SAAM HLABU 83
Ral Nehnak Hrang Thlacamu Asaf Ih Phuahmi Hla
Maw Pathian, òong lo in
um hlah aw;
Dai tein um hlah, maw Pathian;
Dai zirziar in um hlah aw.
Zoh hnik, na ral pawl
an tho ciamco;
A lo huatu pawl ral an tho a si.
Na minung pawl a thup tein
a phiar an tum;
Na hummi pawl an dodal tum a si.
“Ra uh, an miphun in
an ci hmit uh si,
Israel cu a kumkhua in,
Hngilh lantami miphun ah
cang seh,” an ti.
 
An khuakhanmi ah
an lung a rual aw;
Nangmah dodal duh ah
an òangtlang a si.
Edom mi, Ishmael mi,
Moab mi le Hagar mi pawl,
Gebal mi, Ammon mi, Amalek mi,
Filistin mi le Òaiar mi pawl,
Assiria mi le a cak zetmi
Lot ih tefa,
Ammon mi le Moab mi pawl tla
an tel a si.
 
Midian mi parih na tuah vekin,
Kishon Tiva ah Sisera le Jabin
parih na tuah vekin,
Annih par khalah tuah ve aw.Ref 83.9 Thuò 46-22; 7:1-23;
10 Endor ah na neh hai ih
An ruak cu leilung parih
a thut thluh vek khan!
11 Oreb le Zeeb parih na ti vekin
an uktu bawi par khalah
tuah ve aw.Ref 83.11 Thuò 7:25; 8:12;
Zebaj le Zelmunna na neh vekin
An hotu pawl cu neh ve aw.
12 Annih cun,
“Pathian ta a simi ram cu,
kanmai’ ram ah kan cangter ding,”
tiah an ti.
13 Maw Pathian, leivut vekin
òhekdarh thluh hai aw;
Fanghi thli ih a sem hlo thluh vekin.
14 Meisa in tupi a kang ih
meihliau in tlang pawl
a ur òheh vekin.
15 Anmah cu na thlisia in
dawihlo awla,
òihnungmi na thlipi in
an thin phanter aw.
16 Maw Bawipa,
na hmin an theihnak dingah,
An mithmai cu ningzahnak in
khatter aw.
17 Ral ih neh ringringmi si hai sehla,
Kumkhua in an thinphang seh.
Mualpho neknek in thi hai seh.
18 Leilung pumpi uktu Bawipa cu
Nangmah lawng na si
ti hi thei hai seh.