SAAM HLABU 77
Harsat Caan Ih Hnangamnako Asaf Ih Phuahmi Hla
1 Pathian hnenah napi in ka au;
Napi in ka au ih amah in i thei.
2 Harsat caan ah Bawipa ih
hnenah thla ka cam;
Thlacam in zanvar ka ban ka phar,
Asinan hnemnak ka ngah lo.
3 Pathian ka ruat ih thinlung
har in ka hui ih ka aihram;
Thuk deuh in thu ka ruat ih
4 Pathian in zanvarte itthat lo in i tuah;
Ka thinlung a har tuk ih
ka òong thei lo.
5 A cem cia mi ni le thla ka vun ruat;
A lan cia mi kum pawl
ka vun mangsal.
6 A phunphun khawruat in zan ka var.
Ka ngaihtuah vivo ih
ka thinlung in thu ka suut aw:
7 “ Bawipa in,
in hnong kumkhua ding maw?
Kan parah a lung a awi dah
nawn lo ding maw?
8 In duhdawtnak cu
a cemta rori ding maw?
A thukamnak hi ziangtik hmanah
kim ti a nei lo ding maw?
9 Pathian in zangfahnak
a nei nawn lo maw si?
A lainatnak cu a thinhennak in
a airawl zo maw si?
10 Ziang dang hnakin
ka thin i nattertu bik cu:
Pathian in thil ti theinak zianghman
a neih nawn lo hi a si,” tiah ka ti.
11 Maw Bawipa, na thil tuahmi,
Mangbangza pawl
ka ciing ringring ding;
A cem cia mi caan ih khawruahhar
na tuahmi pawl kha,
Ka vun mangsal ding a si.
12 Na hnaòuan cia mi hmuahhmuah
ka ruatsal pei;
Na tuahmi a zate in ka ngaihtuahsal pei.
13 Maw Pathian, na thil tuahmi
hmuahhmuah hi,
An thianghlim a si;
Nangmah bangtuk a tummi Pathian
zohman a um lo.
14 Nang cu mangbangza tuahtu
Pathian na si;
Miphun tampi hnenah
na cahnak na langter.
15 Na huham in na minung pawl cu
na hum;
Jakob le Josef ih tefa pawl cu.
16 Maw Pathian, tidai pawl in
an lo hmuh tikah an lo òih;
Tipithuanthum tla cu
a tawdeng tiangin a khur òheh.
17 Khawdur in ruahti a run burh;
Van ihsin khua a ri durdo ih,
Nimthla cu khuazakip ah
a kau zukzo.
18 Na khuari cun cat thiam lo in
khuazakip a tlir ih,
Na nimthlakau in leilung pumpi a tlet;
Leilung pumpi cu a khur ih
a hnin hlurhlo.
19 Nang cu tifinriat na tan ih na feh;
A thuk zetmi tipithuanthum khal
na tan thei.
Asinan na keneh pawl cu
hmuh an theih lo.
20 Na minung pawl cu tuukhal
bangin na hruai;
Moses le Aaron cu a hotu an si.