SAAM HLABU 66
Thangòhatnak Le Lungawinak Hla
Leitlunmi pawl,
Pathian thangòhat in
lungawi in au uh.
Amah hmin sunloihnak hla sak uh.
Sunglawi zet in a hnenah
cawimawinak pe uh.
Pathian hnenah, “Na thil tuahmi
pawl hi mangbangza an si,
Na huham a nasa tuk ih na ral
pawl hman òihnak in
na hmaiah an bok.
Leilungmi hmuahhmuah in
na hmaiah kuun in an lo biak;
Na thangòhatnak hla an sak.
Na hmin cawimawinak hla an sak,”
tiah ti uh.
Pathian ih tuahmi hi ra zoh hnik uh!
Minung lakih a tuahmi
mangbangza hi!
Tifinriat cu leilung ro ah a canter;
Kan pu kan pa pawl in tivapi cu
an ke in an tan;
Cutiih a tuah ruangah a parah
kan lung a awi.Ref 66.6 Suah 14:21; Jos 3:14-17;
A cahnak in a uk kumkhua ih
miphun kip a mit in
a zoh ringring.
Ziangvek ral hman amah dodal in
tho hlah hai seh.
 
Miphun hmuahhmuah pawl,
kan Pathian thangòhat uh.
Nan thangòhatnak cu thang òheh seh.
Amah in, in nundamter zo ih
in bahter sianglo a si.
10 Maw Pathian, in hniksak zo;
Ngun cu somei ih an hniksak bangin,
kannih khal in hniksak zo a si.
11 Thang an kammi sungah
in tlakter ih,
kan zaang parah thilrit ngaingai
na suang.
12 Kan ral pawl ih palcihmi ah
in tuah ih,
Meisa le tilian lakin kan feh.
Asinan atu cu himnak hmun ah
in thlenpi zo.
 
13 Na inn ah mei-ur thawinak pawl
ka rak keng ding;
Ka lo kam cia mi cu ka lo pe ding.
14 Harsatnak ka ton lai ih
ka thukammi cu ka kimter ding.
15 Biakòheng parih ur dingah
tuu ka lo pe ding;
Mecang urnak rimthaw khal a um ding;
Cawcang le mecang pawl
thawinak ah ka pe ding;
A meikhu cu van ah a kai ding.
 
16 Pathian a upattu pawl,
ra uhla ngai uh;
Ka hrangih a thil tuahmi pawl
ka lo sim hai ding.
17 A hnenah bomnak dil in ka au.
Hla in ka thangòhat.
18 Ka sualnak hi zianghman poisa
lo in um ningla,
Bawipa in ka thlacamnak
a ngai lo ding.
19 Asinan Pathian in i thei zo;
Ka thlacamnak a ngai zo a si.
 
20 Ka thlacamnak a hnong lo ih
a hmunmi a duhdawtnak khal
ka hnen ihsin a lakkir lo ruangah
Pathian cu ka thangòhat a si.