SAAM HLABU 51
Sual Ngaidamnak Thlacamr David Ih Phuahmi HlaRef 51 Thulu. 2 Sam 12:1-15;
Maw Pathian, a hmunmi
na duhdawtnak ruangah,
Kei hi i zangfah hram aw.
Na zangfahnak a tum ruangah
ka sualnak cu hnawtfai thluh
hram aw.
Ka òhat lonak cu kholhfai
thluh awla,
ka sualnak ihsin
i thiangter hram aw.
Ka tuah sualmi cu ka thei ih,
ka sualnak cu ka cing ringring.
Na parah, na par hrimhrim ah ka sual;
Na mithmuh ah thil òha lo
ka tuah zo.Ref 51.4 Rom 3:4;
Curuangah thuòhennak i pekmi cu
a dikmi a si;
Mimawh ih i ret khal a dikmi a si.
Ka suahthlak in miòha lo ka si,
Ka nu ih pum sung ihsin
misual ka si zo.
 
Thutak le thinlung tak cu
na duhmi an si.
Ka thinlung cu na fimnak in
khatter aw.
Ka sualnak hi hyssop thawn
fai tein i hlon sak awla
mi thiang ah ka cang ding.
I kholh awla vur hnakin
ka vaar sawn ding.
Thinnomnak le lungawinak awkam
i theiter hram aw.
Cutin na siatsuah cia mi ka taksa cu
thinnuam le hnangam in
a umsal ding.
Ka sualnak zoh duh hlah awla,
ka òhat lonak kha
i hnawtfai sak thluh aw.
 
10 Maw Pathian, thinlung thiang
ka sungah semter aw.
Ka sungah a thar le a dikmi
lungput run ret aw.
11 Na umnak ihsin i dawi hram
hlah awla,
Na thlarau thianghlim cu
ka hnen ihsin la hram hlah aw.
12 Na runnak ihsin a rami
thinnomnak cu i pesal awla,
Ka thlarau cu na thu ngaitu
siter hram aw.
13 Cutin misual hnenah
na thupekmi cu ka zirh dingih,
Na hnenah an rakirsal ding.
 
14 Maw Pathian, i Runtu,
ka nunnak cu zuah hram awla,
Na dingnak cu lungawi zet in
ka aupi ding.
15 Maw Bawipa,
ka hmur run ong awla,
ka kaa in na thangòhatnak
ka phuang ding.
 
16 Thawinak pekmi cu
na duhmi a si lo.
Na duh sisehla ka lo pek zo ding.
Mei-ur thawinak khal
na lungawi mi a si lo.
17 Maw Pathian, ka lo pekmi
thawinak cu,
a kekkuaimi thinlung a si.
A kekkuaimi le sualsir thinlung cu
na hnong lo ding.
 
18 Maw Pathian, Zion parah
zangfahnak nei awla
bawm hram aw.
Jerusalem khua kulhnak pawl cu
dawlsal hram aw.
19 Cutin thawinak pawl le
mei-ur thawinak pawl parah,
Na lung a awi dingih
na biakòheng parah
cawcang pawl cu
thawinak ah pek an si ding.