SAAM HLABU 41
Nat Caan Thlacamnakj David Ih Phuahmi Hla
1 Mifarah pawl zawnruattu cu
mi thluasuak an si,
An harsat caan ah Bawipa in
a bawm ding.
2 Bawipa in a kilkhawi dingih
a nunnak a humhim ding;
Hi ram sungah mi lungawi a siter ding;
A ral pawl ih kut sungah
a tanta lo ding.
3 A nat tikah Bawipa in
a bawm dingih a damtersal ding.
4 Cule Bawipa ih hnenah,
“Maw Bawipa,
na parah ka sual zo.
I zangfah hram awla
i damter hram aw,” ka ti.
5 Ka ral pawl in, in nahsik ih
in òongsanmi cu a sia ngaingai.
“Ziangtikah so a thih dingih,
A hmin a hlohta ding cu?” in ti.
6 I ra vehtu pawl cu thinlung
tak in a rami an si lo.
Ka parih thusia lawnglawng
an hawl ih an kirsal tikah
khuazakip ah in rel.
7 I huatu pawl cun ka thu hlir
thuthup ah an rel.
Ka hrangih a sia pittawp tiangin
an ruat.
8 Annih in, “Besia zet in a na ih,
A ihkhun ihsin a tho nawn
zik lo,” in ti.
9 Ka rualpi òha bik, ka rinsan
bikmi le ka rawl i òawmtu rori
in i phiarsawm zo.Ref 41.9 Mat 26:24; Mar 14:21; Luk 22:22; Joh 13:18; 17:12;
10 Maw Bawipa, i zangfah awla
i damter hram aw;
Ka ral pawl ka lehrul theinak
dingah.
11 Ka ral pawl ih in neh lo a si ahcun,
Ka parah na lung a awi a si,
ti ka thei ding.
12 A dikmi ka tuah ruangah
nangmah in i bawm ding;
Na hnenah kumkhua in i umter ding.
13 Bawipa, Israel ih Pathian
cu thangòhat uh.
Amah cu atu le kumkhua in
thangòhat uh.Ref 41.13 Saam 106:48;
Amen, Amen.