SAAM HLABU 84
Pathian Ih Inn An Ngaiv Korin Hrin Ih Phuahmi Hla
1 Maw Ziangkimtithei Pathian,
na Biakinnpi cu ziangtlukin so
ka duh!
2 A sung thlen cu ziangtlukin so
ka hiar!
Bawipa ih Biakinn sung thlen cu
ka ngai zet a si.
Ka thinlung zate in a nungmi
Pathian hnenah lungawi in
hla ka sak.
3 Sunòam hman in bu an sak ih
vanva khalin inn an nei.
Na biakòheng kiangah cun
an fano an ret.
Maw Ziangkimtithei Bawipa,
ka siangpahrang le ka Pathian.
4 Na Biakinn thiang sungih a ummi
na hnenih thangòhatnak hla
cat lo ih a saktu pawl cu,
5 Na hnen ihsin thazang a latu
Zion Tlang lamih
thinlung a rettu pawl cu,
mi thluasuak an va si so.
6 A carmi Baka horkuam sung
an feh hmanah,
Tidai puutnak hmunah a cang;
òoruah in tikhur pawl cu
a khahter theh a si.
7 An feh phahin an cak deuhdeuh;
Annih cun pathian lakih
Pathian bik cu Zion ah an hmu ding.
8 Maw Bawipa Pathian,
Ziangkimtithei, ka thlacamnak
ngai hram aw;
Maw Jakob ih Pathian, ka aunak
i theih sak hram aw.
9 Maw Pathian, kan siangpahrang
i humtu hi thluasuahnak pe aw,
Na hril cia mi siangpahrang cu.
10 Na Biakinnpi sungih
ni khat um cu,
hmundang ih ni thawngkhat
um hnakin a òha sawn.
Ka Pathian ih inn sangka kil cu
Miòha lo pawl inn sungih
um hnakin ka duh sawn.
11 Bawipa cu in humtu le
a sunglawimi siangpahrang a si.
Zangfahnak le sunlawinak thawn
in thluasuah a si.
Thil dik a tuahtu hnen ahcun
Thil òha pek dingah
zianghman a ui lo.
12 Maw Ziangkimtithei Pathian,
nangmah a lo rinsantu cu,
mi thluasuak an si.