SAAM HLABU 91
In Humtu Pathian
1 Cungnungbik hnenah
himnak duh ah feh tahrat in,
Ziangkimtithei thladem hnuai ih
a umtu cun,
2 Bawipa ih hnenah,
“Nang cu ka beunak le
ka ralhruang na si;
Ka Pathian na si ih ka lo rinsan a si,”
3 A lang lomi òihphannak ihsin
a lo hum dingih,
Natsia a phunphun sungin
a lo luatter ding.
4 A thla in a lo hup dingih,
a lo kilkhawinak sungah
na him ding;
Rin tlak a sinak cu na ral phawpi le
phawte an si.
5 Zan ih òihphan ding tla
na phang lo dingih,
Sun ih conkiang khal na òih lo ding.
6 Khawthim lakih a vakmi pulhnat,
sun khawvang ih mi thah hmang
siatsuahtu khal na òih lo ding.
7 Na siir ah thawngkhat
an tlu dingih,
Na kiangkap ah thawnghra
an ril ding,
Sikhalsehla nang cu tuahmawh
na si lo ding.
8 Miòha lo pawl hremnak
an tuar zia cu,
na zoh dingih na hmu ding.
9 Bawipa cu a lo òantu ah
na tuah ih,
Cungnungbik cu a lo humtu ih
na hman ruangah,
10 Siatsuahnak zianghman
na tong lo ding;
Na inn kiangah thisen luannak
a thleng lo ding.
11 Na fehnak hmunkip ih
a lo humtu dingah le,
A lo kilvengtu dingah Pathian in
a vancungmi pawl a ret ding.Ref 91.11 Mat 4:6; Luk 4:10;
12 An kut in an lo cawi dingih
na ke cu lungto ah
na khawng lo ding.Ref 91.12 Mat 4:6; Luk 4:11;
13 Kiosa le rul na pal ding;
A heer zetmi kiosa le tur nei
rul pawl cu na pal ding a si.Ref 91.13 Luk 10:19;
14 Pathian in, “Keimah i duhtu pawl cu
ka run dingih,
Bawipa ka si hi i theitu pawl cu
ka hum ding.
15 In kawh tikah ka awi hai ding;
Harsatnak an ton tikah
an hnenah ka um ding;
Ka luatter dingih hmin òhatnak
ka pe hai ding.
16 Nun saunak laksawng
ka pe dingih,
Ka runsuak tengteng hai ding,” a ti.