SAAM HLABU 4
Zanlam Thlacamnaka David Ih Phuahmi Hla
Ka lo kawh tikah i let hram aw,
Maw i òantu Pathian!
Thinpit ih ka um tikah na ra ih,
Ka thaw i ongter.
I zangfah awla ka thlacamnak hi
ngai hram aw.
 
Maw milai pawl, ziangtik tiang so
ka sunlawinak cu ningzahnak ah
nan canter ding?
Ziangtik tiang so thil òhahnem lo
hi nan duh hrih dingih,
Thuphan hi nan thlun hrih ding?
 
Bawipa in miding pawl cu
amah ih ta dingah i hril zo ih,
Ka kawh tikah i thei a si,
tihi thei ringring uh.
 
Òih uhla sual nawn hlah uh,
Nan ihkhun ah dai tein um uhla,
ruat ciamciam uh.Ref 4.4 Efe 4:26;
Bawipa ih hnenah a dikmi
thawinak pe uhla,
Amah cu rinsan uh.
 
“Maw Bawipa, thluasuah
in pe sinsin hram maw!
Zangfahnak thawn in run zoh
hram aw!” tiih thlacamtu
an tam ngaingai.
Nangmah ih i pekmi lungawinak cu,
Rawl le sabit tampi neitu pawl ih
Lungawinak hnakin a nasa sawn.
Ka it ve tein thlangam tein
ka itthat;
Maw Bawipa, nangmah lawng
i himtertu na si.