SAAM HLABU 98
Leilung Pumpi Uktu Pathianc Thangòhatnak Hla
1 Bawipa ih hnenah
hla thar sa uh;
Mangbangza thil pawl a tuah zo.
A huham le a baan thianghlim in
ral a neh òheh zo.
2 Bawipa in a ral neh thu cu a than;
Mi a run theinak huham cu
miphun kip hnenah a theihter zo a si.
3 Israel mi parih a thukammi a kimter;
An parah a hmunmi a duhdawtnak le
a tlaihsannak cu cat lo in
a hmunter a si.
Vanrang hnuai mi hmuahhmuah in
kan Pathian ih ral nehnak cu
an hmu òheh.
4 Maw leilungmi pawl,
Bawipa ih hnenah
lungawinak hla sak uh.
Amah cawimawinak hla sak uhla
lungawi in au uh.
5 Tingrisit thawn
Bawipa ih hnenah
thangòhatnak hla sak uh.
Lemlawi thawn hla mawi tum uh.
6 Tawtawrawt le tuucang ki thawn,
siangpahrang kan Bawipa ih
hmaiah lungawi aipuang in au uh.
7 Maw tifinriat le a sungih ummi pawl,
au ciamco uh;
Maw leilung le a parih ummi pawl,
hla sak uh.
8 Maw tipithuanthum pawl,
nan zabeng cio uh;
Maw tlang pawl
Bawipa ih hmaiah
lungawinak hla sa tlang uh.
9 Ziangahtile leilung uk dingah
Bawipa cu a ra a si;
Amah in leilung pumpi ih
minung hmuahhmuah cu,
Dingthluk lairelnak le
felnak thawn a uk ding a si.