SAAM HLABU 50
Biaknak Taktakq Asaf Ih Phuahmi Hla
1 Ziangkimtithei Pathian
Bawipa cu a òong;
Nisuahnak ihsin nitlaknak tiang,
leilung pumpi cu a ko.
2 Pathian cu Zion ihsin
ni bangin a tlang;
Mawinak famkim a neitu Zion
3 Kan Pathian cu a ra, asinain
dai tein a ra lo.
A hmailam ah mei a alh hluahhlo
dingih,
A kimvel ah nasa zet in
thlipi a huuk ding.
4 A minung pawl thu a òhen tikah
theihpitu ah lei le van a ko ih,
5 “Thawinak pek tahrat in
keimah thawn thukamnak a tuahtu
ka mithiang pawl cu ka hnenah
rak kokhawm hai uh,” a ti.
6 Van pawl cun Pathian cu a ding,
Amah cu thuòhentu a si, tiah
7 “Maw ka minung pawl, ngai uh,
ka òong ding.
Maw Israel, fiang tein ka lo theiter ding.
Keimah hi Pathian,
nan Pathian ka si.
8 Ka hnenih nan pek ringringmi
thawinak le mei-ur thawinak pawl
ruangah ka lo kawk hai a si lo.
9 Nan inn ihsin nan rak kenmi
nan cawcang ka òul lo;
Nan òilva rual lakih
nan me pawl khal ka òul lo.
10 Ziangahtile hramlak ih ramsa
hmuahhmuah ka ta an si ih,
siar cawk lo tlang parih
òilva pawl khal ka ta an si.
11 Vate hmuahhmuah le hramlak ih
a nungmi hmuahhmuah khal
12 Ka rilrawng hmansehla nannih
ka lo sim hai lo ding;
Ziangahtile leilung pumpi le a
sung ummi hmuahhmuah hi
ka ta an si.
13 Cawcang sa ka ei maw si?
Me thi ka in maw si?
14 Nan lungawinak hi
Pathian hnen ih nan pekmi
thawinak si sawnseh.
Cule pek ding tiih nan kam cia mi
hmuahhmuah cu
Ziangkimtithei hnenah pe uh.
15 Harsatnak a thlen tikah keimah
i ko uhla ka lo run hai dingih,
Nannih in, in thangòhat ding,”
16 Asinan miòha lo hnenah Pathian in,
“Ka thukham cu
ziangahso nan saal duh rero?
Ka thukam cu
ziangahso nan rel duh rero?
17 Nan ziaza rem ding cu
nan duh lo ih ka thupekmi pawl cu
nan dungtun òheh.
18 Fifir nan hmuh tikah
a rualpi ah nan cang;
Òaangòawm sualnak a tuahtu
19 Òong òha lo òong ding ahcun
nan zamrang zet.
Thuphan sim ding ahcun
nan òhukòhun dah lo.
20 Nan unau pawl ih òhat lonak hawl le
sualpuh ding ahcun tiar cia in
nan um ringring.
21 Hi tluk thil òha lo nan tuah nain
kei cun zianghman ka òong dah lo.
Curuangah keimah tla hi
nanmah tlukfangah in ruat.
Asinan atu cu nun ka lo sim ding,
Fiang tein ka lo sim hai ding.
22 Zianghman ah i siar lotu pawl,
Hi thu hi òha tein ngai uh;
Culole ka lo siatsuah thluh hai ding.
Zohman runtu nan nei lo ding.
23 Ka hnenih lungawinak nan langtermi hi
keimah in upatnak ih
nan pekmi thawinak a si.
Ka thu a thluntu hmuahhmuah cu
Ka run hrimhrim ding,” a ti.