SAAM HLABU 95
Thangòhatnak Hla
1 Ra uh, Bawipa cu thangòhat
uh si!
In humtu le in runtu hnenah
Kan lungawinak hla in sa uh si!
2 Lungawinak thawn a hmaiah
feh uhsila,
thangòhatnak hla cu
aipuang in sa uh si!
3 Ziangahtile Bawipa cu
a mak zetmi Pathian a si.
Khawzing hmuahhmuah tlunah
a tum bik siangpahrang a si.
4 Leilung pumpi hi
a kut sungah a um;
A thuk bikmi khur ihsin
a sang bikmi tlangzim tiang,
Amah in a uk òheh a si.
5 Amah tuahmi tifinriat khi a uk ih
a semsuahmi leilung khal a uk a si.
6 Ra uh, kan lu kuun in
amah cu bia uh si;
Bawipa, in tuahtu hmai ahcun
kan khuk bil uh si.
7 Amah cu kan Pathian a si.
Kannih cu a kilkhawi mi
a minung kan si ih,
A khalh mi tuurual kan si.
A thusimmi cu tuih sun ah ngai hnik uh:
8 “Nan pu le nan pa Meribah ah,
Mi lungruh an rak si vek cun
si ve hlah uh.Ref 95.7, 8 Heb 3:15; 4:7;
Massah nelrawn ih an rak si vek
si ve hlah uh.
9 In rak hniksak ih an hrangih
ka tuahmi hmuahhmuah
An hmu ko nain in rak dodal thotho.Ref 95.8, 9 Suah 17:1-7; Mipum 20:2-13;
10 Kumpi kum sawmli sung
hi minung pawl ih nun zia cu
ka khop neknek a si.
‘Ziangtluk rin tlak lo minung so an si?
Ka thukham pakhatte hman
an thlun duh lo hi!’ ka ti.
11 Ka thin a heng ngaingai ih,
‘Colhnak ka lo pe hai ding,
ka timi ram cu,
Nan thleng hrimhrim lo pei!’
tiah siatcam in thu ka kam a si,” a ti.Ref 95.11 Mipum 14:26-35; Daan 1:34-36; Heb 3.7-11; 4:3, 5;