang a sangsang in hi pawl hi an si: Ezer, Obadiah, Eliab, Mishmannah, Jeremiah, Attai, Eliel, Johanan, Elzabad, Jeremiah, le Makbannai an si.
14 Hi Gad mi pawl hi a hrek cu ralbawi upa an si ih ralkap thawngkhat hotu an si; a hrek cu ralbawi nauta deuh an si ih zakhat hotu an si.
15 Kum khat sungih thla hmaisabik thla, Jordan Tiva ti a lian ih phai a hrut laifangah tiva cu an tan ih tiva ihsin nisuahnak lam siseh, nitlaknak lam siseh, a rak ummi minung pawl cu suk le so ah an dawihlo thluh.
Benjamin Le Judah Mi David Thluntu Pawl
16 Nikhat ah Benjamin le Judah hrin in milai hrekkhat cu David umnak ruh-kulh sungah cun an va thleng.
17 David cun a rak hmuak hai ih an hnenah, “Keimah bawm dingah rualpi òha in nan rat a si ahcun kan hnenah ra uh. Asinan ka ral pawl hnenih zuar tum in nan rat a si ahcun, nanmah tuahmawh ding cu ka tum dah lo nain, nan tummi cu kan pupa ih Pathian in a hmu dingih a lo cawh ding a si,” tiah a ti.
18 Cutikah, “Sawmthum Pawl,” sungah hotu a rung cang lehmi Amasai parah thlarau a rung thleng ih anih in:
“Maw David, na minung kan si;
Maw Jesse fapa,
nangmah ih lam òang kan si.
Na parah daihnak um seh,
A lo bawmtu hnenah
hnangamnak um seh,
Pathian na hnenah a um,” a ti.
Cule David in annih cu amah ih minung ah a tuah ih a ralkap sungah hotu ah a ret hai.
Manasseh Hrin Ihsin David Thluntu Pawl
19 David le Filistin mi pawl cu siangpahrang Saul do dingih an feh lai ah Manasseh hrin sungin ralkap hrekkhat pawl cu David hnenah an ra. David in Filistin mi a bawm a si lo; an feh tlang hnuah Filistin lal pawl in a bawipa a rak si dahmi Saul hnenah in zuar pang ding ti an phan ruangah David cu Ziklag ah an kirter a si.
20 Ziklag ih a kir zawng ah Manasseh hrin a hnenih a rami ralkap pawl cu: Adnah, Jozabad, Jediael, Mikhael, Jozabad, Elihu le Zillethai an si. Manasseh ram ih an um lai ahcun ralkap thawngkhat hotu ciar an si.
21 Ralkap hminthang zetzet an si ruangah David ralkap pawl hotu bawi ah an cang. Neta lam ahcun Israel ralkap sungah ralbawi an si.
22 Nitin tein David hnenah midang an ra vivo ih a rei hlanah David ralkap cu an tam ih an cak ngaingai.
David Ralkap Pawl Cazin
23 Bawipa thutiamnak vekin David cu Saul ai ih siangpahrang cangter dingin raldo òhang ralkap tampi cu Hebron ah David hnen ahcun an ra ciamco. A ra mi pawl cu a tanglam vekin an si:
24 Judah hrin in ralthuam a keng fetfet mi thawngruk le zariat; phaw le feipi an keng ciar;
25 Simeon hrin in raldo zir cia ralkap thawngsarih le zakhat;
26 Levi hrin in ralkap thawngli le zaruk;
27 Aaron tesinfa pawl hotu Jehoiada a thluntu ralkap thawngthum le zasarih;
28 Raldo thiam mino Zadok ih sungkhat minung kul hluanhnih; anmah cu hotu hlir an si;
29 Benjamin hrin in ralkap thawngthum; Saul cu Benjamin hrin a si hrangah Benjamin mi tam sawn in cuih sun tiang Saul an òan.
30 Efraim hrin in, an hrin sungih ralkap hminthang, thawng kul le zariat;
31 Nitlaknak lam Manasseh in, David siangpahrang cangtertu dingih hrilmi pawl, minung thawng hleiriat;
32 Issakhar hrin in hotu zahnih le an kuthnuai ih ralkap ciar thawn; himi pawl cu Israel hrangah ziang kan tuah ah a òha bik tile ziangtikah tuah ding a si, ti a theitu pawl an si.
33 Zebulun hrin in raldo hiar zet le rinsan tlakzet, ziangvek hriamnam khal a hmangthiamtu ralkap thawng sawmnga;
34 Naftali hrin in phaw le feipi thawn a thuam aw mi ralkap bawi thawngkhat le ralkap thawng sawmthum le thawngsarih;
35 Dan hrin in raldo zir cia ralkap thawng kul hluanriat le zaruk;
36 Asher hrin in raldo zir cia ralkap thawng sawmli;
37 Jordan Tiva in nisuahnak lamih ummi Reuben, Gad le Nisuahnak lam Manasseh hrin pawl in hriamnam a phunphun hmangthiam ko ih zirh cia mi ralkap thawng za le thawng kul.
38 Ralkap hizat cu raldo dingin an timtuah cia òheh in Hebron ah an feh; an tumtahmi cu David kha Israel siangpahrang canter ding lawnglawng a si. Israel mi dangdang khal cubangtuk tumtahnak nei in an um òheh.
39 Ramsung minung pawl ih rak tawlrel sak cia mi ti le rawl, in le ei in cutawkah David thawn ni thum sung an um tlang.
40 Saklampi ih a ummi Issakhar, Zebulun le Naftali hrin pawl tiangin laak, kalauk, rang le caw pawl in sangphut, theipi sangrawh, sabit car, sabitti le olif hriak, pawl an run phur ciamco. An ei dingah caw le tuu tla an keng. Hitiih an ken ciamco cu an ram pumpi in lungawinak an neih zia a langnak a si.