SAAM HLABU 72
Siangpahrang Hrang Thlacamnakj Solomon Ih Phuahmi
1 Maw Pathian, dingthluk lairelnak thawn
thuòhentu a sinak dingah
nangmah in siangpahrang cu zirh aw.
Na dingfelnak coter ve awla.
2 Cuticun na minung pawl fel tein
Thu a òhen sak thei dingih
Dingnak thawn namsuk mi pawl
a uk thei ding.
3 Hi ram in nunnomnak co aw sehla
Dingnak a sungah leeng hram seh.
4 Siangpahrang in mifarah pawl ih
thu cu dikte in relseh.
Mi tlasam pawl bawm sehla,
Mi hmuhsuamtu pawl pal cih seh.
5 Na minung pawl in
ni a tlan sung hmuahhmuah le,
thlapi a van sung hmuahhmuah,
san mureng tiang,
Nangmah lo bia ringring hai seh.
6 Siangpahrang cu hrampi parih
a surmi ruah bangtuk sisehla,
Leiram parih a tla mi ruahti
bangtuk si hram seh.
7 A nundam sung hmuahhmuah ah
dingnak karhzai sehla,
Thlapi a um sung hmuahhmuah ah
daihnak um ringring hram seh.
8 A ram ukmi cu tifinriat in
tifinriat tiang;
Eufrates Tivapi in leilung
netnak tiang a kau ding.Ref 72.8 Zek 9:10;
9 Nelrawn ih minung pawl a hmaiah
an kun dingih,
A ral pawl cu leivut lakah an
bok ding.
10 Spain ram siangpahrang pawl le
Tikulh siangpahrang pawl in
laksawng an pe ding.
Arabia le Ethiopia siangpahrang
pawl khalin siah an pe ding.
11 Siangpahrang hmuahhmuah in
upatnak thawn,
A hmaiah an kuun dingih
miphun hmuahhmuah in
12 Amah a kotu mifarah pawl cu
a run hai;
Mi tlasam le thlauthlakmi pawl
khal a hum hai a si.
13 Mi derdai le mifarah parah
zangfahnak a nei ih,
An nunnak a hum hai a si.
14 Hmuhsuamnak le thisen luannak
sungin a run;
An nunnak cu a hrangah
15 Siangpahrang cu
a nunkhua sau hram seh.
Arabia ram ih sui a hnenah pek siseh, .
Cat lo in a hrangah thlacamnak
um ringring seh;
Pathian ih malsawmnak a parah
um ringring seh.
16 Hi ram sungah thlairawl tam
ngaingai um seh;
Tlang pawl cu lorawl in khat seh,
Lebanon ih thingrah bangin
an rah tam zet seh.
Khuapi pawl minung in khat sehla,
Hramlak ih hrampi zat si hai seh.
17 A hmin cu ziangtik hmanah
hngilh hlah hai seh.
Ni a tlan sung hmuahhmuah
a hmin thang seh.
Miphun hmuahhmuah in amah cu
thangòhat hai seh;
Siangpahrang thluasuah a pe ih,
Cubangtuk in thluasuah ngah ve
dingah midang in
Pathian hnenah dil ve hai seh.
18 Bawipa thangòhat uh;
Israel ih Pathian cu!
Amah lawng in hibangtuk
mangbangza a tuah.
19 A hmin sunglawi kumkhua in
thangòhat uh;
A sunlawinak leilung pumpi ah
khat seh.
20 Jesse fapa David ih thlacam netnak a si.