SAAM HLABU 69
Bom Dilnakh David Ih Phuahmi
Maw Pathian i run hram aw.
Tidai ka hngawng a tiang.
Cerhduuppi sungah ka pil,
Leilung hak zianghman a um lo.
Ti thukpi sungah ka um ih
Tisuar in i khuh zik thlang.
Bomnak dil in ka lo kawhnak ah
ka tha a cem;
Ka dang tla a car òheh;
Nangmah ih bomnak hngak in
ka zohnak ah ka mit
a kham thluh zo.
 
Ziangthu hman um lo ih
i huatu pawl cu ka lu par
sam hnakin an tam sawn;
Thuphanper tahrat ih ka ral ih
a cangtu pawl cu,
Mi cak zetzet an si ih
a thah lawnglawng in duh.Ref 69.4 Saam 35:19; Joh 15:25;
Ka ruk lomi thil pawl tla
khirh thluh seh, in ti.
 
Maw Pathian, ka sualnak pawl cu
Na hmai ihsin thuh theih a si lo.
Ka at zia cu nangmah in na thei.
Ziangkimtithei
Bawipa Pathian
Cungnungbik,
Nangmah a lo rinsantu pawl cu
Keimah ih ruangah ningzak in
um hlah hai seh.
Maw Israel ih Pathian,
Nangmah a lo biatu pawl cu,
Keimah ih ruangah mualphonak
thleng hram hlah hai seh.
Nangmah ih ruangah hmuhsuamnak
ka tong ih,
ningzahnak tam ngaipi ka tuar.
Ka unau hnenah mikhual ka bang ih
ka sungkhat hnenah
miphun dang ka bang.
 
Na Biakinnpi ka tlaihsannak cu
ka sungah meisa bangin a alh;
Nangmah an lo hmuhsuamnak
hmuahhmuah cu ka parah an tla òheh.Ref 69.9 Joh 2:17; Rom 15:3;
10 Rawl ul tahrat in
mi tangdor in ka um;
Asinan keimah nautatnak ah a cang.
11 Riahsiatnak hnipuan hruk in
ka nung;
Asinan capohnak ah in hmang.
12 Lamzin ah keimah ih thu an rel ih,
zuri pawl in hla ah in phuah.
 
13 Sikhalsehla kei cun,
Bawipa, na hnenah
thla ka cam ding;
Maw Pathian, na duhnak tikcu ah
i let aw;
Ziangahtile na duhdawtnak cu a tum ih,
mi run dingih na thukamnak cu
na kimter.
14 Cerhduup sungih pilnak ihsin
i run hram aw;
Ka ral pawl ihsin i hum awla,
ti thuk sung ihsin
i suah hram aw.
15 Tilik cu ka parah thlengter
hram hlah aw;
A thukmi ih tawne ah
i tlater hlah awla,
Thlan thukpi sungah
i pilter hram hlah aw.
 
16 Maw Bawipa,
i let hram aw;
A hmunmi na duhdawtnak le
na òhatnak thawn,
Na lainatnak a nasat ruangah
ka hnenah hoikirsal aw.
17 Kei na siahhlawh hnen ihsin
relh hram hlah aw;
Harsatnak tumpi ka tong,
atu ah i run let hram aw.
18 Ka hnenah ra awla i hum aw;
Ka ral pawl hnenin
i runsuak hram aw.
 
19 In nautat zia cu nangmah in
na thei òheh ko;
Ningzak le thangsia in,
in tuah zia cu na thei ih,
Ka ral pawl hmuahhmuah khal
nangmah in na hmu.
20 In nautat tuk ruangah
ka thinlung a kuai;
Bawmtu zohman ka nei lo.
Zangfahnak ka beisei nain
khui hmanah a um lo;
Hnemtu ka hawl nain khui hmanah
ka tong lo.
21 Ka ril a rawn tikah thihsii in pek,
Ka ti a haal tikah sabit thur in pek.Ref 69.21 Mat 27:48; Mar 15:36; Joh 19:28, 29;
 
22 An rawl daarmi pawl cu
an tluknak ah cang seh;
An puai pawl cu
an rilhnak ah cang seh.
23 Khua hmu thei lo dingin
an mit cawtter aw.
Tha nei lo in thir thlohthlo hai seh.Ref 69.22, 23 Rom 11:9, 10;
24 Na thinhennak cu
an parah run burh awla,
na ai thawhnak in run kaiseh.
25 An riah hmun pawl cu taan in
òhing reprep seh,
An riahbuk sungah a nungmi
zohman um hlah seh.Ref 69.25 Tirh 1:20;
26 Na vuak thlak cia mi pawl
an hrem hai ih,
Na hliam cia mi pawl ih tuarnak thu
an rel fawn.
27 An sualnak pawl cu
hminsin òheh awla,
na runnak sungah tel hrimhrim
hlah hai seh.
28 An hmin pawl cu nunnak cabu
sungin phiah sisehla,
na minung pawl ih cazin sungah
telhcih si hlah hai seh.Ref 69.28 Thup 3:5; 13:8; 17:8;
29 Asinan kei cu zonzai le natnak
tuar in ka um;
Maw Pathian, i cawisang awla
i run hram aw.
 
30 Pathian cu hla in ka thangòhat ding;
Lungawinak a hnenah sim in,
a maksak zia cu ka tlang-aupi ding.
31 Cumi in Bawipa cu
caw ka pekmi le,
cawcang thawinak hnakin
a lung a awiter sawn ding.
32 Mi tlasam pawl in cumi an hmuh
tikah an lung a awi ding;
Pathian a betu pawl an tha a tho ding.
33  Bawipa in
mi tlasam pawl ih òulnak cu a thei;
Thawng sungih a minung pawl
a hngilh lo a si.
 
34 Maw lei le van, tipi le
a sung ih ummi pawl,
Pathian cu thangòhat uh.
35 Zion cu a hum dingih,
Judah khuapi pawl cu
a dinsal ding.
A minung pawl cutawkah
an um dingih cuih ram
an luah ding.
36 A siahhlawh pawl ih tesinfa pawl in
an co dingih,
amah a duhdawtu pawl
cutawkah an um ding.