SAAM HLABU 35
Bomnak Hrang Thlacamc David Ih Hla
1 Maw Bawipa,
i ralsantu pawl ralsan ve awla,
i dotu pawl do ve aw.
2 Na ralphaw le na raldonak thuam
la awla,
keimah bawm dingah pok aw.
3 Na feipi le na hriamhrei la awla,
i dawitu pawl cu kham hai aw.
Cule, “Nangmah Runtu ka si,”
4 Keimah thah i tumtu pawl cu
Sung hai sehla ningzak in
um hai seh;
Keimah siatsuah dingih
i phiartu pawl cu,
Thinnau le thinlung hnok in
kir hai seh.
5 Bawipa ih vancungmi in
a dawi hai tikah,
thli ih a semhlomi fanghi vek
si hai seh.
6 Bawipa ih vancungmi in
a vuak hai tikah,
An lamzin thim sehla naalzet seh.
7 Ziangthu hman um lo in
keimah kai dingah,
thang in kam ih khur thuk an lai.
8 Asinan an theih hlanah
siatsuahnak in a man ding;
Anmah ih kam cia mi thang in
a awk hai dingih,
siatsuahnak sungah an tla ding.
9 Cule Bawipa ah
ka lung a awi ding;
I hum ruangah ka ai a puang ding.
10 Bawipa ih hnenah
ka thinlung zate in,
“Nangmah bangtuk zohman an um lo;
Mi òawnòai pawl cu
mi cak pawl kut ihsin
na humhim ih,
Mifarah zonzai pawl cu
hmuhsuamtu pawl ih kut ihsin
na humhim hai a si,” ka ti ding.
11 Miòha lo pawl ka sual hawltu ah
an suak ih,
ka theih dah lomi
sual in puh ciamco.
12 Òhatnak cu siatnak in, in lehrul ih,
thinnau le riahsia in ka um.
13 An dam lo tikah riahsia in
buri hnipuan ka hruk ih,
an hrangah rawl ka ul.
An hrangah lu kun in thla ka cam,
14 Ka rualpi le ka unau hrangih
riahsia bangin.
Mi pakhatkhat a nu ih zuun
a ngai bangin,
an hrangah riahsia in
15 Asinan harsatnak ka ton tikah,
Annih pawl cu an lung a awi;
Keimah hnihsan dingah in kulh,
Tluangmi pawl khalin in vua,
Cat lo in, in vaw ringring.
16 Ke awl an hmuhsuam ih
an puahcok bangin,
In hua ih in mitkem ciamco.
17 Bawipa, ziangtik tiang so
hitiin i zoh men ding?
Hitiih in vuaknak ihsin
i run hram awla,
Ka nunnak cu hi kiosa pawl kut sungin
i hum hram aw.
18 Cuticun a pumkhawmmi
na minung lakah ka lo lawm ding,
An zate hmaiah ka lo thangòhat ding.
19 Thuphanpertu ka ral pawl cu
kham hai aw,
Ka sun ruangah diriam in
um hlah hai seh;
Thuhla um lo in i huatu pawl cu
kham hai aw,
Ka riahsiat ruangah an lungawi
in hni suamso hlah hai seh.Ref 35.19 Saam 69:4; Joh 15:25;
20 Rualpi òha òong in an òong lo,
Rualremnak a duhtu pawl kha
thuphan a phunphun an puh hai.
21 Sual in puh ih,
“Na tuahmi kan thei,” tiah an au.
22 Asinan Bawipa nang in
hi thil hi na hmu thluh;
Curuangah Bawipa dai tein
um hram hlah aw;
Lamhla ah i umsan hram hlah aw.
23 Tho awla Bawipa i hum aw;
Ding awla,
ka Pathian ka thu i simsak aw.
24 Maw Bawipa,
nang cu a dingmi na si;
Curuangah sual nei lo a si tiah
i phuan sak aw.
Ka ral pawl cu hni suamso in
umter hlah hai aw.
25 “Kan dawihlo zo, kan duhmite
kan tuah ngah zo,” an ti lonak
dingah nangmah in kham hai aw.
26 Hi tluk ka tuarnak parih
a hni sursotu pawl cu,
Ningzak le buai in um hai seh.
“Anih hnakin kan òha deuh,”
i titu pawl cu mualpho le
27 Keimah thiamcotermi ka si ding,
i duhsaktu cu lungawi aipuang in
um hai sehla,
“ Bawipa cu a maksak a si;
A siahhlawh hlawhtlinnak
a ngah ruangah a lung a awi a si,”
tiah cat lo in au hai seh.
28 Cuticun na dingnak cu
ka than dingih,
Sun nihlawh in ka lo thangòhat ding.