SAAM HLABU 9
A Dingnak Ruangah Pathian Thangòhatnakf David Ih Phuahmi Hla
1 Maw Bawipa, ka thinlung zate in
nangmah cu ka lo cawimawi ding,
Mangbangza na tuahmi ka sim ding.
2 Nangmah ih ruangah lungawi zet in
hla ka sak ding,
Maw Cungnungbik, na hnenah
thangòhatnak hla ka sak ding.
3 Nangmah na lang tikah
ka ral pawl cu an kirsal,
An ril ih an thi.
4 A dingmi thuòhentu na si ih
na tohkham parah na to;
Keimah òan in thu na òhen a si.
5 Pathian thei lo miphun pawl
na hnong ih,
Miòha lo pawl cu na siatsuah hai a si.
Annih cu kumkhua in
an hloralta ding.
6 In dotu kan ral pawl an cem
thlata ih theih an si nawn lo,
An khuapi pawl cu na òhio òheh ih,
theihsal ding an si nawn lo.
7 Sikhalsehla Bawipa cu
kumkhua in siangpahrang a si.
Thuòhen dingah a siangpahrang
tohkham parah a to.
8 Leilung pumpi cu
dingnak thawn a uk ih,
òan bulmi nei lo in
mi hmuahhmuah ih thu a òhen.
9 Neh nen hremnak a tuartu hrangah
Bawipa cu relhnak
ralhruang a si.
Harsatnak caan ah himnak
ralhruang a si.
10 Maw Bawipa, na hmin
a lo theitu cun an lo rinsan ding,
Ziangahtile na hnenih a rami cu
11 Zion ihsin uktu Bawipa ih
hnenah thangòhatnak hla sak uh.
A thil tuahmi cu mi hmuahhmuah
hnenah sim uh.
12 Mizonzai pawl ih tuarnak cu
Pathian in a thei,
An ai-hramnak cu a hngilh dah lo;
Curuangah thisen a luantertu pawl
13 Bawipa, i zangfah hram aw.
I huatu pawl ih in tisiatnak hi
hmu hram aw.
Maw Bawipa, thihnak ihsin
i runsuak hram awla.
14 Jerusalem khuasungmi pawl
hmaiah ding tahrat in,
Nangmah ka lo cawimawinak thuhla
pawl hi ka sim ding.
I runsuak ruangah lungawi thu
15 Pathian thei lo miphun pawl cu
anmah ih laihmi khurah an tla;
Thang an kam ih anmah an awk aw.
16 Bawipa cu a dingmi
a thuòhennak in a lang awter;
Asinan miòha lo pawl cu anmah
ih tuahmi lala ah an awk aw a si.
17 Miòha lo pawl le Pathian
a dungtuntu miphun pawl ih
lamzin netnak cu thihnak Sheol a si.
18 Asinan mifarah pawl thlauthlak
ringring an si lo dingih,
Mirethei pawl ih beiseinak cu
kumkhua in namthlak a si lo ding.
19 Maw Bawipa tho thlang aw;
Minung in nangmah dodal in
tluangkhawng nawn hlah hai seh.
Miphun hmuahhmuah cu na hmaiah
kokhawm awla, an thu cu òhen aw.
20 Maw Bawipa,
an thin phangter aw;
Mihring men an si kha theiter hai aw.