SAAM HLABU 32
Sualphuannak Le Ngaidamnakb David Ih Phuahmi Hla
1 A mawhnak ngaithiam a simi le,
A sualnak thlah sak a simi cu
mi thluasuak a si.
2 Bawipa in sual a puh lomi le,
A lung sungah mibumnak a neilotu cu
mi thluasuak a si.Ref 32.1, 2 Rom 4:7, 8;
3 Ka sualnak phuang lo ih
ka um tikah cun,
Sunvu ka òahnak ah
ka taksa a vuai òheh.
4 Maw Bawipa,
a sun a zan in na kut in i nen;
Ka thazang cu, òhal ni ling ih
daitla a roter bangin,
a roter òheh a si.
5 Cule na hnenah ka sualnak cu
ka phuang;
Ka thil tisualmi pakhat hman
ka pheh lo.
Ka sualnak cu na hnenih
phuang dingin ka ruat cat;
Cule nangmah in ka sualnak cu
i ngaithiam òheh a si.Ref 32.5 2 Sam 12:13;
6 Nangmah a lo tlaihsantu
hmuahhmuah in,
An harsat caan ah na hnenah
thlacam hai seh.
Tilik lianpi a thlen tikah
an hnen a thleng lo ding.
7 Nangmah cu ka beunak hmun na si.
Harnak in i hum ding.
Nangmah ih i run ruangah
I runnak cu hla in ka sak ding.
8 Bawipa in,
“Na thlun dingmi lamzin
ka lo sim ding.
Ka lo zirh dingih ka lo hmuh ding.
9 Rang le laak vek cun aa hlah;
Na thu ngaitu si dingah annih cu
Kakharh le hmurhri in
10 Miòha lo pawl ih tuarmi cu
a tam ngaingai;
Asinan Bawipa a rinsantu cu
A hmunmi a duhdawtnak in
a hum hai a si.
11 Nannih miding pawl,
Bawipa ah
lungawi aipuang in um uh.
Nannih thinlung òha pawl,
nuam zet in au uh.