SAAM HLABU 55
Bomnak Hrang Thlacamu David Ih Phuahmi Hla
1 Maw Pathian, ka thlacamnak hi
thei hram awla,
ka lo ngennak hi
dungtun hram hlah aw.
2 I ngai awla i sawn hram aw.
Ka donhar ruangah ka baang zo.
3 Ka ral pawl ih in hro ruangah le
Miòha lo pawl ih in hmuhsuam
ruangah ka bei a dong.
Harsatnak ka parah an thlenter.
Ka parah an thin a heng ih
4 Òihnak in ka thinlung cu a khat ih,
Thih òihnak in i delh a si.
5 Òihphannak le khurhnakin i kai,
Tuksum in ka òhia thlohthlo.
6 Aw, thuro bangin thla nei ningla
ka va duh so!
Ka zam hlo dingih colhnak
ka ngah ding nain.
7 Hlapi ah ka zam dingih
nelrawn ah umnak inn ka sak ding.
8 Thlisia ruahpi tuar lo dingah
zamrang tein beunak ka hawl ding.
9 Maw Bawipa,
ka ral pawl an lung aater awla,
An òong hnokhnaiter thluh aw.
Ziangahtile khuapi sungah sualnak le
tawhawknak lawng ka hmu.
10 A sun a zan in khuapi kulhnak
phar par ihsin khuapi cu an vel,
Khuapi cu buainak le
tuahmawhnak lawngin a khat.
11 Hmunkip ah siatsuahnak
lawnglawng a um ih,
Khuasung lamzin tla cu huatsuah le
bumawknak lawngin a khat.
12 I zawmtaitu cu ka ral si sehla
ka tuar thei pam ding.
I hmuhsuamtu cu i ngaih lotu si sehla
ka relhsan mai ding.
13 Sikhalsehla atu ka ral cu
nangmah ka theihmi,
ka hnaòuanpi le
ka rualpi na rak si.
14 Nuam zet in thu kan ruah aw ih
Biakinnpi ah misenpi thawn
kan feh tlang òheu.
15 Rin lopi ah thihnak cu
ka ral pawl parah thleng seh;
Mithi khua Sheol ah
an nungcung in feh hai seh.
An innsang sung le
an thinlung sungah òhat lonak
16 Bomnak dil in
Bawipa Pathian ka ko.
Amah in i run ding.
17 Ka phunzainak le ka aihramnak
cu a hnenah,
Zing, sun le zan ah a thleng ih
ka aw cu a thei ding.
18 Ral tampi ka donak hmun ihsin
himdam tein i kirpi ding.
19 Kumkhua in uktu bawi
a si ringringtu Pathian in,
ka aunak a thei dingih
ka ral pawl cu a neh ding.
Annih cun zianghman
an tuah thei lo ding.
Ziangahtile Amah òihzahnak
20 A hlanih ka rualpi in
a rualpi pawl a do.
A thukam cia mi cu a balsiat òheh a si.
21 A kaa cu sahriak hnakin a nal sawn;
Asinan a thinlung sungah
huatnak a khat.
A òongkam cu siti hnakin
a nem sawn;
Asinan ralnam vekin mi a at.
22 Nan thilrit cu Bawipa ih hnenah
òhum uhla, nan tha
a lo damter ding.
Miding cu ziangtik hmanah
a rilsawnter dah lo ding.
23 Sikhalsehla maw Pathian,
nang cun mi thattu pawl le
Thuphanpertu pawl cu an san
kauseu hlanah khur thukpi
sungah na thlak hai ding.
Asinan kei cun nangmah lawng
ka lo rinsan a si.