SAAM HLABU 21
Nehnak Hrangih Lungawinakq David Ih Phuahmi Hla
Maw Bawipa, siangpahrang cu
na cahnak ah a lung a awi.
Nehtu na siter ruangah
lungawinak in a khat.
A lungthlitum na pek zo;
A lo dilmi hmuahhmuah na el lo.
 
A hnenah malsawmnak
a phunphun thawn na ra ih,
A lu parah sui lukhuh na khumter.
Nunnak a lo dil ih na pe zo,
Kumkhua tlaitluan ih damnak cu!
Na bawm ruangah
a sunlawinak a tum,
Lennak le hminthannak na pek.
Na thluasuah cu a parah
kumkhua in a hmun,
Na umpi ruangah lungawinak in a khat.
 
Siangpahrang in Cungnungbik
Bawipa a rinsan;
A thleng aw dah lomi Bawipa ih
duhdawtnak ruangah,
Anih cu hnial thei lo in
siangpahrang a si ding.
Na ral hmuahhmuah
na kut cak in na kai ding;
A lo huatu hmuahhmuah tla
na kai òheh ding.
Na lang tikah annih pawl cu
somei vaam bangin
na ur thluh hai ding.
 
Bawipa in a thinhengin
a dolh thluh hai dingih,
Meisa in a kangral òheh ding.
10 Siangpahrang in an faale pawl
an ci a hmit dingih,
An tesinfa pawl tla
a òhiam thluh hai ding.
11 Thil òha lo an ngaihtuah ih
an phiar khalle,
an hlawhtling lo ding.
12 A conkiang in a sai hai dingih
An pet an zuang ciamco ding.
 
13 Maw Bawipa, na cahnak hi
hlorh in um aw sehla,
Na thilti theinak cu
hla in kan cawimawi ding.