SAAM HLABU 82
Cungsin Uktu Pathiant Asaf Ih Phuahmi Hla
Vancung ah pathian pawl
tonkhawmnak a um ih
Pathian in hotu a òuan;
Cuih tonkhawmnak ahcun
Pathian in thuòhennak a tuah.
“A dik lo ih thuòhennak
nan bang thlang pei.
Miòha lo pawl nan òan cuang
nawn lo pei.
Mi tlasam le ngakòah farah pawl
nan bawm pei ih,
Bawmtu nei lo le mizonzai pawl
parah dingthluk lairelnak thawn
thu nan òhen pei.
Mifarah le mi tlasam pawl
nan hum pei ih,
Miòha lo pawl kut sung ihsin
nan run pei.
 
Zianghman nan va thei lo
lawmmam so!
Nan va aa lawmmam so!
Khawthim sungah nan um ih,
Dingthluk lairelnak cu
leitlun ihsin a hloral zo.
‘Nanmah tla cu pathian nan si,’
tiah ka lo sim zo.
Nan zate in Cungnungbik ih fapa nan si.Ref 82.6 Joh 10:34;
Sikhalsehla milai vekin
nan thi ve ding.
Zovek siangpahrang fapa a si hmanah
a nunnak a cem òheu vekin,
Nannih khal nan cem ding a si,”
tiah a ti.
 
Maw Pathian, ra awla leilung hi
thu ra òhen aw.
Miphun hmuahhmuah hi
nangmah ih ta an si.