SAAM HLABU 79
Miphun Luatnak Hrang Thlacamq Asaf Ih Phuahmi Hla
Maw Pathian, nangmah a lo thei lotu
pawl in na ram an ra siim.
Na Biakinnpi thianghlim
an borhhlawhter ih
Jerusalem an siatsuah òheh a si.Ref 79.1 2 Siang 25:8-10; 2 San 36:17-19; Jer 52:12-14;
Na minung pawl ih ruak cu
langta ei dingah an tanta;
Na siahhlawh pawl ih ruak khal
ramsa ei dingah an ti.
Na minung pawl ih thisen cu
tidai bangin an suahter;
Jerusalem khuasung hmunkip ah
thisen cu tidai bangin a luang.
Ruak pawl phumtu dingah
zohman an tang lo.
Kan kiangkap ih miphun dangdang
pawl in capohnak ah in hmang;
In hnihsan ih in nautat a si.
 
Maw Bawipa,
kan parah ziangtik tiang so
na thin a heng ding?
Kumkhua in maw?
Na thinhennak hi meisa bangin maw
a alh ringring ding?
Nangmah a lo bia lotu miphun pawl le
na hmin a ko lotu pawl par ahcun
na thin khal heng ko aw!
Ziangahtile na minung pawl
an that zo ih, kan ram khal
an siatsuah zo a si.
 
Sikhalsehla kannih cu
kan pupa pawl ih sualnak ruangah
in hrem hram hlah aw.
Zangfahnak kan parah
neizang hram aw.
Ziangahtile ruahsannak
zianghman kan nei nawn lo.
Maw Pathian, in bawm awla
in run aw.
Na hmin sunlawinak dingah,
Kan sualnak in ngaithiam awla
in tlen hram aw.
10 Ziangahso miphun dangdang in,
“Nan Pathian khuiahso a um?”
tiah in suut ringring ding?
Na siahhlawh pawl ih thisen
an suah ruangah
hi miphun dangdang pawl
kan mithmuh ah hrem hai aw.
 
11 Thawngtla pawl ih hruumnak aw cu
ngai hram awla,
Thah dingih thuòhen cia mi pawl
na cahnak huham in
luatter hram hai aw.
12 Maw Bawipa,
na thangsiatnak na hnen
an hun thlenter ruangah,
Hi miphun dangdang pawl parah
a let sarih in phu la hram aw.
13 Cuticun kannih na minung,
na tuurual pawl hin,
Kumkhua in na hnenah lungawinak thu
kan rel dingih,
San khat hnu san khat in
kan lo thangòhat ringring ding.