SAAM HLABU 85
Miphun òhatnak Hrang Thlacamw Korah Hrin Ih Phuahmi Hla
1 Maw Bawipa, na ram parah
zangfahnak na nei zo;
Israel cu neinung zet in na umtersal a si.
2 Na minung pawl ih mawhnak
na ngaidam ih,
An sualnak hmuahhmuah cu
na thlah sak a si.
3 An parih na thinhennak cu
na rehter ih,
Na ai thawhnak cu na daiter zo.
4 Maw Pathian in runtu,
in tungdingsal awla,
Kan parah lungawi lo in
um nawn hlah aw.
5 Kumkhua in maw kan parah
na thin a heng ding?
Na ai thawhnak cu a reh
nawn lo ding maw?
6 Kan thazang caktersal awla
Na minung pawl hin
kan lo thangòhat ding.
7 Maw Bawipa, a hmunmi
na duhdawtnak cu in hmuh awla,
na rundamnak le bomnak cu
8 Bawipa Pathian ih
simmi cu ka ngai;
Kannih a minung pawl hnenah
hnangamnak in tiam a si;
Kan aatnak lamzin ih
kan kirsal lo a si ahcun!
9 A sunlawinak kan ram ih
a um theinak dingah,
A rundamnak cu amah a upattu pawl
hnenah a pe ding.
10 A hmunmi duhdawtnak le
rintlaknak an tong aw ding;
Dingfelnak le daihnak
an hnam aw ding.
11 Minung ih rintlaknak cu
leilung ihsin van a thleng ding;
Pathian ih dingfelnak cun
vancung ihsin in run zoh ding.
12 Bawipa in neinung zet ah
in tuah dingih,
Kan ram in rawl tampi a suah ding.
13 Bawipa ih hmaiah
dingfelnak cu a feh dingih,
A hrangah lamzin a rak sial ding.