SAAM HLABU 94
Thuòhentu Pathian
1 Maw Bawipa,
nang cu phuba latu Pathian na si;
Na thinhennak langter aw.
2 Nang cu mi hmuahhmuah
thuòhentu na si;
Tho awla mi puarthau pawl
an sualman pe hai aw.
3 Ziangtik tiang so miòha lo
pawl hi an lung a awi ding?
Maw Bawipa,
ziangtik tiang so?
4 Thilsual tuahtu hi
ziangtik tiang so hngal zet le
Puarthau zet in an sualnak hi
5 Maw Bawipa,
na minung pawl an pal cih hai;
Na ta a simi pawl an hrem hai.
6 Nuhmei le ngakòah farah pawl
an that ih,
Kan ram sungih a ummi
mikhual pawl an phil.
7 Annih in, “ Bawipa cun
in hmu lo paam;
Israel ih Pathian cun
in hliah leem lo,” an ti.
8 Maw ka minung pawl, ziangtinso
hiti lawmmam ih thinlung mal le
mi-aa nan si?
Ziangtikah so nan beng a var ding?
9 Kan hna a tuahtu Pathian cun,
thei lo in a um ding maw?
Kan mit a tuahtu Pathian cun,
Hmu lo in a um ding maw?
10 Miphunkip hotu cun
a hrem hai lo ding maw?
Mi hmuahhmuah zirhtu cun
a thei thluh lo ding maw?
11 Bawipa in milai ih
thinlung cu a hmu òheh;
An ngaihtuahmi zianghman
a si lo zia khal a thei òheh.Ref 94.11 1 Kor 3:20;
12 Maw Bawipa,
nangmah ih nun na zirhmi le,
na daan na zirhmi pawl cu
mi thluasuak an si.
13 Miòha lo hrangih thlan laih
a si hlan tiang,
Harsatnak ni sungin colhnak
na pek a si.
14 Bawipa in a minung pawl
a dungtun lo ding;
Amah ih ta a simi pawl cu
a tlansan lo ding.
15 Thuòhennak hmunah
dingthluk lairelnak thawn
thuòhennak a umsal dingih,
miding hmuahhmuah in
16 Miòha lo pawl do dingah zoso
ka hrangah a ding ding?
Mi siava pawl tawng dingah zoso
ka lamah a òang ding?
17 Bawipa in i bawm hlah sehla,
Daiziar ih umnak ram ah
zamrang zet in ka feh zo ding.
18 “Ka rilsawn thlang ding a si hi!”
ka ti tikah,
Maw Bawipa, a hmunmi
na duhdawtnak in i dingter.
19 Thinphang le donhar ih
ka um tikah,
Nangmah in i hnem ih
20 Nang cu nawhthuh laak ih
thuòhentu pawl,
A dik lomi khi a dik tiah
a titu pawl,
21 Miòha a phiartu pawl le
sual nei lomi thah dingih
thu a òhentu pawl thawn
Nan òang tlang lo a si.
22 Asinan Bawipa in i òan ih,
Ka Pathian cu ka beunak lungpi a si.
23 An siatvat man ah Pathian in
a hrem hai dingih,
An sualman ah a siatsuah òheh hai ding.
Bawipa kan Pathian in
a tisiat hai ding a si.