SAAM HLABU 56
Pathian Rinsan Ih ThlacamRef 56. Thulu. 1 Sam 21:13-15;v David Ih Phuahmi Hla
Maw Pathian, zangfahnak
ka parah nei hram aw;
Ka ral pawl in, in do ih
cat lo in, in hrem a si.
Sun nihlawh in ka ral pawl in, in do.
Keimah dotu hi an tam ngaingai.
Òihphannak ka neih tikah,
Maw Ziangkimtithei Bawipa,
Nangmah ka lo rinsan a si.
Pathian ka ring ih a thukamnak
ka thangòhat.
Amah ka rinsan ih zianghman
ka òih lo ding.
Mihring cun ka parah ziangso
an tuah thei ding?
 
Ka ral pawl in sun nihlawh
harsatnak in pek.
Keimah tuahmawh ding lawng
a phunphun in an ruat.
Keimah thah duh ah an relhnak
hmunah an tongkhawm aw ih,
Ka tuahmi hmuahhmuah
in zoh thup ringring.
Maw Pathian an òhat lonak ruangah,
hrem hai aw.
Na thinheng in hlonhlo thluh hai aw.
 
Ziangtlukin ka thin a baang
ti cu na thei.
Ka mitthli cu na palang sungah
na khum zo.
Na cabu sungah na ngan zo
a si lo maw?
Nangmah ka lo kawh ni ihsin
ka ral pawl dungah an siip ding.
Hi thil pakhat ka thei:
Pathian cu keimah lamah a òang.
10 Pathian cu ka rinsan ih
a thukamnak ka thangòhat.
Bawipa ih thukamnak cu
ka thangòhat a si.
11 Amah cu ka rinsan ih
zianghman ka òih lo ding.
Mihring cun ka parah ziangso
an tuah thei ding?
 
12 Maw Pathian,
ka lo tiamkam cia mi cu
ka lo pe ding.
Nangmah cawimawinak cu
ka thawinak ai ah ka lo pe ding.
13 Ziangahtile thihnak ihsin
i luatter ih,
Rilhbahnak ihsin i hum zo a si.
Curuangah Pathian nangmah ih
mithmuh ah ka feh.
Nunnak lamzin tleu ah.