SAAM HLABU 92
Thangòhatnak Hlab Sabbath Ni Hrangih Hla
Bawipa ih hnenah
lungawi thu rel le,
Cungnungbik Pathian, na hmin thannak
hla ih sak cu a va nuam so!
A hmunmi na duhdawtnak cu
zingtin tein phuang in,
Rin tlak na sinak cu
zantin tein phuang sehla,
Hri a nei ih tum theihmi
awnmawi: Òingòang le
tingrisit pawl thawn,
Rin tlak na sinak zantinte thanter cu
a va nuam so!
Maw Bawipa, na thil tuahmi
mangbangza in ka lung i awiter.
Na tuahmi ruangah lungawi in
hla ka sak.
 
Maw Bawipa, na thil tuahmi hi
a va mak so!
Na ruahnak cu a va thuk lawmmam so!
Mi-aa pawl ih
theih thei ding a si lo;
Mi hmuk pawl ih
ruah ban ding khal a si lo.
Miòha lo pawl cu hrampi bangin
an kho ding;
Thilsual tuahtu pawl cu
an òhangso zet ding.
Asinan annih cu siatsuah òheh
an si ding.
Ziangahtile Bawipa nang cu
kumkhua in na Cungnungbik a si.
 
Na ral pawl an thi ding ti
kan thei;
Miòha lo pawl cu an sung dingih
òhekdarh òheh an si ding.
 
10 Nangmah in sele bangin i cakter;
Nunnomnak thawn
i thluasuah zo a si.
11 Ka ral pawl an sun kha ka hmu,
miòha lo pawl an aihram ka thei zo.
 
12 Mifel pawl cu tuum kung bangin
an òhang hluarhlo ding;
Lebanon ih sidar thing bangin
an òhang ding.
13 Anmah cu Bawipa ih
inn sung phunmi
thingkung bangtuk an si.
Kan Pathian Biakinn sungah
an òhang ih,
14 An tar hnu khalah rah an rah;
A kumkhua in an hring ih
an khoh zet a si.
15 Himi in Bawipa cu
miding a si, ti a langter.
Amah cu ka lungpi a si ih
a sungah dingfel lonak
zianghman a um lo.