SAAM HLABU 27
Thangòhat Thlacamnakw David Ih Hla
Bawipa cu ka tleunak le
ka rundamnak a si;
Zoso ka òih ding?
Bawipa cu ka beunak lungpi a si;
Zianghman ka òih lo ding.
 
Miòha lo ka ral pawl in,
in do ih a thah in tum tikah,
anmah riangri an bah ih an ril.
Ralkap burpi ih
in kulh òheh hmanah,
ka òih lo ding;
Ka ral pawl ih in nor ciamco hmanah,
thlaphang lo in,
Pathian cu ka rinsan thotho ding.
 
Bawipa ih hnenah
thil pakhat ka dil;
Cuih thil pakhat lawng cu
ka duhmi a si:
Bawipa ih inn sungah
ka nun sung hmuahhmuah
um ka duh;
A mawinak zoh dingah le
amah ih duhmi hawl ding, hi a si.
Harsat caan ah amah ih puuk sungah
i thup ding;
A Biakinnpi sungah him tein
i kilkhawi dingih,
A saangmi lungpi parah hnangam tein
i umter ding.
Cuticun ka kiangih a ummi
ka ral pawl cu ka neh ding.
Lungawinak thawn au phahin
a Biakinnpi sungah
thawinak ka pe ding.
Hla ka sak ding,
Bawipa cu ka thangòhat ding.
 
Maw Bawipa,
ka lo kawh tikah i thei hram aw;
I zangfah awla i let hram aw.
“Ra awla Bawipa ih mithmai hawl aw,”
na ti tikah,
“ Bawipa, na mithmai ka hawl ding,”
tiah ka ti.
Na mithmai i hersan hram hlah aw.
 
Ka parah na thinheng lo in,
na siahhlawh hi
i khir hram hlah aw.
Nangmah cu i bawmtu ringring na si.
Maw Pathian, I Runtu,
I tanta hlah awla
i dungtun hram hlah aw.
10 Ka nu le ka pa cun
in dungtun hman hai sehla,
Bawipa cun òha tein
i tuam hlawm ding.
 
11 Maw Bawipa,
tuahter i duhmi cu i zirh awla,
a dingmi lamzin ah i hruai aw.
Ziangahtile ka ral an tam ngaingai a si.
12 Thuphan le hronak hlir in
i dotu ka ral pawl hnen ahcun,
i tanta hram hlah aw.
 
13 A nungmi pawl ih ram ah
Bawipa ih òhatnak cu
Ka hmu tengteng ding tiah ka zum.
14  Bawipa cu hngak uh;
Cak zet le ralòha in um uh;
Bawipa cu hngak uh.